|
Re: آدم لم يقل سوى الحقيقة المجردة يا مشرف.. (Re: آدم صيام)
|
هلا ومرحبا بآدم،
هههها يا زول ((كتابة بأدلة مش شمشرح ساكت)) بتاع شنو، الأدلة في كلامك زاتو... لمن يلقي السمع ويعاين كويس!!
والله أربأ بك يا آدم أن تلجاّ لألاعيب المناظرات تبع طلبة الثانوية، ولا تجد غير للـ rhetorical tricks والـ logical fallacies الميتة دي، ثم تقعد تكتر من محلبية المظلومية التاريخية والتباكي الهويّوي.. لكن أنا حأجاريك شوية برضو..
أولا؛ هذا الذي لم يعجبك مجرد رأي عن كتاباتك وعن شواهد فيها، وليس بدراسة منهجية.. يعني هو فعلا إنشاء ولا يحتاج إلا إلى الحجة المنطقية، وقد اقمناها من الشواهد التي توفرها أنت واسماعيل.. الأمر لا يحتاج إلى منهج ولا لتخصص كما تقول، بل هذا تحتاجه أنت، وبما تزعمه دراساتك…
ثانيا؛ في موضوع المنهج؛ سبق وقلنا لك هناك: ماشفنا ولا أنت قدمت منهجا يبرر لك استلالك إبَر الشواهد من كوم التراث الأدبي، فقط لأنها تخدم غرضك في الطعن على العرب.. وأيضا قلنا لك: إنك لا يمكن أن تكون منهجيا في مقاربتك للهوية انطلاقا من موقفك المسبق الغير محايد والمنحاز.. ياخي لدرجة تنكر الواقع نفسه وبل حتى وجود العرب في السودان.. وكما أراك تفعل هنا والآن، فقد رأيتك هناك؛ مجرد أدلوج متأبط هواك..
ثالثا؛ أتحداك أن تثبت أي كلام في طول المقتبس الطويل الجبتو ليك، وهو يحسم القول بـ (عروبة السودان) منا ادعيت، وثم فأنت تبني عليه منطق استغرابك الفخيم في قولك:(الغريبة قال البقط غير حقيقة لكن عروبة السودان حقيقية) وقولك (الإدعاء بكراهية عروبة السودان هذه دلالة فاقعة على الدفاع عن أن السودان عربي! شفت كيف الكرة المرتدة.))!! يا راجل كرة مرتدة بتاع شنو إنتا قايل نفسك هازارد أصلو؟ نحن لسنا مثلكم ونسعى لحسم الهويات قسرا!! كل ما في الأمر قلنا ليك أنظر حولك، فسترى عربا ومستعربين، ولا يجوز أن تنكر وجودهم كما لا يجوز أن تنكر المعروف من الواقع بالضرورة لمجرد هبة هوى هويّوي تضري فيها عيشك الآيدلوجي!!
رابعا؛ كلام البقط لو ما عاجبك، جيب لينا نص الاتفاقية الموثق والمتفق عليه، كان ما لقيتو أمش وأسأل الباحث المتخصص د. أحمد الياس الحسين.. أو بواسطة صاحبنا وأخينا عبدالله شم المتداخل معك في الرابط الجبتو..
خامسا؛ قلت لا يوجد تتريخ لدخول العرب.. يا آدم خي ما تسيبنا من الضعف المنطقي دا!! لو أثبتّ أنت البقط كما تردد، فبالتالي ستكون قد أثبتّ هذا التتريخ الذي تنكره بالذات.. نسخة البقط (العندك دي) ما فيها كلام عن تجارة ومساجد مثلا؟ ولّ دنقلا ما من السودان؟ ثم قووول دخلوا أمس من المريخ، والتاريخ ما اتكتب لسع، طيّب عينك ما بتشوف؟؟ خليك مني أنا، أمشي فتش الانترنت دي عن كتابات (المنهجيين) كيوسف فضل مثلا، عن هذا الموضوع وأشباهه،، أقرأ تاريج المماليك في مصر مع عرب جهينة وربيعة وبني عرك وغيرهم.. أو فلتسأل فولكلور السير عن مؤداه الرمزي .. أو بالعدم خالص فاسأل موسى هلال بواسطة صاحبك اسمعيل سيد هذا البوست!!
سادسا؛ قولك: (ولا في إدِّعاء بأن السودانيين لا يرقون أن يكونوا عربًا. غايتو جنس تهم جزافية. يرتقون عديل !!) فقدره المنطقي لن يعد أن يكون سوء قراءة أو مغالطة أخرى.. إذ إنه في الأصل وواضح جدا، إنما هو نقد يغوص في مستبطنات خطابك الهويوي الذي لا يفتر يعاير (عرب ومستعربي لسودان) بنقص في حيثيتهم العربية، وإنها أدنى من الحيثية الحجازية أو الشامية مثلا، وهو يشي تماما باستبطان خطابكم هذا لقناعة ما بعلو كعب العرب ودونية غيرهم!! من ألسنتكم ومما ورائها نمسككم.. ولّ تحسبوا لعب!!
سابعا؛ ياخي قول الزول (المشكوك فيه أيضا) الاسمو المقريزي دا قام زوّر الشهادات حسب الطلب السناري، أها طيب الناس البتكلمو عربي ديل مشو قرو اللغة في الأستانة وثم رجعوا ولّ كيف كلامك؟؟ وأزيدك، في حال إنو حصل، فطبعا الكتبو الخطاب المزعوم ديل بكونوا أذكياء ومتوقعين مثل غلوتيتك دي، فحيكونوا كتبو مسلمين برضو مش عرب بس، لأنو الزول الغزا الشام والحجاز ومصر دا ما اسمو سليم بن الأصمعي عشان يحنسوهو بالعروبة.. ثم لو إنهم كانوا في الخطاب المزعوم دا؛ قالوا أن بعض القبائل فقط هي العربية والباقي يستحق الغزو والسبي.. طيب رأيك كان حيكون شنو يا آدم؟ وهذه، من طرف النت، روابط مفيدة كهدية لك يا عزيزي آدم صيام.. https://www.alrakoba.net/articles-action-show-id-86194.htm https://www.alrakoba.net/articles-action-show-id-86379.htm
ثامنا؛ تنكر أقوالك وتقول: (لا في حد يكره العرب ولا في إدعاء بأن السودانيين لا يرقون أن يكونوا عربًا)! قلت كدي؟ إذن يقبل منك الآن بتحفظ وتحت الملاحظة الشديدة، ولكنه قابل للمقارنة المستقبلية، فاستعد.. مستقبليا شنو يا زول؟ أهو مغالطاتك المنطقية قاعدة هنا؛ تقول:(الكراهية قام بها تاريخيًا من ينتسبون إلى العرب وما زالت قائمة)!! مش دا كلامك هنا؟ طيب ناس يكرهوك من الباب للطاق كدي، الحاميك تكرهم شنو؟؟ يا آدم قول كلام تاني!! لكن بوين ليك كلام تاني؟ لا منهجيتك المترصدة تشي بذلك، ولا مغالطاتك ولا انحيازاتك التي ستوردك موارد الكراهية،، مرة مغول ومرة بدو ومرة شعوبية ومرات حاجات تعرفها براك…
تاسعا؛ زيادة في المغالطة تقول هربت من سؤالك (أي سؤال؟) بل والأنكى، تقول إنك قد رددت نقدي عن منهجيتك، يا راجل!! أسألني تاني طيب!! أو لست أنت برضو الرفضت تجاوب الأسئلة وبل اتضايقت مننا لغاية ماطلبت مغادرة الزميل الأكثر إلحاحا؟؟ نجيب ليك الرابط ولّ شنو يا آدم؟
عاشرا؛ يا آدم، فوق هنا في سابعا، أهديتك رابطين فيهن كلام تاريخي وعلمي عن رسائل دنقس وسليم وعن أنساب المقريزي، وأشياء أخرى أشّرت ليك عليها، راجعهن وفتش عن نفس هذا الباحث الكاتب وعن مباحثه المشككة في (البقط) أيضا، وخلينا من باقي الكلامات في التاريخ والمنهجية والشعوبية والهوية… كلامي قلتو ونصيحتك بتجويد المنهج وتمتين التخصص ستأخذ بعين الاعتبار؛ باقي حاجة واحدة بس:
أن تتفضل وتجاوب لينا على هذين السؤالين الحاسمين: (١) هل يوجد عرب في السودان أم ينعدم وجودهم؟ بالعدم، هل يوجد مستعربين في السودان أم ينعدم أي الاستعراب؟ بالعدم، هل يوجد من يدّعي العروبة أو الاستعراب في السودان؟ وبالطبع فلن ينعدم؟ صحي التالتة واقعة!! آها، السؤال البعدو، بما وقعت الواقعة عليك... (٢) ما هي خطتّك الهويوية المقترحة؛ لمقاربة أي وجود أو مجرد الإدعاء بوجود عربي في السودان؟ ====== وبس.. سلامو عليكم..
|
|
|
|
|
|
|
العنوان |
الكاتب |
Date |
آدم لم يقل سوى الحقيقة المجردة يا مشرف.. | اسماعيل عبد الله محمد | 07-20-18, 06:45 PM |
Re: آدم لم يقل سوى الحقيقة المجردة يا مشرف.. | صديق مهدى على | 07-20-18, 07:01 PM |
Re: آدم لم يقل سوى الحقيقة المجردة يا مشرف.. | محمد حيدر المشرف | 07-20-18, 07:05 PM |
Re: آدم لم يقل سوى الحقيقة المجردة يا مشرف.. | صديق مهدى على | 07-20-18, 07:10 PM |
Re: آدم لم يقل سوى الحقيقة المجردة يا مشرف.. | Arif Nashed | 07-21-18, 00:57 AM |
Re: آدم لم يقل سوى الحقيقة المجردة يا مشرف.. | السيد المسلمي | 07-21-18, 10:06 AM |
Re: آدم لم يقل سوى الحقيقة المجردة يا مشرف.. | عبداللطيف حسن علي | 07-24-18, 09:47 PM |
Re: آدم لم يقل سوى الحقيقة المجردة يا مشرف.. | عبداللطيف حسن علي | 07-24-18, 10:26 PM |
Re: آدم لم يقل سوى الحقيقة المجردة يا مشرف.. | علي عبدالوهاب عثمان | 07-25-18, 01:48 PM |
Re: آدم لم يقل سوى الحقيقة المجردة يا مشرف.. | Hatim Alhwary | 07-25-18, 03:11 PM |
Re: آدم لم يقل سوى الحقيقة المجردة يا مشرف.. | آدم صيام | 07-25-18, 05:06 PM |
Re: آدم لم يقل سوى الحقيقة المجردة يا مشرف.. | اسماعيل عبد الله محمد | 07-25-18, 10:25 PM |
Re: آدم لم يقل سوى الحقيقة المجردة يا مشرف.. | أبوبكر عباس | 07-26-18, 00:59 AM |
Re: آدم لم يقل سوى الحقيقة المجردة يا مشرف.. | هاشم الحسن | 07-26-18, 01:19 AM |
Re: آدم لم يقل سوى الحقيقة المجردة يا مشرف.. | هاشم الحسن | 07-26-18, 01:21 AM |
Re: آدم لم يقل سوى الحقيقة المجردة يا مشرف.. | أبوبكر عباس | 07-26-18, 01:26 AM |
Re: آدم لم يقل سوى الحقيقة المجردة يا مشرف.. | هاشم الحسن | 07-26-18, 01:41 AM |
Re: آدم لم يقل سوى الحقيقة المجردة يا مشرف.. | Abdlaziz Eisa | 07-26-18, 04:05 AM |
Re: آدم لم يقل سوى الحقيقة المجردة يا مشرف.. | Abdlaziz Eisa | 07-26-18, 04:36 AM |
Re: آدم لم يقل سوى الحقيقة المجردة يا مشرف.. | Mohamed Doudi | 07-26-18, 03:24 PM |
Re: آدم لم يقل سوى الحقيقة المجردة يا مشرف.. | آدم صيام | 07-26-18, 07:00 PM |
Re: آدم لم يقل سوى الحقيقة المجردة يا مشرف.. | Haytham Ghaly | 07-26-18, 07:27 PM |
Re: آدم لم يقل سوى الحقيقة المجردة يا مشرف.. | Mohamed Doudi | 07-26-18, 08:59 PM |
Re: آدم لم يقل سوى الحقيقة المجردة يا مشرف.. | أبوبكر عباس | 07-26-18, 09:07 PM |
Re: آدم لم يقل سوى الحقيقة المجردة يا مشرف.. | هاشم الحسن | 07-26-18, 10:13 PM |
Re: آدم لم يقل سوى الحقيقة المجردة يا مشرف.. | آدم صيام | 07-27-18, 00:48 AM |
Re: آدم لم يقل سوى الحقيقة المجردة يا مشرف.. | هاشم الحسن | 07-27-18, 07:56 AM |
Re: آدم لم يقل سوى الحقيقة المجردة يا مشرف.. | عبداللطيف حسن علي | 07-27-18, 08:51 AM |
Re: آدم لم يقل سوى الحقيقة المجردة يا مشرف.. | آدم صيام | 07-28-18, 06:10 AM |
Re: آدم لم يقل سوى الحقيقة المجردة يا مشرف.. | آدم صيام | 07-28-18, 06:21 AM |
Re: آدم لم يقل سوى الحقيقة المجردة يا مشرف.. | عبداللطيف حسن علي | 07-28-18, 07:37 AM |
Re: آدم لم يقل سوى الحقيقة المجردة يا مشرف.. | Haytham Ghaly | 07-28-18, 08:06 AM |
Re: آدم لم يقل سوى الحقيقة المجردة يا مشرف.. | هاشم الحسن | 07-28-18, 11:18 AM |
Re: آدم لم يقل سوى الحقيقة المجردة يا مشرف.. | آدم صيام | 07-28-18, 01:20 PM |
Re: آدم لم يقل سوى الحقيقة المجردة يا مشرف.. | هاشم الحسن | 07-29-18, 00:34 AM |
Re: آدم لم يقل سوى الحقيقة المجردة يا مشرف.. | Arif Nashed | 07-29-18, 02:34 AM |
Re: آدم لم يقل سوى الحقيقة المجردة يا مشرف.. | الطيب رحمه قريمان | 07-29-18, 07:49 AM |
Re: آدم لم يقل سوى الحقيقة المجردة يا مشرف.. | adil amin | 07-30-18, 08:29 AM |
Re: آدم لم يقل سوى الحقيقة المجردة يا مشرف.. | adil amin | 07-31-18, 07:26 AM |
|
|
|