|
Re: ® بَيْنَ سُنْبُلَةٍ َحَبَّةٍ (Re: دفع الله ود الأصيل)
|
Quote: ود الأصيل انزيك لو ما أخاف الكضب اقول اتا قاصد نابشو دائما ناسي سرواله.. خخخخخخخخخخخ
|
(24/15) يا أن منكوم ياخي إنتافعلن مننا وفينا. لكن كلامك في عمنا نابشو، طب ما عجبني. طبعن موش لانو ممكن يكون حقيقة فعلن. و لكن الخوف إنو ممكن ينطبق علينا معاهو لأنني أولاد (حجة)، هي قصدي خُفرة واحدة. ياخي من زمن الناس حونان ، ناس وليد الحسين، بشير ود التهامي و،الجرفياوي، أوشي و كوكو و ما تنسى عماتك ناس نسمة الصباح ، حوة بت عبد النبي و ست أوبها و دبوية بت المطرو هلمَّ جرة، رد الله غُرُباتِهم جميعاً و أقال عَثَراتِهم.
# و طبعن أنا ما حأقول ليك أنا كان اسمي منو(لزوم غتاتة ساي). علا عشان تآمن إني من الحرس القديم و النوارس الهاربة ، حأديك مداخلة معاي لعمك نابشو صفحات عنقريب الراكوبة في ثوبها القديم. كان البوست بعناون:الشعيرية، صحي و الله غلتانة شن جابك شاقة فيافي البطانة؟!!
@ قال ليك ولدنا باشري دقش البنادر ودخل جامعة الخرتوم. أصبح في البركس من أول يوم قام ساقوه صفرة المين، ماسك لو عضم مشاش يكد فيهو و يصيح : وينكم أناس تاي الله عووك،أها ما قت لكم من قَبُلْ( من كد وجد؛ و من استراح راحح؟!). المهم غايتو هناك صاحب الحناكيش والناس أبان لقمتن تنقط دهن للكوع.
#مرة واحد من هؤلاء اندرع ليك في ولدنا دا قال إلا يزور البطانة ؛ سمع عنها في شعر عَبْدُالله ود االبنا (حياك الغمام). قام باشري قال ليه خلاس آزول أرح (هاك الغمام دا) هناك إحنا الضيف نكرمو طب نضبح لو الشايل ما في أي مشكلة.علا مما تجي لتماطيق اللصاق و لغاويس التيك أوي ديل(متل ناس دجاج كنتاكي و كلاب سانوتشي و آيسكريم لومني)! فوالله علا تنوم بايتالقوا. غايتو أرقى حاجة ممكن نقدمها ليك بس نسو ليك قاشيد و لا نضبح ليك ورقة شعيرية, وكمان دي ذاتا علا يركبو ليها مشوار بالحمار يجيبوها من حلة عبدلاه (متل الداية).المهم المصيبة بقت مقابلة ب اشري ، و معاه أهلو كولهم قعدو يتلبجو. ركب ولد تام زينو (أخت باشري) جاب كيسين من الما تتسمى شعيرية( أبو كديس) أصل بلادو. الدرب كل يكرف فيهن تقول فتيل رش كارينا.
# يلا طوالي قام ضبحوهن و سلموهن لتام زينو لتباشر مهمة التباخة و قامن كدي إتلملمن ليك معاها صويحباتها بنوت الفريق بي صمتن متل يوم لمة عُوَاسة اللابري: ناس بت الشوبلي و العاجبة و الزرع ولَّى و مطر العطاش الرشَّا كولهن جن ، العمياء شايلة المكسرة أها تقومي يا تام زينو ترمي الشي دا في (الكنتوش) و (تتبريه) لبن ألبل مكسور بموية. و بهناك الجنيات في الخلوة منلمين احتفاء بالجنا ضيف اللنادر الأملس أب ريحتن حلوة دا دربس دربس. { و كمان حلات فارشين ليه برش من زمن الجهدية، سنة أم دقنوس قاعد فوقو ؛ أها كل ما يجي فوج داخل يقوم ضيف الجن يسلم عليهم ، يقوم البرش يطوطو ؛ و تاني يفروه. لحدت ما زهجو ختو لو شافعين بهني وهني متل البياكم ،حتين البرش شوية كدي رسي و هجس}
# تقوم تام زينو بعد شوية تكورك ليك من فوق الصريف ( الظاهر ما عرفت تتعامل مع تكنولوجية العصر دي. فبعدما هي والمعاها فركن فيها زين لمن قربت تدردم), قامت تصيح للجنا باشري: يا باشري خوي هوي مد لي رأسك قابلني بي فوق الصريف بجاي عندي معاك حديث. هنا أخونا تقول طابوقة وقعت على صنقورو، حسَّ بإنو لازم يكون حصل عك. مالك آ شقية سويتي شنو (كأنو متوقع الكارثة) تام زينو قالت لو: آخوي السايبة دي خلاس نجضت أها نَعَشِكَّا ليكن بي ترتار ويكة نلايكَّا ، ولا كيفن عاد؟؟. قام باشري ينافض في يدينو زعلان قال ليها: أقول ليك قولة يا زولة؟ لايقويها و الباقية باقيةا! وقد كان, بالفعل أتلايقت الشعيرية لأول مرة بالتاريخ .وجابوها حارة ،توشل موية ختوها لضيفنا تعيس الحظ وهو كمان للسخرية شال منها خابور ماكن كدي تأمله جيداً و بدأ يخاطبه قائلاً بلسان الحال: والله يا الشعيرية أنتي الغلتانة ، ودا أقل من جزاك ، شن بجاي جابك شاقة البطانة؟!
تريمة صغيرونة:- ما أخشاه أن تكون معظم المفردات غير مفهومة لكثير من القراء! دي تبقى كارثة. و في الحالة دي ، دا ما يبقاش عنقريب ولا حاجة ؛ إ نما( شاليه سبعة أنجم ،على شاطئ الراحة الفي دُبَيء داك.)
|
|
|
|
|
|
|
العنوان |
الكاتب |
Date |
/ فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 05-28-18, 08:46 AM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 05-28-18, 09:22 AM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 05-28-18, 11:31 AM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 05-28-18, 11:59 AM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 05-28-18, 12:02 PM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 05-28-18, 12:39 PM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 05-28-18, 08:53 PM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 05-28-18, 09:15 PM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 05-28-18, 09:19 PM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 05-28-18, 09:32 PM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 05-29-18, 09:15 AM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 05-30-18, 12:41 PM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 05-31-18, 09:37 AM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 06-02-18, 05:46 PM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 06-03-18, 09:44 AM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 06-07-18, 12:55 PM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 06-07-18, 01:02 PM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 06-11-18, 07:54 PM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 06-12-18, 08:32 AM |
Re: / فِيْ بَيْتِنَا كَهْلٌ مُرَاهِقٌ!! | دفع الله ود الأصيل | 06-13-18, 08:32 PM |
® أًعْضَاءٌ مُنْتَهْيَةُ الصَّلَاحِيَِّةπ√ | دفع الله ود الأصيل | 06-17-18, 03:38 AM |
Re: ® أًعْضَاءٌ مُنْتَهْيَةُ الصَّلَاحِيَِّ | دفع الله ود الأصيل | 06-17-18, 08:19 PM |
Re: ® أًعْضَاءٌ مُنْتَهْيَةُ الصَّلَاحِيَِّ | دفع الله ود الأصيل | 06-17-18, 08:30 PM |
Re: ® أًعْضَاءٌ مُنْتَهْيَةُ الصَّلَاحِيَِّ | دفع الله ود الأصيل | 06-19-18, 11:18 AM |
Re: ® أًعْضَاءٌ مُنْتَهْيَةُ الصَّلَاحِيَِّ | دفع الله ود الأصيل | 07-07-18, 11:03 AM |
® بَيْنَ سُنْبُلَةٍ َحَبَّةٍ | دفع الله ود الأصيل | 07-17-18, 05:43 AM |
Re: ® بَيْنَ سُنْبُلَةٍ َحَبَّةٍ | دفع الله ود الأصيل | 07-18-18, 10:25 AM |
Re: ® بَيْنَ سُنْبُلَةٍ َحَبَّةٍ | دفع الله ود الأصيل | 07-19-18, 10:03 AM |
Re: ® بَيْنَ سُنْبُلَةٍ َحَبَّةٍ | دفع الله ود الأصيل | 09-11-18, 11:53 AM |
Re: ® بَيْنَ سُنْبُلَةٍ َحَبَّةٍ | دفع الله ود الأصيل | 09-11-18, 12:00 PM |
Re: ® بَيْنَ سُنْبُلَةٍ َحَبَّةٍ | دفع الله ود الأصيل | 09-11-18, 12:02 PM |
|
|
|