الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
|
 Re: الكوز عبد الباقي الظاهر يتلقى درس تاريخي � (Re: Deng)
|
رد عليه السيد محمد الفاتح سعيد.
كمان جابت ليها رايات اممية مرة واحدة. انت مش الكنت بتبكي في قناة الجزيرة بسبب انو السعوديين و الامارتين ما دفعوا ليكم رغم انكم رسلتو جيش لليمن و السعوديين و الامارتين دفعوا للمصرين الما رسلو عسكري واحد .جاي الليلة بفن جديد جيش سوداني في الجنوب تحت رايات اممية و منو البيدفع ليك الفاتورة المرة دي و لا دي حسب عبقريتك التي تفتقت الدفع بالدين بعد ما يتدفق البترول بندفع الفواتير. حليل الجيش البقيت انت من يقدم له النصايح الاستراتيجية وحليل لمن كان فيه رجال ياكلو النار منذ ان كان اسمه قوة دفاع السودان امثال الجنرال عبد الحميد خير السيد و ابطال اخرين و لمعلوميتك الجنرال عبد الحميد خير السيد الذي حيا روميل ثعلب الصحراء وهو اسير تمشيا مع لاعراف العسكرية و احترام الاسري عقب انكسار الحلفاء و امشي اقراء التاريخ شوف روميل قال ليه شنو و ليه روميل قلع نياشينو و اداهو ليه. حليل الجنرالات الجد جد العند الحارة ما بنكسروا امشي اقراء شوف اب شيبة قال لعساكرو شنو عندما قالو ليه سعادتك امنا مخرج النيل قال ليهم : امشو انتو اتخارجو و الجوة جوة و البرة برة انا راجيهم هنا و اي زول يتقبض يقول ليهم المسؤلية مسؤلية اب شيبة و هاشم و الهاموش و امشي شوف فاروق حمد الله قال شنو لمن قالو ليه اختك طالبة تقابلك قبل الاعدام امش اقراء شوف قال ليهم شنو و امشي اقراء وشوف اب شيبة لمن النميري سالو ليه عملت كده ليه و انا ائتمنتك و و خليتك بقيت قائد الحرس الجمهوري قال ليه غلبني اكذب علي نفسي سنتين و انا شايف الغلط قدامي جاي تقول لي جيش كان حارس حدودها من نمولي لحلفا و من بورتسودان و القلابات لي ام دافوق و العوينات جاي تشحدوا يدخل الجنوب تحت رايات اممية و انت بالذات لن يغفر لك التاريخ حيا او ميتا عندما سالت سؤال في مؤتمر صحفي عام لانضف و انبل و اشرف سياسي سوداني و هو الاستاذ محمد ابراهيم نقد هل هو بيصلي ام لا و هو سؤال لا يخلو من لؤم و خبث و قصدك معروف و هو سؤال توريطي حتي ياتي واحد مهوس و مأجور و يرفع قضية في شخصية تعتبر مكون اساسي من ملح الارض السودانية شمالها و جنوبها شرقها وغربها و انت همك تاخد تصديق لقطعة استثمارية في حي الراقي و اداك ليها الوالي السابق ضمن فساد مكتبه التي يعرفها الداني و القاصي . نصيحة ليك و قت بقيت هيكل و بتدي نصايح استراتيجية للجيش السوداني الكان قادته ناس ابكدوك في المنطقة الغربية مؤمننين الحدود من حدود ليبيا لافريقيا الوسطي جاي تقول للجيش يدخل الجنوب تحت رايات اممية صدق المثل السوداني ادوكم ليها مملحة جايين تكوسوها يابسة بكلامك ده ارجي الله في الكريبة. و اسفي علي السودان و قوة الدفاع عن السودان و جيشه البقيت انتا من المنظراتية بتاعينو و قسما الزيك دي زمان ما يقدر يعدي قدام البوابة و لكن يبدو انها عايرة و ادوها سوط
|
|
  
|
|
|
|
|
| |
Deng
فيس بوك
تويتر
انستقرام
يوتيوب
بنتيريست