حبيبنا عبد الباقي.. اهل الدار عردت يا قريبي..فالشجن حار و شديد ياعم..! كردفان سمحة ، وعندي هي عروة اليقين الوثقى..يقين الجمال الحنين..الكفيل بانو يربط سودان الإستهلاك العاير ورا مصالح اليومي..بلد فقدت اليقين فلن يكون ليها مستقبل..وكردفان بتحاول تبقى اخر اليقين ذاك..!! اهديك حاجتين..
الحاجة الأولانية..واحد من اندر الأصوات التي اشتغلت اعمال حسن عطية..!
الفاتح ميرغني..!!!..طبعا ح تندهش يا عبد الباقي وح يندهش معاك خلق كتيرة..!!
الفاتح ميرغني الذي يغني لحسن عطية ، هو غير صاحبنا الفاتح ميرغني ، الذي كتبنا هذا الخيط باسمه ، والذي يناغمنا هنا..فالفاتح الذي يتحدث معنا هنا..هو عازف جيتار..والباقي كفي..!!
الحاجة التانية..يا عبد الباقي..هي الفاتح قميحة..!!
عندنا يا صاحب ..بدينا باحمد ربشة..ثم الهادي الجبل..عزالدين عبد الماجد..الصافي محمد احمد..محمد سلام..عثمان الأطرش ..محمود تاور ..عبد المنعم الخالدي..جلال الصحافة..فيصل الصحافة..ثم جات اجيال انيقة ومنمقة..الفاتح قميحة..يوسف الموصلي..عمار السنوسي..عثمان النو..عقد الجلاد..ساورا..محمود عبد العزيز..!!
الفاتح قميحة زي عبد العزيز العميري..محطات نادرة..نادرة شديد يا عبد الباقي..وناس عبد الله الكردفاني بيعرفوا الفكرة من اولها لأخرها..!!
وتباع التذاكر بمحلات عباس رشوان (الما عارف يسال يحى قباني لأنو ده الزول العارف محلات عباس رشوان دي وين)..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست