|
Re: ماذا وراء اقتراح مصر إشراك البنك الدولي ف� (Re: Frankly)
|
اولاد بمبة قرشوا ملحتنا في موضوع السد ده .. وحاسبين السودان وأثيوبيا طرف واحد ... فقالوا مافي داعي يكلمونا الحبش حيفهمونا الحاصل .. غايتو يا كيمو سد النهضة ده كان طلع ماسورة .. الضحك بيشرطنا أكتر من المصريين الجاييهم العطش ديل .. كان ليهم الا يعيدوا تكرير موية الصرف الصحي للشراب ..... يا ها نظرية عجبنا للمرقوت ذاااتا بي ذاااتا .. لكن حاسي الحبش حيقلبونا مع المصرين سوا سوا ...
هسه بيطبطبوا لينا وحيختونا تحت اباطهم لحدي ما السد سنتهي أمره .. وحتشوف بعدين وش الحبش الآخر .. يأخ ديل قرطسوا المصريين وختوهم تحت ضرسهم .. وضربوا عرض الحائط بكل توسلاتهم واستجداءهم وتهديدهم .. وشغالين في السد تش تفتكر مابيقدروا علينا نحن التعبانين ديل .... اصلا انا مابالع الاندفاع الأعمى بتاع حكومتنا ده .. اندفاع وترويج لمزايا السد وفايدته للسودان .. لامن تحس انه الموضوع ده حتجي من وراءه كارثة .. غايتو فلبي مابي سد النهضة دي دُوت .....ههههه .. شايفو ماسورة قلفنايز طرشمية بوصة وحنتضرر اكثر من اولاد بمبة ... وحيجيك كلامي لي قدام .. بس اتذكرو .. ربنا يكضب الشينة غايتو ...
|
|
|
|
|
|
|
|
|