|
Re: حوار في القطار (Re: درديري كباشي)
|
حوار في القطار 5 مع بزوغ الفجر واشراقات الصباح في جو خريفي مغيم وجميل يتخلله رزاز المطر يتهادى القطار نحو محطة جديدة. صوت الكوابح مع صافرة القطار إيذانا بدخول المحطة مع صراخ العجلات المعهود. يستيقظ معظم النيام. ومن لم يوقظه صوت العجلات ونداء الباعة تتسلل الى خياشيمه رائحة السمك المغلي الشهي. ونداء الباعة له سمك سمك سمك . سمك وعيش وسمك وعيش. اعتاد أهل تلك المدينة على بيع سمك البلطي المغلي بالزيت على صواني المونيوم يحملونها على رؤوسهم. ويرص عليها المسك المفتوح من الوسط بلونه البني المائل للذهبي بصورة مغرية وشهية. - وصلنا وين يا جماعة. - وصلنا محطة السوكي . - يا سلام على السوكي وريحة السمك تجنن . - أعملوا حسابكم من الشوك. - يا زول خليه اليخنقنا . - - تعال يا بتاع السمك . تنطلق النداءات على الباعة الذين يهرعون ناحية النوافذ. يقطع هذه الضجة أبو المولود الجديد. - يا أخوانا الدكتور وينو ؟ - دكتور خالد لسه نايم عندك شنو اوعى تقول لي المرة عايزة تلد تاني . تنفجر العربة ضحكا بهذا التعليق الساخر. - لا والله عاوز اكافئه بس. - لا يا زول تكافؤه لشنو ياخ ما أظن يقبل منك الحاجة دي. - على كل حال صحوه. - يا خالد ياخالد يا دكتور قوم ياخ . - خير في شنو يا جماعة. - أبو خالد الجديد دا عايزك . - خير انشاء الله ما تكون حصلت مضاعفات للأم ولا جاتها حمة. - لا الحمد لله الأم بخير بس عايزك تقبل مني الهدية دي ؟ شوية مبلغ تستاهل أكثر منه والله. - لا ياخ العفو دا واجبنا. أقل حاجة نقدمها لأهلنا في البد دي. - لا والله تقبل حقك وتستاهل أكثر. يكثر الحلفان والاجاويد كما هو معهود في هذه المواقف الإنسانية ويصر طبيب المستقبل على الرفض. حتى يتدخل أحد الأعمام ليحسم الجدال. - أنا عندي اقتراح يا أبو خالد الجديد. اعزم ناس العربية ديل فطور سمك خلينا كلنا نفرح بخالد الجديد. - والله فكرة يا عمنا. تعال يا بتاع السمك . ونادي اخوك داك. الصينية كلها بكم؟. - يا زول جيب فيها مائة جنيه .. معقولة يلا ونادي أخوك داك كمان . - صينيتين من السمك المغلي تتسلل هدية من والد المولود السعيد. الفرحة والمشاركة وتعم الجميع. - الله يبارك لك فيه وانشاء الله تشوفوا دكتور زي مسيه دا. - - عن اذنكم يا جماعة كمان أمشي افطر ناس العربية الثانية. يشع جوا احتفائيا بهذا المناسبة السعيدة التي بقدرة قادر تتحول الى مناسبة قومية وتسعد كل ركاب تلك الرحلة أو على الأقل عربتي الدرجة الثالثة . - والله يا دكتور خالد أنت زول مبروك انشاء الله اصادفك في الرجعة كمان . - يا زول لقيت لي السمك الملح دا قلت تباري الدكتور دا من قطر لقطر. هاهاهاهاها - عرفك شنو في الرجعة تكون في مرة حامل تاني . - يا زول دا ولد مبروك مباراته بس براها نعمة. ثم يعود أب المولود من جديد ليشاركهم الوجبة والفرحة. - انت يا زول المرة وقت تقيله وتامة كدا مالك مسفرها؟ - والله يا عمنا ما كنا مسفرنها كنا متفقين أنه أمها تجي تنفسها في الخرطوم ونحن أهلنا من سنار , الام حصلت ليها ظروف مرضت وما قدرت تجي .أها هي كمان ركبت راسها وقالت ما تلد براها في الخرطوم لازم تسافر لأمها وتلد معها في سنار ونحن ما عندنا أقارب في الخرطوم . أها زي ما عارفين حصل الحصل الحمد لله ربنا نجاها بسبب ولدنا المبروك دا الدكتور خالد. - يا زول كله خير. - عشان كدا عايزين الدكتور ينزل معانا يقضي يومين في سنار عشان نكرمه تكريم يليق به. - لا والله انا آسف أهلي راح يقلقوا هم عارفين أنا جايي في القطر دا ما أقدر اتأخر. - أهلك نرسل لهم تلغراف. - لا والله اسمحوا لي انشاء الله السنة الجاية أكون اتخرجت وأمشي أقضي معاكم أسبوع في ضيافة خالد الجديد. - تشرفنا والله يا دكتور ويمكن تلاقي واحدة من بناتنا تعجبك. - يا زول أنتو مسكتوا فيه قوي الدكتور دا . - والله نعم النسب لو شركه قبض عندنا كمان . هاهاهاها - والله فرصة سعيدة يكفي انه انه نحن اتعرفنا ببعض واليومين القضيناها في القطر دي حولتنا لأكثر من أهل والله. توووووووووووووووووووووووووووووت يصفر القطار للانطلاق من جديد ويبدأ يتهادى عابرا الفيافي الخضراء وسنابل الذرة تتهادى ملوحة بالوداع على جانبي الطريق وبعض الخبيرين بالجغرافيا والمناطق يبدأ يشرح للركاب عن المشاريع الزراعية الضخمة .. ودا مشروع الدالي والمزموم أكبر مشروع للذرة في أفريقيا .. يا سلام ياخ خضرة مد البصر - بلدا خيرها باسط ما مفروض تجوع والله. يتبع
|
|
![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
حوار في القطار | درديري كباشي | 05-30-18, 08:55 PM |
Re: حوار في القطار | Basamat Alsheikh | 05-30-18, 09:48 PM |
Re: حوار في القطار | درديري كباشي | 05-31-18, 07:30 AM |
Re: حوار في القطار | Basamat Alsheikh | 05-31-18, 08:29 AM |
Re: حوار في القطار | درديري كباشي | 05-31-18, 09:36 AM |
Re: حوار في القطار | درديري كباشي | 05-31-18, 10:18 AM |
Re: حوار في القطار | درديري كباشي | 05-31-18, 08:17 PM |
Re: حوار في القطار | Mahjob Abdalla | 05-31-18, 09:13 PM |
Re: حوار في القطار | درديري كباشي | 05-31-18, 09:17 PM |
Re: حوار في القطار | درديري كباشي | 05-31-18, 09:17 PM |
Re: حوار في القطار | درديري كباشي | 06-02-18, 07:36 AM |
Re: حوار في القطار | درديري كباشي | 06-02-18, 10:02 AM |
Re: حوار في القطار | Basamat Alsheikh | 06-02-18, 10:27 AM |
Re: حوار في القطار | درديري كباشي | 06-02-18, 07:27 PM |
Re: حوار في القطار | درديري كباشي | 06-02-18, 09:35 PM |
Re: حوار في القطار | عمر التاج | 06-02-18, 11:17 PM |
Re: حوار في القطار | درديري كباشي | 06-03-18, 08:51 AM |
Re: حوار في القطار | درديري كباشي | 06-06-18, 07:58 AM |
Re: حوار في القطار | محمد محمد قاضي | 06-03-18, 01:07 PM |
Re: حوار في القطار | ادم شحوتاي | 06-03-18, 08:01 PM |
Re: حوار في القطار | ادم شحوتاي | 06-03-18, 08:02 PM |
Re: حوار في القطار | امتثال عبدالله | 06-03-18, 08:51 PM |
Re: حوار في القطار | درديري كباشي | 06-03-18, 09:10 PM |
Re: حوار في القطار | درديري كباشي | 06-03-18, 09:09 PM |
Re: حوار في القطار | درديري كباشي | 06-03-18, 09:07 PM |
Re: حوار في القطار | درديري كباشي | 06-04-18, 07:08 PM |
Re: حوار في القطار | إدريس محمد إبراهيم | 06-04-18, 08:59 PM |
Re: حوار في القطار | درديري كباشي | 06-04-18, 09:28 PM |
Re: حوار في القطار | محمد أبوجودة | 06-04-18, 10:00 PM |
Re: حوار في القطار | درديري كباشي | 06-05-18, 09:27 PM |
Re: حوار في القطار | درديري كباشي | 06-19-18, 07:46 AM |
Re: حوار في القطار | درديري كباشي | 06-19-18, 09:25 AM |
Re: حوار في القطار | درديري كباشي | 06-24-18, 05:57 AM |
Re: حوار في القطار | طه داوود | 06-25-18, 08:14 AM |
Re: حوار في القطار | Osman Musa | 06-25-18, 09:51 AM |
Re: حوار في القطار | Basamat Alsheikh | 06-25-18, 10:50 AM |
Re: حوار في القطار | Basamat Alsheikh | 06-25-18, 12:54 PM |
Re: حوار في القطار | درديري كباشي | 06-26-18, 02:51 PM |
Re: حوار في القطار | درديري كباشي | 06-25-18, 05:46 PM |
Re: حوار في القطار | الامين عباس احمد | 06-28-18, 06:51 PM |
Re: حوار في القطار | درديري كباشي | 06-30-18, 06:01 AM |
|
|
|