الأغوات

Quote: عملية الخصي آثارها شنو تحديداً خلاف المعروف عن عدم قدرة المخصي على الإنجاب؟ الراجل في الفيديو التالت فوق ذكر انعدام الشهوة وأظنه مخطيء فالشهوة عند الأطفال موجودة يهمني أكتر بعد ما تقدم لينا طرحك عن الآثار تركز على إضافة تخص النواحي المتعلقة بتطور عقل المخصي من ناحية فسيولوجية وما إذا كان هنالك تأثير مباشر على طرق تفكيره وإدراكه ووعيه بالبيئة من حوله أثارت انتباهي مسألة البقاء فترة سبعة سنوات بدون اتصال بالمجتمع.

Quote: ما في المجاورة بس .. عليك الله شوف لفة العمة المكرَبة دي

ههههها يا حنين من البداية عرفت قاصد العمّة،،، ياخي ما شفت كلام منتصر، عليك الله شوفوا قبل أبوبكر ما بيلِّطوا، كلامو بتاع إنو عمة الآغوات ديكها، هي لفة أثيوبية، أو أقول: لفة عمة شمال إثيوبية/حبشية Abyssinian/Habeshana/Abeshana/ሐበሻይት أصلي بلادو. لافينها قسوس أرثوذكس وربانيون فلاشا وجبرتا مسلمين، كلهم نفس العمة واللفة ما بعيد اتعودوها من زمن أكسوم وسبأ. أما اللفة بتاعت “الحسيب النسيب” دي فهي لفة حجازية/يمانية بحواشي أزهرية خاصة به. ولبسة الختمية كلها حجازية الهوى…جلابية ضيقة الآكمام بلياقة إلا إنو عمامتهم قصيرة مكروبة بلا عزبة زي الحارين الهوا ونوع الصداع الجاييهم دا. الصور في النت ما تديك الدرب لكن كدي هاك شوف صورة العمم دي من قدس الأقداس المسيحية الحبشية في لاليبيلا... أيها أقرب للفة الأغوات؟!
https://www.0zz0.com
*************

Quote: هل أحد الأغوات "من أثيوبيا" ذهب الي السعوديه ثم عاد الي السودان لينشر الإسلام في السودان؟ من من أهل السودان لديه أوقاف في مكه أو المدينة ؟ وما علاقة هذه الأوقاف بالأغوات ؟ ،،،،،،،،،،،،،، وهل لم يكن الهدف الحقيقي نشر الإسلام.. بل هدف آخر وبتخطيط من جهة إستعمارية ؟

بالله شوف الأسئلة الموجهة التعسفية دي!
عبد العظيم عرفناه شغال معانا بالأشاير والتلاويح في شكل أسئلة، لكن دي حركة بتلمِّح ويتلوِّح في إتجاه إنو عندو إجابة ما لكنو بيضن بيها على الحقيقة.
يمكن دا تكتيكو في المحاورة... لكن طالما آمنة بت مختار تبنت الأسئلة ومعاها هوادة، فخلاص فرجت تب، لأنها عودتنا على التنشين المباشر يا صابت “قدم كديس” بشرحها، يا كمان خابت،
فشنو، يا آمنة عليك النبي صوبي كما عهدناك وشتتي رصاص ما عندكـ بالخصوص التاريخي أو الأسطوري!!!