|
Re: أرتفاع أجور أئمة المساجد إلى 30 ألف جنيه في (Re: زهير عثمان حمد)
|
هذا مانقصد بي عقيدة التسليع في عالمنا اليوم المحكوم وفق معطيات ثقافة المهد الشمالي المادية البدوية بطبعها!
هكذا تحول ما اسموه "دين" شغل ابتذال الان تجسد، الي مجرد سلعة اي بضاعة تباع بالوزن اي بالاقة او الشكل!!
شئ يموخل ان يتقاضي الامام مرتب كاي موظف او عامل في طاحونة!
قارنو هذا باللي كان سائد عندنا منذ عصر الاهرامات:
في دنقلا وانا يافع كحوار في خلوة جدي صبيان عليه الرحمة، كنا ملزمين بالعمل طوعا، مش بالقروش، شغل تعبد مش تجارة في مزرعتو، وكلنا اصلا اهل دم او لحم!
نعام هكذا وبمثل هكذا تكافل اجتماعي خلاق، رؤؤف، حليم، كريم كان المجتمع بشيل بعضو، دون اي هاجس او خوف من الرزق من اي نوع لانو كل اوجه حياتنا اليومية كان اساسا التكافل!
لايهم ماهو، وين، ولا متين!
باستمرار الاخرين طوع بنانك!
لايمكن مجتمع زي ده يكون فيهو تشرد كالحاصل في كالفورنيا مثلا لمئات الالوف وبالذات العجزة والمسنين في الشوارع بالطول والعرض لمن تصاب بالدوار لما تفكر فيهو في اغني خامس دولة في العالم!
نعم هي ولاية ولكنها تعتبر اغني خامس دولة في العالم، مع اعلي معدل تشرد في العالم!!
ياليتنا كسودانيين نعرف قيمة الدهب المجمر المرمي تحت المداس في السودان، ياريت، ياريت!
يا حنان يا منان، توعي عبادك في السودان بارثهم هم، ليتركو اللهث خلف خبوب تراش الاخرين الفاكرنو دهب مجمر، وينقبو في ارثهم هم!!
ياالهي!!
|
|
|
|
|
|