في ايام الإنتفاضة..اصحابنا واحدين ..كانوا في وش المدفع..في وش ديكتاتورية جعفر نميري..وقدموا شهدائهم بطريقتهم الخاصة..
دكتور فضل الله..
ومناحة جميلة من شاكلة: فبعث الموت شئ محال..وموت البعث شئ مستحيل..!!
قلت لي فتاة مصرية باكية؟؟..وده كل اللفت نظرك يا محمد..!!
فاطنة طرماي..من بنات النوبة النمانج..وبعثية كمان..كانت بتوقفنا صف يا محمد عشان تشوف العيال المارنين (المنفسين) من العيال الجمر..وبكل صراحة بتقول ليك يا فلان امرق ما محتاجين ليك..!!
بعث حبيبنا الجلابي الجميل محمد اسماعيل ابو دقن..الكان بيضوخ خلية جهاز امن نميري..يملاهم ليك ونسة ساكت..عشان الرفاق والرفيقات يشخبطوا الحيطان الأنيقة بشعار ينادي بسقوط حكومة جعفر نميري..!!
اذهب يا صاحب..ان كانت في ذاكرتك ملامح فتاة مصرية باكية وشاكية كمان..!!
حبينا الفلاتي..استاذنا الجميل يوسف بادكو (بعثي حي وعايش يا محمد)..كان ناس امن نميري بيقولوا ليهو: انتا فلاتي شن لماك بالعروبة؟؟..وصاحبنا الذكي يبتسم..لكي يشتري بعضا من الوقت..حتى تتمكن الرفيقات والرفاق من انجاز مهمة ما في مكان ما..!!
والآن نشهد بعض الرفاق ، الذين لم تجود له الذكريات سوى صورة فتاة مصرية باكية..!!!!!!!!!!!!!!!!!!!!!
عرفنا حاجة يا صاحب..
ولن نشمت في رفاقنا ورفيقاتنا من البعثين والبعثيات الأكلوا جمر الديكتاتوريات دون ان يرمش لهم جفن..!!
عشرات السنين يا محمد ، وانا قاعد اكابر انو انقسامات البعث وهم ساكت..ولكن..!!
شكرا للبعث الذي دعمنا ووقف معنا بان منطقة أبيي هي سودانية ويجب ان تظل هكذا..هذا هو البعث الذي اشكر ه..!!
شكرا للبعث المستهبل الذي يعرف ان شول منوت سوداني من ابيي..فيعمل نايم بمظنة ان هناك شعب ذكي لماح..!
خانتكم يا رفاق...ناس امسودان ، العميان شايل المكسر بانو شول منوت جنوبي ورمز شنو كده ما عارف..!!. . شكرا للبعث المارق في الشوارع..وبنقول ليهم: فبعث الموت شئ محال ، وموت البعث شئ مستحيل..!
شكرا ..البنيات الجمر..شكرا الوليدات الضو..!!
لكل صديقاتي ، اصدقائي ، اعمامي ، عماتي..نجوم الفجر العصية على الظلام..!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست