|
|
 Re: The A . T . M محن وتجارب لأكثر من اسبوع (Re: محمد حمزة الحسين)
|
أحدث نكته عن الصراف والجاز تجدونها هنا...
مشيت الصراف قلت اتصرف (اتصرف دي من اشيل مصاريف ما عارف صاح واللا غلط يا مدير)
لقيت ناس واقفا برا وناس مرطبا جوا سألت يا جماعه الفهم شنو
الجوا ما تكلمو رغم إنهم لسانهم رطب من البرودهـ
والبرا قالو في وعد بالتغذيه 
فجأةً طلعت موظفه يبدو إنها اغتاظت من ترطيب الجماعه علي حساب وعد بالتغذيه وقالت تفرتك اللمه ...
وقالت يا جماعه العربيه الخاصه بالتغذيه لسع بعيده عندهم تغذيه في مواقع تانيه ولسع عليهم زمن ...
فانبريت لها بحسبي اقرب المرابطين خارج الصراف اها يا استاذه والمواقع دي وين عشان نمشي عليها ...
ضحكت وذكرت اول موقع تعجيزي ابو ادم ...
ابو ادم من السوق العربي بعيدهـ شديد
غايتو الكلام دا وزع ليك جملة المرابطين علي ذمة الوعد بالتغذيه ...
البت مشت والجماعه مشو وفجأة بتاع الصناديق السحريه جاء من جوا البنك
وصرفنا وامتصرفنا لسع بفكر البت كانت قاصدهـ شنو بي كلاما الوزعت بيهو ناس ربما كانو مضطرين
لأخذ مصاريف يوميه مثلما كنت ...
:
:
واخر تقليعات صف الوقود طلع المستفيدين من الازمه كثر يعني كوتاااار
مثلاً البنظموا الصفوف في غير زمن الشغل وهو اصلاً الوقود بجي في غير زمن الشغل ههههههههه
باخدو حمراء يعني عشرين جنيه والبخلقوا صفوف للعربات المقلبنه يعني في عربات بتجي تنكيها مقلوب دي بشيلوا منها
ابو بقره يعني خمسين جنيه شوفتا كيف وبعد تحديد الكوته البدفع المعلوم بدوهو فل تنك ولا من يختشي ...
والطالبين الوقود طلعوا جداد سمين علي وزن قطط سمينا يعني الازمة نعمة بينما تضج الاسافير بإنها نغمة
ونواصل ...
:
:
:
:
:
مع التحيات لله الزاكيات
|
|
 
|
|
|
|
|
| العنوان |
الكاتب |
Date |
| The A . T . M وأزمة الوقود محن وتجارب وملاحظات LIFE | محمد حمزة الحسين | 04-18-18, 11:33 AM |
| Re: The A . T . M محن وتجارب لأكثر من اسبوع | محمد حمزة الحسين | 04-18-18, 11:49 AM |
| Re: The A . T . M محن وتجارب لأكثر من اسبوع | Hani Arabi Mohamed | 04-18-18, 12:15 PM |
| Re: The A . T . M محن وتجارب لأكثر من اسبوع | محمد حمزة الحسين | 05-10-18, 02:14 PM |
| Re: The A . T . M محن وتجارب لأكثر من اسبوع | محمد حمزة الحسين | 05-10-18, 02:27 PM |
 Re: The A . T . M محن وتجارب لأكثر من اسبوع | Asim Ali | 05-10-18, 02:54 PM |
| Re: The A . T . M محن وتجارب لأكثر من اسبوع | محمد حمزة الحسين | 05-16-18, 02:17 PM |
| Re: The A . T . M محن وتجارب لأكثر من اسبوع | محمد حمزة الحسين | 05-23-18, 01:18 PM |
| Re: The A . T . M محن وتجارب لأكثر من اسبوع | Asim Ali | 05-23-18, 06:32 PM |
| Re: The A . T . M محن وتجارب لأكثر من اسبوع | محمد حمزة الحسين | 05-27-18, 01:35 PM |
|
| |
محمد حمزة الحسين
فيس بوك
تويتر
انستقرام
يوتيوب
بنتيريست