كان ذلك عزاء للأديبه الإعلاميه المذيعه ناديه عثمان وبعض سجال فى سودانيس أونلاين شعراً ودوبيت

مرحبا Guest
اخر زيارك لك: 06-10-2024, 06:55 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2018م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
07-13-2018, 11:04 PM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
كان ذلك عزاء للأديبه الإعلاميه المذيعه ناديه عثمان وبعض سجال فى سودانيس أونلاين شعراً ودوبيت

    11:04 PM July, 13 2018

    سودانيز اون لاين
    munswor almophtah-
    مكتبتى
    رابط مختصر


    كان ذلك عزاء للأديبه الإعلاميه المذيعه ناديه عثمان وبعض سجال فى سودانيس أونلاين شعراً ودوبيت

    وداعا ناديه عثمان وداعا صفاء الروح ونقاء السريره وتوقد الزهن
    وأنفعال العقل الخلاق وداعا للأديبه الشاعره وداعا للمذيعه الماهره
    وداعا للحبور والحضور وداعا للإنسانيه والعفويه وصفاء النيه إلى
    جنات عرضها السموات والأرض وإلى أعلى فراديسها مع أهل الصدق والوفاء
    والإلتزام وصحو الضمير هكذا تخر النيازك من علاها وترتجف الأفلاك وتضيق
    المجرات بمن مثلك فى البهاء نسأل الله لك بكل أسمائه وعظمتها ونسأله بسر
    أسراره سر كن أن تتخطفك عصافير رحمته ولطفه برفق إلى أعلى الفراديس
    بعد أن عبرت بك ملائكة الرفق صراطه المستقيم فقد كان إسهامك عاما ولأمة
    كامله وكان حضورك بائنا فى المشهد المعرفى الإجتماعى وكان بذلك مقدرا تضاخم
    تجسيده حتى شمخ كما الجبال تلمسته كل النفوس والأرواح والعقول كلسع الفراش
    وهمس الورود يثير الفرح وداعا ناديه فالكل حزين لك.

    Quote: مجنونه يا حواء
    مسكونه بالإبداع
    جذاب كلامك جد
    صادق أصيل وشجاع
    مشكوره يا حواء
    عندك بيان ويراع
    بعرف جميل القول
    ماهو اللئيم مناع
    للناس جميع واحد
    من دون رياء وخداع
    مشكوره يا حواء
    مشكوره بالإجماع
    مشكوره صادق جد
    من غير غطاء وقناع
    ربك يزيدك خير
    ويديك صلاح ومتاع
    يديك سعادة الروح
    ويديك خصال وطباع
    مشكوره يا حواء
    مشكوره بالإجماع

    منصور

    مجنون كمان آدم

    طعم العشق نعناع

    رايداهو حد الموت

    قلبى الولوف طماع

    عايزاهو ليا براى

    يلهمنى بالابداع

    جننى ياآدم

    زيد القليب اوجاع

    وصلنى حد البوح

    نشوة وهوى وامتاع

    عذبنى بالهجران

    غرقانة كايسة شراع

    اسكنى جوة الروح

    غيرك حياتى ضياع

    شبّعنى ريدة ونم

    اطعم قليبى الجاع

    لو يوم تفوت أدم

    قسما ارد الصاع !!

    ناديه عثمان

    القاهرة فى هذه اللحظة 8 اكتوبر 2005

    Quote: يا حواء بيتك كان
    جوا الصدر منقوش
    لا مبنى من عشه
    أو من شعر منفوش
    أو من حديد صادئ
    أو من خليط مغشوش
    بالدم مداميكو
    مخلوطه خالقه عروش
    مفروش بصدق الروح
    والحب برش مفروش
    مافيش مثل زيو
    ما بتبنى زيو قروش
    كل البشوفو بجن
    بلغيس تغير وتهوش
    خالص من التزوير
    من كل خداع ورتوش
    كل الجمال فيهو
    مافيهو ذره وحوش
    كلمة سلام ليهو
    باب الدخول التوش
    ترعاك كم فيهو
    سحر العيون ورموش
    ويا حواء لطفك بى
    أنا أصلى زول مهبوش
    صادق لطيف مخلص
    يألف أليف مو شوش
    ضحاك وناس جد
    هادئ وظريف وبشوش
    يا حواء قولى سلام
    بتدخلى هسع توش
    يا حواء قولى سلام
    بتدخلى هسع توش

    منصور كالقرى سبتمبر 25 005

    الفين سلام آدم

    فارس حضارة كوش

    صافى الضمير ابيض

    طعم الفطير مرشوش

    مرشوش لبن أبيض

    مافيهو اى رتوش

    ياغالى ياحبى

    حبيت حكم قرقوش

    اسجنى فى الشريان

    قلبك وسيع الحوش

    عاشقاك حرف نازف

    يسكر كحرف الدوش

    خلينى اسكن فيك

    واهدينى تاج وعروش !!

    ناديه عثمان

    تفاحتى ياآدم

    واحشنى

    ماواحشاك !!

    بايعنى

    انا شارياك !!

    هالكنى بعذابى

    حائر قليبى وراك

    ساكن هواى فى الروح

    سيب حبى اتحداك !!

    **** **** ***

    غرقانة فى ريدتك

    بحرك مدادو صفاك

    وين حنّك الفياض

    ياغالى ايه قسّاك

    زعلان عشان لومتك

    صدقنى مفتقداك

    **** *** ***

    زعلانة منك جد

    حبك بقالى هلاك

    انا كنت نجمة ليل

    حولى البشر افلاك

    هسع سكنى الهم

    بقى همى كيف انساك!!

    *** *** *****

    كل يوم يمر ياحبيب

    عمرى الحزين يرجاك

    يالغبت عنى كتير

    واحشنى ماواحشاك !!

    تفاحتى ياآدم

    عذبت ليه حواك ؟!!!

    شعر .. نادية عثمان مختار
    القاهرة فى يوم عصيب !!!

    حافظانى
    يا أنتى
    عارفانى موت
    بهواك
    بيعينى مايهمك
    كل الأمانى
    رضاك
    لوكان عذابى
    هناك
    فى اليوم بموت
    مرات
    لو كان شقاى
    أشجاك
    شكينى فى
    الأشواك
    لو كنت قاسى عليك
    شدينى فى
    الأسلاك

    نجمه وسطع
    محياك
    تهدى المجره
    ضياك
    كل الكواكب
    جات
    حتى الشمس
    راجياك
    محنانه
    مستناك
    كان مره تمشى
    معاك
    مضحاكه سابحه
    وراك
    يا ملكة
    الأفلاك

    أنناسه ما
    أحلاك
    عنبه وزحفتى
    براك
    تفاحه أيه
    ياملاك
    ماسة الملوك
    ماسكاك
    درر لخدور
    عاشقاك
    تفاحه أيه
    يا ملاك
    أنناسه
    ما أحلاك

    منصور

    القاهرة ..هذه اللحظة 27ـ9 /2005م

    وهاك منى قول :

    يازولى انت براك

    عارفنى حساسة

    بكاية جد بالحيل

    لكنى وناسة

    زى وردة وسط الشوك

    تنزف عشان ناسها

    عارفنى ياآدم

    تفاحة اناناسة

    الكلمة فاضت حب

    كاتباها كراسة

    تعشق حبيب الروح

    شايلاهو فوق رأسها

    ماك فالصو ياآدم

    بس حوتك ماسة !!

    ناديه عثمان القاهره


    نادية عثمان

    منصور العزيز

    قلت:

    ملكات النحل جادن شهد لى شفانا
    وشافن شوف عيان حالتنا كيف خربانا
    افواج احتجاج فاتحه الصدور عريانا
    بوليس السجم شكاهها بالجبخانا

    منصور

    جبخانة ورصاص دناميت وماهامانا

    بنطلع فى وجوه العسكر الغشانا

    لو كتلونا مرحب واستباحو دماءنا

    بلدنا اكيد فى يوم ناخد القصاص علشانا


    نادية


    الدفيق مرق لى سيدو جاب النو
    تمم للمطامير ودع خلاس القو
    قبل للواري اللبنادر بو
    وبضع فى الدهب صقرن بسوى الخو

    منصور

    نادية عثمان



    منصور الغالى


    الباب ليك فتح من دون تقولو الكو

    يالاسد النتر صقر البحار والجو

    يالزول السمح حاشاك من العو

    نادينى وبجيك فى اللحظة بل فى التو !!

    نادية عثمان



    الباب انفتح زغرادتو تنده رو
    اسدا مو هزيل بكرش ضباع البو
    فارسا سمهرير بين الرجال الضو
    وحفاظ للجميل من دون قبيح او سو

    منصور

    الرعد الضرب فى راسنا قولة دو

    اسدا ماك كديس فى الحارة قال النو

    يازولا هميم ماك العوير كشلو

    ساعات الفرح جايكا تسرع فوو

    نادية عثمان




















                  

العنوان الكاتب Date
كان ذلك عزاء للأديبه الإعلاميه المذيعه ناديه عثمان وبعض سجال فى سودانيس أونلاين شعراً ودوبيت munswor almophtah07-13-18, 11:04 PM
  Re: كان ذلك عزاء للأديبه الإعلاميه المذيعه ن� munswor almophtah07-14-18, 11:20 PM
    Re: كان ذلك عزاء للأديبه الإعلاميه المذيعه ن� علي عبدالوهاب عثمان07-15-18, 07:46 AM
      Re: كان ذلك عزاء للأديبه الإعلاميه المذيعه ن� Hamid Elsawi07-15-18, 08:52 AM
        Re: كان ذلك عزاء للأديبه الإعلاميه المذيعه ن� Ali Alkanzi07-15-18, 10:28 AM
          Re: كان ذلك عزاء للأديبه الإعلاميه المذيعه ن� munswor almophtah07-16-18, 11:20 PM
      Re: كان ذلك عزاء للأديبه الإعلاميه المذيعه ن� munswor almophtah07-16-18, 00:28 AM
        Re: كان ذلك عزاء للأديبه الإعلاميه المذيعه ن� munswor almophtah07-16-18, 11:39 AM
          Re: كان ذلك عزاء للأديبه الإعلاميه المذيعه ن� Kostawi07-16-18, 02:57 PM
            Re: كان ذلك عزاء للأديبه الإعلاميه المذيعه ن� Kostawi07-16-18, 03:00 PM
              Re: كان ذلك عزاء للأديبه الإعلاميه المذيعه ن� Kostawi07-16-18, 03:02 PM
                Re: كان ذلك عزاء للأديبه الإعلاميه المذيعه ن� Kostawi07-16-18, 03:05 PM
                  Re: كان ذلك عزاء للأديبه الإعلاميه المذيعه ن� Kostawi07-16-18, 03:07 PM
                    Re: كان ذلك عزاء للأديبه الإعلاميه المذيعه ن� Kostawi07-16-18, 03:08 PM
                      Re: كان ذلك عزاء للأديبه الإعلاميه المذيعه ن� ودقاسم07-16-18, 07:32 PM
                        Re: كان ذلك عزاء للأديبه الإعلاميه المذيعه ن� أحمد الشايقي07-16-18, 08:24 PM
                          Re: كان ذلك عزاء للأديبه الإعلاميه المذيعه ن� munswor almophtah07-18-18, 10:35 PM
                        Re: كان ذلك عزاء للأديبه الإعلاميه المذيعه ن� munswor almophtah07-18-18, 11:19 AM
                      Re: كان ذلك عزاء للأديبه الإعلاميه المذيعه ن� munswor almophtah07-17-18, 09:17 PM
                        Re: كان ذلك عزاء للأديبه الإعلاميه المذيعه ن� munswor almophtah07-17-18, 09:34 PM
                          Re: كان ذلك عزاء للأديبه الإعلاميه المذيعه ن� munswor almophtah07-19-18, 11:13 AM
                            Re: كان ذلك عزاء للأديبه الإعلاميه المذيعه ن� munswor almophtah07-21-18, 01:22 AM
                              Re: كان ذلك عزاء للأديبه الإعلاميه المذيعه ن� Ali Alkanzi07-21-18, 08:50 PM
                                Re: كان ذلك عزاء للأديبه الإعلاميه المذيعه ن� munswor almophtah07-24-18, 02:07 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de