|
Re: يا عمر دفع الله لا تظلموا المربي قاسم بدري (Re: MOHAMMED ELSHEIKH)
|
الفنان القامه عمر دفع الله لك العتبي إن لم ارد عليك اليوم خاطبت بكري ليرفع مشاركاتي ان لم يفعلها مشاركات بكرا كولها لك . فاعذرني النشوف قريبي ود الشيخ هبشني فوق جرح...
Quote: يا محمد حمزة عملت شنو لعمار ؟
خليني اطبقو في خالد
ياخي بلغت الروح النخرين |
اول حاجه تشوف هو بي يحب شنو عموماً عمار كان بحب سندوتشات البيرقر والوجبات الهاي كلاس اصطحبته لمحل راقي لكن من كترت الرقي الاكل مرق من نفسو ![](https://sudaneseonline.com/db/attention/010_Smile.gif) المهم في الامر تقديم النصح في خلوه نصح جارح وصادم وربما مفاجئء لما يدور بخلده ان كنت تعرف تقراء افكاره ان لم تكن تعرف تقرأ افكاره ممكن تخمن = ضع قوانين وشروط للتعامل يعني الممنوع ممنوع والمرغوب مرغوب والخطوط الحمراء لو بهيتا ما يتغير لونها لي وردي . = اعمل بتطرقة الاقرارات ... مثلاً اتفقنا .. موش قنا كدا ... اها يا حبيب انت غلطان والله لاأأأع ... اهااا افرض عقوبتك علي نفسك . مره عمار قالي تاني ما تسوقني حته كويسه معاك ![](https://sudaneseonline.com/db/attention/010_Smile.gif) = أهم حاجه لو وعدت تنفذ : : مرة انا كنت في شركة زراعيه في السايت خلاء الدامر وكان عايز يفرض هيبتو في غيابي وبيشلت اختو الصغيره ... بعد توجيهات وانذار اخير بلغته اني لو تكرر منك مثل ذلك حا اركب من الدامر عشان اجي اعاقبك وارجع .. وكان قد اخطا لدرجة الصغيرة مشت لي خالتها وطلبت منها تكلمني تأكدت من المعلومه من والدته وركبت الساعة 2 ظهر وصلت البيت الساعه 7 مساء دخلت البيت لا سلام لا كلام وناديتو علي الوضه وعملت ليهو اقرار ... - دقيت ميساء في شنو ؟؟!! = في هي ما عملت وكاندووو ما عارف شنوو !!! كلام ما عندو صريمة تمسكو منها الا بس فرض هيبتو . - طيب موش حزرتك ... = آييي لكن يا ابوي ... قاطعتو غلطان واللا ما غلطان ...؟ = غلطان يا ابوي لكن ... - اهااا عارف انا حا اعاقبك بي شنووو !! = قال لا ما عارف - انا حا اعاقبك بي الجلد من بعد صلاة العشاء حتي الصباح لو حيت انا بلبس واسافر ولو صلت هناك وتاني بلغني خبر انك غلطا حا اركب نهاية اليوم اجي راجع ... ولو متا ودا احتمال كبير حا تأخر ادفنك وما عايز اي صيوان حتي بعد داك اسافر ونعيش بعدك في سلام ...![](https://sudaneseonline.com/db/attention/010_Smile.gif) - يلا نمشي نصلي العشاء ونجي موعدنا هنا ... انا قلت دي فكرة العقاب بالرعب نشوف بي يتصرف كيف اتخيلتو يهربناس جدو ناس خالو ناس عمو لكن يبدو انو ما كان عندو صديق كولهم مضوقهم المر فقال احسن يموت بلا شماته ... المهم جاء الي ارض الحرام وكنت محضر حزامين جلد لزوم عرض سلاح المعركة ... وطوالي دخلت فيهو جلد اقلع .. اقلع ما عايزين هدوم وهاك يا جرسه لمن الجرسه كترت دخلت امو طوالي اخدت جلدتين ودفره برا الأوضه وقفلت الاوضه رعب شديد الليلا حجاز ما عندك ورجعت جلده جلدتين مع هدنه مصطنعه نزل يدك وارقد كويس وجلده جلدتين المهم في ظل هذه الدراما نادو حبوبتو عاد المرا نسيبتي وما برد لها طلب ... - انتي عارفاه عمل شنو انا جاي من هناك ادقو وارجع المهم قبلنا الواسطه ووصلت الرساله بقي زيو وزي اخوانو يشكي منهم لو اعتدو عليه وقليل ما هم : : بالنسبه لمسيرة حياته تحتاج شرح كتير عن مستقبلوا ويعرف انك زاهد من وراءه بس من مصلحتو ينفع نفسو ولازم يعرف انك ملتزم بكل ما يحتاج ان صار مطيع ومفيد وان لا فحدك معاه 18 عام حا تحسبا باليوم والساعه ولازم تبني هوايل ومخاوف عن مستقبل بدون تعليم ومصير العقوق وهكذا غايتو المهم اختزل ما يناسب حالته اما احسن وصيه لو لقيت زول بدلك بي بنوته طوالي وافق ![](https://sudaneseonline.com/db/attention/010_Smile.gif) تسلم يا قريبي ما شوفناك في بورد الترتر : : : : مع التحيات لله الزاكيات
|
|
![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
يا عمر دفع الله لا تظلموا المربي قاسم بدري | محمد حمزة الحسين | 01-14-18, 11:37 AM |
Re: يا عمر دفع الله لا تظلموا المربي قاسم بدري | محمد حمزة الحسين | 01-14-18, 12:13 PM |
Re: يا عمر دفع الله لا تظلموا المربي قاسم بدري | Arif Nashed | 01-14-18, 12:50 PM |
Re: يا عمر دفع الله لا تظلموا المربي قاسم بدري | عمر دفع الله | 01-14-18, 01:20 PM |
Re: يا عمر دفع الله لا تظلموا المربي قاسم بدري | أيمن الفاضل | 01-14-18, 01:52 PM |
Re: يا عمر دفع الله لا تظلموا المربي قاسم بدري | محمد حمزة الحسين | 01-15-18, 10:27 AM |
Re: يا عمر دفع الله لا تظلموا المربي قاسم بدري | محمد حمزة الحسين | 01-15-18, 09:43 AM |
Re: يا عمر دفع الله لا تظلموا المربي قاسم بدري | عمر دفع الله | 01-15-18, 10:21 AM |
Re: يا عمر دفع الله لا تظلموا المربي قاسم بدري | عمر دفع الله | 01-15-18, 11:49 AM |
Re: يا عمر دفع الله لا تظلموا المربي قاسم بدري | عمر دفع الله | 01-15-18, 12:04 PM |
Re: يا عمر دفع الله لا تظلموا المربي قاسم بدري | MOHAMMED ELSHEIKH | 01-15-18, 12:07 PM |
Re: يا عمر دفع الله لا تظلموا المربي قاسم بدري | محمد حمزة الحسين | 01-15-18, 02:47 PM |
Re: يا عمر دفع الله لا تظلموا المربي قاسم بدري | محمد حمزة الحسين | 01-16-18, 01:22 PM |
Re: يا عمر دفع الله لا تظلموا المربي قاسم بدري | محمد حمزة الحسين | 01-16-18, 02:05 PM |
|
|
|