يا ود المرتضى حرفنة في حضورك بتكون شتاره ساي .. والله صحي ..
أنا غايتو يشفع لي حكاية الزول الأشتر البيرقص قدام بتاع البنقز .. عارف انا قبل اي حاجة بهتم بمقدرة المغني .. على التوافق مع الفرقة وهو بيغني .. ببحث عن شتارتو .. لو مالقيت ليهو شتاره بعد داك بمش أركز في سماحة صوته .. ثم بشوف تجصيمه للأغنية .. بعد داك بشوف الاغنية دي عاجباني ولاّ .. لا .. ثم بعدها بديهو اعجابي .. بلا أي تحفظ .. غير كده بكون تقييمي ليهو زي رقيص .. الزول الاشتر قدام بتاع البنقز .. هههههه .. مره في حفلة بتاع البنقز بنعرفو كنا في حفلة بعيد عن الحي .. ما صدق لمحنا من بعيد حاضرين وبنرقص في الحفلة دي .. قام نادى واحد مننا قال ليهو عليك دينك وايمانك .. الزول الاشتر البرقص قدامي ده زحوهو لي بي اي طريقة .. بيخليني أكوجن الشغل وناس الفرقة ديل .. ما حيرحموني لو امرقهم من التايم كل شوية .. وكل شوبة يحمروا لي وبتاع الطرمبة يقعد كل مره يرجّع الفرقة للتايم .. فما حيجيبوني ادق ليهم بنقز تاني .. ههههههه .. فقمنا عملنا للزول الاشتر ده أجعص حائط صد وكنا اربعة ماشاء الله .. ولزلزناهو بعيد من قدام عيون زولنا بتاع البنقز ده .. حتين ارتاح وقد يعزف .. هههههههه .. الايقاع ده حاجة الزول بيتولد بيها من بطن امه .. زي سواقة العربية .. خخخخخخ ..
فشترا ياخ البنية الجابوها دي وما عندها اي علاقة بالغنا .... خخخخخخخ ... وكان لي سمحتا انا غايتو متحفّظ وممتنع عن التصويت ... هههههه .. يعني جلاااااااااا ...... أو فلنقل باص .....
هاك الطوبة دي بمناسبة قلبة الهواء على آل المهدي .. خخخخخ ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جمال ود القوز
فيس بوك
تويتر
انستقرام
يوتيوب
بنتيريست