كتب محمد البشرى: عايز تصرف النظر عن الموضوع لفائدة الموساد
هههههه..ده شنو يا حبيب؟ يخرب مطنك يا ود البشرى..عاجبك كده تفك ليك كيس ، والهوا يشيلوويفحط بيهو وتقوم مخالب الموساد تسكو وتسكو وتسكو وتاني تسكو وتسكو..! النجيضة ياحبيب..حميدتي صار حنكوش..ضرب الموية الساقطة (لاحظ ده الزول الكان بيقول للصادق المهدي: شايلين الحراية في راسنا ، خلي تاني ود مرا يقول شنو كده ما عارف) والببسي ومناظر الجكس النضيف..وبقي همو يشاكل اخيه (هرون ، الذي كان يتوقع فيه الفصاحة وشد الأزر ، طبعا حميدتي زي سيدنا موسى عندو قطعة يا ود البشرى..!!!!)..ولكن..! الخلاء واسع يا حبيب ، ممكن يجيب الفموية حميدتي ، يركبوا ليك شركة كلما سوفت في العمارات ، ويمعطوا ليك حاتم ابراهيم ، هذا اذا كان في حاجة اسمها حاتم ابراهيم ممكن تلقاها في السودان..! هرمنا يا صاحب..وافتقدنا القدرة على احتمال النكتة والمطاعنة..اخلاقنا في النخرة..وحاتم ابراهيم ما ح نقول ليهو حاسب ..لكن أي قلة ادب بنعرف كيف نتصرف معاها (طبعا لسنا في غباء محمد بن سلمان ، وكلك فهم ونظر..!!..) كلام الموساد يا ود البشرى اعتبرو ونسة ساكت..لكن الجد ما داير ليهو نقة..! ولا ينغرنكم اخلاق الفرسان بتاع معاوية المدير البيقول لحاتم..قاعد حارسك..! قلة ادب حاتم دي ما دايرة اخلاق فرسان زي بتاعة ناس ود المدير..دايرة حاجات تانية..وبرضك قاعدة..! الدواس ما فيهو عوقتني يا ود البشرى..ولو حاتم كان بيتز محمد عبد الله صديق بالمحاكم..نحن ناس خلا مافي قانون بيركب في راسنا ..فشنو اخير لحاتم يتغدى بينا قبال نتعشى بيهو..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست