|
Re: وزير الداخلية :ما مشكلة تجيب ناس من برة وت� (Re: مدثر صديق)
|
الأخ مدثر طابت اوقاتك بكل خير
عشان تعرف مفارقات هذا النظام بحكي ليكم القصة دي
قبل سنة تقريبا تعرفت علي أخت من دولة ارتريا متزوجة من سوداني وتقيم في كسلا واولادها في الجامعات ويحملون الرقم الوطني والجنسية السودانية ولكن الام لا تملك جواز سوداني وعندها ما يثبت من اللجنة الشعبية بالسواقي كسلا بأنها مقيمة منذ عشرات السنين وهي مريضة بالقلب كانت لمن تطلب تصريح من السلطات في كسلا بيعطوها خمسة ايام فقط وهذة المدة ليست كافية لمقابلة الطبيب فصرفت نظر في العلاج بالخرطوم واتجهت للعلاج بأرتريا وبعد قفل الحدود توقفت عن العلاج مع العلم أنها تنتمي لقبيلة البني عامر الارترية وجدها لوالدها هو من بناء معظم مساجد ارتريا والله لا تفرق بينها وبين السودانيين الا اذا هي صرحت لك بذلك ، حاولنا أنا و الاخ فائز القاضي مساعدتها في ايجاد وسيلة لحصولها علي الجنسية السودانية وطرقنا كل الابواب ولكن باءت كل لمحاولات بالفشل . آخر محاولة لي انا بالسودان قبل اربعة اسابيع قالو لي لازم يقدم زوجها طلب لرئاسة الجمهورية للتجنيس والاسف زوجها متزوج عليها وزول بسيط ماعندو دراية بالطرق دي ولا حالتو المادية تسمح بذلك ، عشان تشوفو الظلم إنسانة ابنائها سودانيين ومتواجدة من التسعينات ولا تجنس ويجي سوري او لاعب كورة يستلم الجنسية السودانية في المطار
تفووو علي هذا نظام .
|
|
|
|
|
|
|
|
|