هذه البوست مخصص لكل ما اتعجب منه او استغرب او اندهش
الشئ الذى يغيظنى فى الارقام السودانية هو انو الواحد يقول ليك.. مرات مسؤول حكومى كبير.. يقول ليك الشئ دا كلفنا 20 الف, ويواصلِ.. يعنى عشرين مليون. يعنى فى الرياضيات السودانية الواحد يساوى الف. بعدين واحد بن يبرروا او يفسروا ليك انو المقصود بالقديم والجديد والمشرط وما عارف شنو.. لا اشترى هذه الخزعبلات.. الشعوب (الصاحية) عندها عملة واحدة مبرأة للذمة فى اى وقت معين. ولا يحسبون بعملاتهم القديمة. العملة تغيرت خلاص.. انسى القديمة.. وإلا برضو ورونا كم بالدينار وكم بجنيه نميرى وكم بالتعريفة المقدودة.. الناس دى مغيبين واللا مساطيل واللا شنو!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة