اربطوا اقتصادنا باقرب كراع عنقريب!

Quote: شغل عجيب وغريب وشائعات ما تعرف مصدرها الحقيقي ولا المستفيد من اطلاقها فلان وفرتكان وفلانة وعلانة سحبوا قروشهم من البنوك، وانتو لازم تلحقوا تسحبوا قروشكم لأنو بعد كم يوم ما حتلقوها والبنوك حتعلن افلاسها. يعني الناس دي تشيل قروشها تختها في البيوت وتقعد تحرسها وللا كيف؟ هل المستفيدين هم الحرامية وللا تجار الخزن وللا الكيزان وللا منو بالضبط؟ الدولار بخمسة واربعين، لا بخمسين، حصل ستة وخمسين. الحكومة رجعت الديكلاريشن في المطارات تاني، لا لا دي اشاعة ساكت..لا ما اشاعة..اشاعة..الخ قطر جايبه وديعة بكم مليار، لا ما قطر بل تركيا، مافي اي زول جايب اي وديعة، حزمة اجراءات وحزمة برسيم وبشة بكى ووداد شردت..علي عثمان رجع، بكري لبس الكاكي وعبد الرحيم عمل شنو كده ما عارف. غايتو.