حارة.. بالجد لحظة حارة .. يا عمر ، الفاتح ، الملك..!!
سلاما لمرزوق في الخالدين الرائعين الذين يعرفون كيف يزرعون الفرح..!!
لمن سمعت صوت مرزوق في الفيديو الجبتو..حسيت اني داير اسمع حاجات تانية للرجل وفعلا سمعتها..اول خاطرة جاتني..اللحو..
فتحت نافذة متوازية..تحديدا واحد من اميز اشغال علي اللحو (وكت سيرتك يجيبوها..اهلي كتير بي بيريدوها..ياحليل العشرة الما بتهون على الناس البعزوها)..!
ويا الملك والفاتح ، صاحبنا وصديقنا جمال علي التوم ، كان سنيري في كلية القانون وعلمني حاجاة كتيرة في العمل العام المجيه..كان بيشتغلني وبيقول لي:برولوم عينك قوية ، وكتك كلو بتخلط السنيرات..!!
وكان قاصدة..الجية البيقولوها..في اصابع الليد بي يعدوها..!! (الموضوع كان محبة ساكت وما فيهو خطبة..!!..والله صحي..!!)
الكلام ده يا شباب (الملك والفاتح) كان سنة 1987 في كردفان..والدنيا ديموقراطية..!! اها من ديك..وعييك..!
اصلا كنت بسمع اللحو..ناس الكنينة..الطير الخداري ..ويا اخوانا كن رقتوا..لكن حكاية وكت سيرتك يجيبوها..دي فتح جديد..!!
لمن سمعت صوت مرزوق..جاتني شعرة..وقلت ياخي ده خوف اخر الليل ساكت..قمت فتشت ليهو حاجات..والفكرة وقعت لي..طوالي ختيت اللحو (وكت سيرتك يجيبوها)..وعرفت حاجة..!!..حد فيكم متذكر صوت/طريقة اداء بتشبه اللحو؟..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست