|
Re: ما الذي يجري في الخرطوم منذ الصباح، الأنب� (Re: Mustafa Mahmoud)
|
مرحلة الإفلاس التام Total Default
كتير من الناس بتسأل هل نحن دخلنا مرحلة الإفلاس ؟ مرحلة الافلاس أو Bankruptcy بالمفهوم القانوني المتعارف عليه هي عندما تعجز الدولة أو الأفراد عن سداد كل أو حتى جزء من ديونها وسنداتها في مواعيدها ، بس في الدول شوية بخلوها كلمة لايقة بقولوا "عجز " Default ، ومنظمات التمويل الدولية كمان بتلحنها أكتر بقولوا دولة تواجه "متأخرات مالية" Financial Arrears . نحن قياساً على المفهوم ده مفلسين أعتقد من 2003 م عندما بدأنا نتخلف عن سداد ديوننا لمؤسسة النقد الدولي ، بس نحن دولة مصنفة أصلاً هشه في مفهوم الدول زاتو ، و ما بنعمل ضجة عشان مافي زول شايل سندات تخصنا كل الدائنين دول أوشركات دول وحجم أصل الدين نفسو ما كبير . أما وضعنا الحالي في كونك تواجه صعوبات في توفير إحتياجاتك الأساسية في القرن الواحد وعشرين هو بدون شك مرحلة "العجز التام " لانو عشان تشتري قمح وبترول وعلاج الآن ما زي لمن كانت في التمانينيات . الشواهد الأخيرة لحالات الإفلاس لنمور اسيا أواخر التسعينيات و الأرجنتين 2001 وزيمبابوي 2009 واليونان 2012 وفنزويلا 2017 تبرهن بدون أدنى شك إن الدولة لا تستطيع الخروج من حالات الأفلاس من تلقاء نفسها مهما كان حجمها ومواردها . لكن عندما تكون جزء من المنظومة الدولية ، العالم ومؤسساته بهبو لنجدتك العالم ده (البنك وصندوق النقد الدولي والدول الغربية واليابان ) و بسموها "إتفاقية إنقاذ مالي " Bailout النمور مثلاً كوريا ج طلعت في وقتها بي أتفاقية دولية Bail out بي 78مليار وأندونسيا بي 58 مليار والأرجنتين 52 مليار واليونان طلعت بي 240مليار .. بجتمع المجتمع الدولي وبيسعى لنجدتك عندما تكون جزء منه ، ليس حباً فيك وإنما خشبة من حجارة الضمنة ، لكن عندما تكون منبوذ من المنظومة الدولية بخلوك تنهار و تقع ويشمتو فيك كمان زي زيمبابوي مع موغابي وفنزويلا الآن . للأمانة بس هل يتأثر النظام السياسي بالإنهيار الإقتصادي ؟ الأجابة برضو " لا " على الأقل في الشواهد الأخيرة . فنزويلا وزيمبابوي . .......................................................... بكرر التمويل ما بتحتاجو الدول عشان تاكل أو إحتياجتها الأساسية وأنما بتحتاجو عشان تنمو وما تتعطل من ركب الإقتصاد العالمي ، نحن في الناحية حالنا واقف من سنين طويلة ما في تنمية فعلية شغالة ، الحكومة شغالة رزق اليوم باليوم . ماعندها أي تصور لبكرة .. و من يوم 22/11/2017 بدأت إجتماعات على أعلى نظامها لبحث الإنهيار بياكلوا فول وبلح ويقرروا حزم أمنية ويلعنوا في الجشعين ومحتكري قوت الشعب ، وما في جشعين غيرهم. جففوا السيولة وحاربوا تجار العملة للسيطرة على الدولار والتضخم على طول عجزت عن سداد مرتباتها لأنو أصلاً في حالة الإنهيار الدولة تبدأ في الطباعة لتغطية إلتزامتها وهو ما يرفع التضخم فيها . والحكومة برضو ووقفت مواردها بتاعت النقد الأجنبي لأنو أهم مورد ليها كان السوق الموازي .. وتجار الأمارات تحديداً ديل كان بسددوا حق ناقلات النفط البشتروه من صحار عمان من عندهم وهي تدخل الكاش السوداني في حساباتهم في السودان ، صح الأمور كانت ماشا متدحرجة للاسواء بس بسرعة أقل ، قام الحكومة عملت لسته ختت كل تجار العملة الكبارفيها وقف إمداد المحروقات وحالها وقف .. ومؤكد سيتأثر الموسم الزراعي الصيفي ، ومخزون القمح كمان .. أمس شكلها رجعت للسوق الموازي تاني بضغط صفوف الطرمبات قام رفع الدولار مبدئياً 15% ........................................................ قبل شهور بدأت شكوك في إرتفاع دين اثيوبيا وبدأ الدولار يتحرك ، كلمة قوية من البنك الدولي بإلتزامه بنجدت اثيوبيا أعادة الأمور لنصابها ، نحن عشان نطلع من بير الإنيهار دي مؤكد بنحتاج ليد تتمد لينا من الخارج ، وحكومتنا منبوذه وفاسدة كمان و التدحرج الشغال ده ما حيقيف وبدأ يتسارع و دي دولائر مرتبطة وتأثر في بعض ، كان العلاج شهر نوفمبر اسهل من هسه والعلاج اليلة أحسن من بكره ... العلاج لحالتنا دي بكل اسف في المقام الأول سياسي . الصديق الهادي بورتسودا منقول
|
|
|
|
|
|
|
العنوان |
الكاتب |
Date |
ما الذي يجري في الخرطوم منذ الصباح، الأنباء تؤكد عن مذكرة تم إعدادها تطالب بإقالة أو استقالة البشير | Mustafa Mahmoud | 04-26-18, 05:36 PM |
Re: ما الذي يجري في الخرطوم منذ الصباح، الأنب� | Mustafa Mahmoud | 04-26-18, 05:38 PM |
Re: ما الذي يجري في الخرطوم منذ الصباح، الأنب� | Mustafa Mahmoud | 04-26-18, 05:58 PM |
Re: ما الذي يجري في الخرطوم منذ الصباح، الأنب� | Mustafa Mahmoud | 04-26-18, 06:19 PM |
Re: ما الذي يجري في الخرطوم منذ الصباح، الأنب� | Mustafa Mahmoud | 04-26-18, 06:32 PM |
Re: ما الذي يجري في الخرطوم منذ الصباح، الأنب� | Mustafa Mahmoud | 04-26-18, 06:38 PM |
Re: ما الذي يجري في الخرطوم منذ الصباح، الأنب� | محمد أبوالعزائم أبوالريش | 04-26-18, 06:43 PM |
Re: ما الذي يجري في الخرطوم منذ الصباح، الأنب� | Mustafa Mahmoud | 04-26-18, 08:18 PM |
Re: ما الذي يجري في الخرطوم منذ الصباح، الأنب� | Asim Ali | 04-26-18, 08:40 PM |
Re: ما الذي يجري في الخرطوم منذ الصباح، الأنب� | Mustafa Mahmoud | 04-27-18, 09:46 AM |
Re: ما الذي يجري في الخرطوم منذ الصباح، الأنب� | Mustafa Mahmoud | 04-27-18, 06:22 PM |
Re: ما الذي يجري في الخرطوم منذ الصباح، الأنب� | Mustafa Mahmoud | 04-27-18, 09:41 PM |
Re: ما الذي يجري في الخرطوم منذ الصباح، الأنب� | حسن حماد محمد | 04-27-18, 11:50 PM |
Re: ما الذي يجري في الخرطوم منذ الصباح، الأنب� | Mustafa Mahmoud | 04-28-18, 08:58 AM |
Re: ما الذي يجري في الخرطوم منذ الصباح، الأنب� | Mustafa Mahmoud | 05-01-18, 03:06 PM |
|
|
|