بوست أنيق وظريف زي صاحبو .. والله احتفاءك بالملك يا فاتح .. وبهذه الأغنية الأنيقة الجميلة يستحق .. لقاء جميل زي ده .. فلي قدام ..
رغم انه النوبيين هاجموا فيلم الهجرة .. بل وهاجموا منير نفسه .. لبعض تحفظاتهم على بعض المشاهد .. خصوصا تصويرهم وهم فرحين بالتهجير .. والواقع كان مختلف خالص .. ناس بيفارقوا مراتع طفولتهم ومهوى انفسهم ... ويذهبوا بانفسهم ودوابهم وماشيتهم الى المجهول .. كيف بالله عليك يكونوا فرحين ومبسوطين .. ماتم كان عبارة عن مقلب وخازوق مغرّي .. تم ظلم النوبيين وتسكينهم في مناطق طبيعاها لاتناسبهم .. وتبعد عن النيل الذي عشقوه وعاشوا على ضفافهم طوال حياتهم .. وحياة آباءهم وجدودهم .. الآن كل المجموعات النوبية في السودان أو مصر .. بتدعم حق المجموعات النوبية التي تم تهجيرها .. لازم يرجعوا ويسكنوا تاني على ضفاف النيل مهما كانت طبيعة المنطقة .. خصوصا انه الآن بيتم بيع أراضيهم بالنوبة القديمة للمستثمرين .. منتهى الاستخفاف والاستعباط ... فلابد من وقفة قوية لرد الحق لأهله .. السودود كانت طامة للنوبيين ولا زالت تهدد ماتبقى منهم .. والله كرهنا السدود مهما كان الفائدة التي تاتي من وراءها ..
آسفين يا الفاتح قلبنا ليك بوست المفرح ده لاحزان ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة