|
Re: تسجيل مناظرة المؤتمر السوداني حول المشار� (Re: Yasir Elsharif)
|
التحية للأخ ود البشرى ومشكور على الفيديو والتحية موصوله للزوار الأفاضل والفضليات .. تابعت المناظرة والآراء التي طرحت وخرجت بالآتي : ياريت تصبروا عليّ ـ الكلام بجر بعضو.. ** المناظرة دي كشفت لي لبس مريع في أذهان الشباب بوجه خاص بين مفهومي الشرعية والانتخابات .. ** برضو كشفت لي جهل أو تخليط أو تجاهل لفروق مبدئية هامة بين مفهوم نظام الحكم ومن يتولون مسؤوليتها .. أبدا في الأول باللبس بين مفهومي الشرعية والانتخابات .. مفهوم الشرعية يا جماعة مفهوم غاية في الأهمية .. ما ممكن أبدا أن ننظر إليهو نظرة تبسيطية لأنو دا المفهوم البنبني عليهو ويؤسس مشروعية نظام الحكم .. معلوم إنو أي نظام كائن في العالم بستمد وجوده من أحد شرعيتين .. شرعية القوة أو الشرعية الدستورية .. الفرق بين المصطلحين فرق جوهري .. لأن شرعية القوة بتفرض وجودها وتحكم بما تحوزه من قوة قاهرة تجبر الشعب على الرضوخ استنادا على فقه التقية .. عشان كدا شرعية القوة لا تسقط منها صفتها دي مهما طال أمد حكمها .. أو أنجزت الكثير في صالح المنفعة العامة .. وبتكون فاقدة لشرعية انجاز دستور دائم يعبر عن الإرادة الشعبية و يحقق مؤسسية الدولة واستقرارها السياسي .. أما الشرعية الدستورية فالنظام بستمدها من دستور وضعته الإرادة الحرة لشعبه .. طيب ممكن يسال زول : ما أهو نظام الانقاذ حاكمنا هسه بالدستور ؟ نعم بس دا دستور وضعته شرعية القوة لذلك اسمو دستور انتقالي .. صفة الانتقالية دي ما بتسقط الا تجي جمعية تاسيسية منتخبة تسن الدستور الدائم أو استفتاء شعبي عام .. نجي للتخليط واللبس في مفهوم الانتخابات ؤ دا كان واضح في أطروحة الشاب خالد .. لإنو بقول غرضو من مارثون الانتخابات الوصول والالتحام بالجماهير .. الفهم دا لآلية الانتخابات يسفط تماما الهدف والغاية منها .. فالانتخابات لم تشرع كوسيلة لبلوغ الجماهير .. بل شرعت كآلية تنافسية سلمية عادلة هدفا وغايتا الحصول على السلطة وحيازتها .. إذا غاب أو فقد الهدف دا تبقى الانتخابات ما عندها أي معنى.. حجة الالتحام بالجماهير ما محتاجة لمارثون الانتخابات .. لانها متاحة لم يرغب بواسئل عملية وسلمية ومشروعه أقل تكلفة وجهد من الانتخابات . افتكر مجرد الالتحاق بعضوية اللجان الشعبية في القرى والأحياء .. بوفر فرص الالتحام بالقواعد بطريفة عملية وأكثر جدوى .. فضلا عن العمل من خلال فعاليات المجتمع المدني الأخرى ( نقابات اتحادات ..الخ) .. بعدين حتى لو افترضت جدلا وجود ايجابيات في المشاركة زي حصول الفوز مثلا.. انا شخصيا مقتنع أنو لن يوصلنا لاي تغيير في النظام .. وربما النظام نفسو يتعمد افساح المجال في بعض الدوائر عشان يضمن مشاركة الحزب .. خطورة المشاركة في الانتخابات مش واقفة على كدا بس .. المشاركة سواء حصل فوز أو ما حصل بتكون بمثابة وأد مبكر لمستقل المرشح وحزبه لما ترجع الحياة الديموقراطية .. سوف تلاحقهم لعنة المشاركة في كل خطوة يخطوها .. ؤ تبقى عليهو لا طال بلح الشام ولا عنب اليمن .. ثأنيا : هل الغاية من مقاومة النظام سواء كانت سلبية أو بفعل ايجابي .. اسقاطه كنظام فاسد وعاجز ؟ ولّ اسقاط المؤتمر الوطني كحزب .. إن كانت الغاية اسقاط ممثلي المؤتمر الوطني فإن سقوطهم لن يسقط النظام أو يقود للتغير المنشود .. لأنو النظام ما بعتمد في بقائه على من يمثلونه في البرلمان .. بل لدية مؤسسات أمنية وعسكرية ومليشيات هي عصب قوته .. بجانب سيطرته المطلقة على المؤسسات المالية والاعلامية في البلاد.. دور نواب البرلمان في الأنظمة الزي دي لا يتعدى دور الكومبارس .. لذا من الأجدي لمن يرغب المشاركة في الانتخابات أن ( ياخدها من قصيرها) .. ويفعل مثلما فعلت أحزاب الفكة ويرضى بالقسمة البقسما ليهو المؤتمر الوطني.
|
|
|
|
|
|
|
العنوان |
الكاتب |
Date |
تسجيل مناظرة المؤتمر السوداني حول المشاركة في أو المقاطعة لإنتخابات 2020 | محمد البشرى الخضر | 05-12-18, 11:18 AM |
Re: تسجيل مناظرة المؤتمر السوداني حول المشار� | Nasser Amin | 05-12-18, 11:29 AM |
Re: تسجيل مناظرة المؤتمر السوداني حول المشار� | محمد البشرى الخضر | 05-12-18, 03:13 PM |
Re: تسجيل مناظرة المؤتمر السوداني حول المشار� | Hafiz Bashir | 05-12-18, 04:02 PM |
Re: تسجيل مناظرة المؤتمر السوداني حول المشار� | كمال عباس | 05-12-18, 04:48 PM |
Re: تسجيل مناظرة المؤتمر السوداني حول المشار� | مني عمسيب | 05-12-18, 04:18 PM |
Re: تسجيل مناظرة المؤتمر السوداني حول المشار� | محمد البشرى الخضر | 05-12-18, 04:43 PM |
Re: تسجيل مناظرة المؤتمر السوداني حول المشار� | كمال عباس | 05-12-18, 04:48 PM |
Re: تسجيل مناظرة المؤتمر السوداني حول المشار� | محمد البشرى الخضر | 05-12-18, 04:57 PM |
Re: تسجيل مناظرة المؤتمر السوداني حول المشار� | كمال عباس | 05-12-18, 05:01 PM |
Re: تسجيل مناظرة المؤتمر السوداني حول المشار� | Hafiz Bashir | 05-12-18, 09:49 PM |
Re: تسجيل مناظرة المؤتمر السوداني حول المشار� | علي محمد الفكي | 05-12-18, 11:00 PM |
Re: تسجيل مناظرة المؤتمر السوداني حول المشار� | محمد البشرى الخضر | 05-13-18, 09:48 AM |
Re: تسجيل مناظرة المؤتمر السوداني حول المشار� | Yasir Elsharif | 05-13-18, 02:16 PM |
Re: تسجيل مناظرة المؤتمر السوداني حول المشار� | محمد على طه الملك | 05-13-18, 06:26 PM |
Re: تسجيل مناظرة المؤتمر السوداني حول المشار� | محمد البشرى الخضر | 05-14-18, 05:06 AM |
Re: تسجيل مناظرة المؤتمر السوداني حول المشار� | kamal omer | 05-14-18, 06:48 AM |
Re: تسجيل مناظرة المؤتمر السوداني حول المشار� | Yasir Elsharif | 05-14-18, 09:08 AM |
Re: تسجيل مناظرة المؤتمر السوداني حول المشار� | كمال عباس | 05-14-18, 01:11 PM |
|
|
|