|
Re: مشروع فى السودان ؟ لماذا لا نثق فى سودانى (Re: Salah Zubeir)
|
برضو دا موضوع حيوي ومهم خاصة للناس الزينا المفكرين يرجعوا يوم للسودان وبيدبروا ليهم في وسيلة كسب عيش حلال ويمكن إعتباره مواصلة لبوستات من نفس النوع
أبدأ بالاهم عندي صاحبي أشتغل في السعودية مع زول مروق شديد النوع البدأ من تحت يوم كدا صاحب العمل قال لصاحبي لو داير تنجح في حياتك أفهم حاجة واحدة ومهمة هي : ما حك ظهرك مثل ظفرك الدرس البسيط السمعناه آلاف المرات دا فات علي كثير من المغتربين يقولوا ليك إنت ما عارف أخواني حربيين ياكلوا النار أنا أخواني غير
وبعد فشل المشروع أو "البشتنة" الحصلت يقول ليك كلام المثل صاح
يعني بالواضح مافي أي مخرج من أن تنشئ وتبني وتدير مشروعك بنفسك أي حاجة غير كدا فدا ضحك علي النفس
أها بعد ما بديت المشروع وبنفسك حتتعامل مع الناس من تجار وفنيين وصناعية وحتي زبائن كيف سمعت كتير من مغتربين إنهم مشوا يشتروا حديد (ومن زول معرفة وثقة) وإتفقوا علي السعر ودفعوا القروش وستة شهور ولسه الحديد ما وصل والأسعار تضاعفت
حتات زي دي الثقة فيها ما بتنفع أدفع قروشك بعد أن تشوف الحديد قدامك ومحمل علي وسيلة النقل أما حكاية نجيبه من المخزن أو كلها يومين واللواري في السكة فدا كلام حلة
عادي الناس تبيع ليك إنت الجاي من برة بسعر مختلف عن الناس في السودان
في كل مرة في السودان تجيب للناس سيرة يللا نعمل الحاجة الفلانية (والحاجة دي مصلحتهم هم شخصيا قبلك إنت ) طوالي الإبتسامات (دا كما ضحكوا بالصوت العالي) ويقولوا (بمختلف الصيغ واللغات) إنت زول فائق وبتاع تنظير وما عارف السودان دا ماشي كيف تجونا من برا نضاف ومليانين أوهام
والبقولوا ليك الكلام دا من الصباح مكسرين مع ست الشاي والكلام دا ذاتو يقولوا ليك وهم اليوم كلوا محاسن كبي شاي (المحيرني بيجوبوا حق الشاي من وين؟؟؟؟ المغتربين طبعا عارفين!!!!)
في مدينتي هنا في كاليفورنيا بالليل تسمع صوت الكراكات بتكسر في الشارع في الصباح التالي أو البعده باكتير تشوف ليك كليو متر من الأسفلت يلمع (كما قال احدهم هنا التقول مطلعنه من المكوة ) في السودان أكثر من شهر بحاحي في المساح عشان يمشي يمسح المزرعة (رغم إنه حقوا مدفوع)
أها نقول شنو؟؟؟؟
|
|
![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
مشروع فى السودان ؟ لماذا لا نثق فى سودانى الداخل | النصرى أمين | 04-03-18, 06:15 PM |
Re: مشروع فى السودان ؟ لماذا لا نثق فى سودانى | النصرى أمين | 04-03-18, 06:17 PM |
Re: مشروع فى السودان ؟ لماذا لا نثق فى سودانى | علي عبدالوهاب عثمان | 04-03-18, 06:26 PM |
Re: مشروع فى السودان ؟ لماذا لا نثق فى سودانى | كمال عباس | 04-03-18, 06:43 PM |
Re: مشروع فى السودان ؟ لماذا لا نثق فى سودانى | Mirghani Taitawi | 04-03-18, 06:47 PM |
Re: مشروع فى السودان ؟ لماذا لا نثق فى سودانى | Salah Zubeir | 04-03-18, 07:05 PM |
Re: مشروع فى السودان ؟ لماذا لا نثق فى سودانى | Nasr | 04-03-18, 09:00 PM |
Re: مشروع فى السودان ؟ لماذا لا نثق فى سودانى | Abureesh | 04-03-18, 09:20 PM |
Re: مشروع فى السودان ؟ لماذا لا نثق فى سودانى | النصرى أمين | 04-04-18, 10:13 PM |
Re: مشروع فى السودان ؟ لماذا لا نثق فى سودانى | النصرى أمين | 04-28-18, 06:18 AM |
Re: مشروع فى السودان ؟ لماذا لا نثق فى سودانى | ابراهيم عبد الوهاب | 04-28-18, 11:06 AM |
Re: مشروع فى السودان ؟ لماذا لا نثق فى سودانى | النصرى أمين | 10-28-18, 06:10 AM |
Re: مشروع فى السودان ؟ لماذا لا نثق فى سودانى | Mohd Ibrahim | 10-28-18, 06:27 AM |
Re: مشروع فى السودان ؟ لماذا لا نثق فى سودانى | muntasir | 10-28-18, 06:50 AM |
|
|
|