|
|
 Re: أبتبالغي يا وزيرة (Re: عبدالحفيظ ابوسن)
|
سلامات عثمان معليش خليني أطول عليك حبة
جامعة الخرطوم لما كنت بتتباهى بيها كان بتشيل كم طالب؟
حلتكم كان فيها كم جامعي؟
البلد كان فيها كم مستشفى؟ وفيها كم شركة مقاولات؟
أي شخص تحت الخمسة واربعين سنة دخل جامعات ثورة التعليم العالي اللي بنذم فيها صباح ومساء
يعني أغلبية المهنيين الماسكين البلد دي قروا في الجامعات دي ذااااتها بعد خربت
تفتكر لو كنا واقفين على الجامعات الأربعة ولا الخمسة البياخدوا طلاب بالمئات ديل كان ممكن نلقى الكوادر البتدير البلد هسة؟
الطالب البتخرج ما مؤهل دة لو ما لقى فرصته في الجامعة التعبانة دي كان حيفضل ما مؤهل برضو .. بس ما كان حيملك المقدرة على التأهيل
علماً بإنه الطالب مهما كانت جامعته قوية لما يتخرج ويدخل الحياة العملية بحتاج يتعلم من جديد لأنه الجامعة ما بتخرجك مهني جاهز وإنما شخص بيملك الأساس الممكن يكتسب بيه المهارات المهنية
الطالب البقرأ في جامعات أقاصي البلاد دة لو ما لقى الجامعات دي كان حيفتح طبلية في السوق ولا يشتغل كمساري .. الآن عندو شهادة جامعية وممكن يلقى الفرصة للعمل في أي مكان وممكن يأهل نفسه بدورات مهنية ودراسات عليا
نجي لنواقص الجامعات المسكينة دي ونحللها براحة
شنو موقع الاستاذ الما مؤهل في العملية التعليمية؟
في زمن E-learning والـ blended learning دة تضاءل دور الاستاذ في العالم كلو بصورة واضحة
الآن أي طالب سوداني عندو موبايل ووصول للنت .. وبقدر لو عاوز يحضر محاضرات أعتى الجامعات العالمية على مواقع coursera و edx و futurelearn
وانا شفت قبل كدة تجربة لكورس في الطب تم تدريسه من داخل جامعة الخرطوم اونلاين لطلاب جامعة ولائية بعيدة
الانترنت مليان منصات تعليمية متخصصة ما ليها آخر وبتتعاقد معاها أغلب الجامعات العالمية وبتوفر تعليم مواكب عالي المستوى بتقنيات الليلة وبكرة ما بتقنيات أمس
الآن كل الجامعات العالمية بتعمل extension school بتدي فيها شهادات اونلاين زي الما حاصل حاجة
يبقى فكرة إنه الاستاذ هو عضم العملية التعليمية دي اتجاوزها الزمن وممكن تستمر جامعاتنا الولائية دي بالمحلي المتاح وتدعمه بالخيارات السايبرية
مافي مكتبات ؟ الناس أساساً سابت الكتاب الورقي واصبحت المكتبات الرقمية متاحة على الانترنت واعتقد وزارة التعليم العالي عندها مكتبة اليكترونية كويسة .. يعني المراجع متوفرة للطلاب وحتى الما موجود منها مجاني بتلقاهو في مواقع التحميل
حتقول لي الانترنت يمكن يكون غالي وما متوفر ! لا لا الوزارة وفرت المعامل وشبكة انترنت سريعة ومستقرة لكل الجامعات والكليات الحكومية عبر مشروع مكتبة شبكة الجامعات السودانية الافتراضية
الداير اقوله
فكرة إنه يا يحصل تعليم كويس يا نقفل الجامعات الفقيرة دي فكرة أنانية جداً لأنه الجامعات دي ما بدخلوها أولاد الناس المقتدرين أو سكان الخرطوم وإنما بدخلوها ناس لو ما لقوا غيرها ما حيتعلموا .. باختصار كدة زي البتقول يا إما ناكل أكل صحي أو نبطل أكل إن شاء الله نموت
|
|
 
|
|
|
|
|
| العنوان |
الكاتب |
Date |
| أبتبالغي يا وزيرة | عبدالحفيظ ابوسن | 12-10-17, 05:12 AM |
| Re: أبتبالغي يا وزيرة | عبدالحفيظ ابوسن | 12-10-17, 05:15 AM |
| Re: أبتبالغي يا وزيرة | عبدالحفيظ ابوسن | 12-10-17, 05:19 AM |
| Re: أبتبالغي يا وزيرة | محمد البشرى الخضر | 12-10-17, 05:37 AM |
| Re: أبتبالغي يا وزيرة | عبدالحفيظ ابوسن | 12-10-17, 05:43 AM |
| Re: أبتبالغي يا وزيرة | عبدالحفيظ ابوسن | 12-10-17, 05:54 AM |
| Re: أبتبالغي يا وزيرة | عبدالحفيظ ابوسن | 12-10-17, 06:00 AM |
| Re: أبتبالغي يا وزيرة | محمد البشرى الخضر | 12-10-17, 06:02 AM |
| Re: أبتبالغي يا وزيرة | عبدالحفيظ ابوسن | 12-10-17, 06:10 AM |
| Re: أبتبالغي يا وزيرة | عبدالحفيظ ابوسن | 12-10-17, 06:13 AM |
| Re: أبتبالغي يا وزيرة | عمر أبوعاقلة | 12-10-17, 07:02 AM |
| Re: أبتبالغي يا وزيرة | MOHAMMED ELSHEIKH | 12-10-17, 07:39 AM |
| Re: أبتبالغي يا وزيرة | الزاكى المغيرة | 12-10-17, 07:51 AM |
| Re: أبتبالغي يا وزيرة | aosman | 12-10-17, 08:03 AM |
| Re: أبتبالغي يا وزيرة | عبدالحفيظ ابوسن | 12-10-17, 12:10 PM |
| Re: أبتبالغي يا وزيرة | أحمد الشايقي | 12-10-17, 12:48 PM |
| Re: أبتبالغي يا وزيرة | عمر أبوعاقلة | 12-10-17, 06:51 PM |
 Re: أبتبالغي يا وزيرة | Asim Ali | 12-10-17, 12:23 PM |
| Re: أبتبالغي يا وزيرة | عباس محمود | 12-10-17, 01:12 PM |
| Re: أبتبالغي يا وزيرة | Yousuf Taha | 12-10-17, 03:11 PM |
| Re: أبتبالغي يا وزيرة | أحمد محمد عمر | 12-10-17, 03:32 PM |
| Re: أبتبالغي يا وزيرة | Hafiz Bashir | 12-10-17, 06:07 PM |
| Re: أبتبالغي يا وزيرة | عبدالحفيظ ابوسن | 12-10-17, 06:25 PM |
| Re: أبتبالغي يا وزيرة | Abdullah Idrees | 12-10-17, 06:42 PM |
| Re: أبتبالغي يا وزيرة | عبدالحفيظ ابوسن | 12-10-17, 07:44 PM |
| Re: أبتبالغي يا وزيرة | عبدالحفيظ ابوسن | 12-10-17, 07:51 PM |
| Re: أبتبالغي يا وزيرة | أحمد محمد عمر | 12-10-17, 08:00 PM |
| Re: أبتبالغي يا وزيرة | aosman | 12-11-17, 05:17 AM |
| Re: أبتبالغي يا وزيرة | عبدالحفيظ ابوسن | 12-11-17, 06:02 AM |
| Re: أبتبالغي يا وزيرة | أحمد محمد عمر | 12-11-17, 08:13 AM |
| Re: أبتبالغي يا وزيرة | عبدالحفيظ ابوسن | 12-11-17, 08:59 AM |
| Re: أبتبالغي يا وزيرة | aosman | 12-11-17, 10:43 AM |
| Re: أبتبالغي يا وزيرة | أحمد محمد عمر | 12-11-17, 11:04 AM |
| Re: أبتبالغي يا وزيرة | Asim Ali | 12-11-17, 12:53 PM |
| Re: أبتبالغي يا وزيرة | أحمد محمد عمر | 12-11-17, 01:26 PM |
| Re: أبتبالغي يا وزيرة | امتثال عبدالله | 12-11-17, 03:18 PM |
| Re: أبتبالغي يا وزيرة | امتثال عبدالله | 12-11-17, 03:47 PM |
| Re: أبتبالغي يا وزيرة | Asim Ali | 12-11-17, 07:12 PM |
| Re: أبتبالغي يا وزيرة | aosman | 12-11-17, 04:40 PM |
| Re: أبتبالغي يا وزيرة | عبدالحفيظ ابوسن | 12-11-17, 05:16 PM |
| Re: أبتبالغي يا وزيرة | أحمد محمد عمر | 12-11-17, 05:24 PM |
| Re: أبتبالغي يا وزيرة | أحمد محمد عمر | 12-11-17, 05:47 PM |
| Re: أبتبالغي يا وزيرة | Mahjob Abdalla | 12-11-17, 06:23 PM |
| Re: أبتبالغي يا وزيرة | عبدالحفيظ ابوسن | 12-12-17, 01:48 AM |
| Re: أبتبالغي يا وزيرة | aosman | 12-12-17, 04:05 AM |
| Re: أبتبالغي يا وزيرة | عبدالحفيظ ابوسن | 12-12-17, 04:21 AM |
| Re: أبتبالغي يا وزيرة | aosman | 12-12-17, 12:19 PM |
| Re: أبتبالغي يا وزيرة | أحمد محمد عمر | 12-12-17, 01:02 PM |
| Re: أبتبالغي يا وزيرة | aosman | 12-12-17, 04:46 PM |
| Re: أبتبالغي يا وزيرة | عبدالحفيظ ابوسن | 12-13-17, 05:41 AM |
| Re: أبتبالغي يا وزيرة | Hafiz Bashir | 12-13-17, 07:00 AM |
| Re: أبتبالغي يا وزيرة | أحمد محمد عمر | 12-13-17, 08:46 AM |
| Re: أبتبالغي يا وزيرة | عثمان الأمام | 12-13-17, 08:56 AM |
| Re: أبتبالغي يا وزيرة | عبدالحفيظ ابوسن | 12-13-17, 11:20 AM |
| Re: أبتبالغي يا وزيرة | aosman | 12-13-17, 12:52 PM |
| Re: أبتبالغي يا وزيرة | عبدالحفيظ ابوسن | 12-13-17, 01:02 PM |
| Re: أبتبالغي يا وزيرة | عبدالحفيظ ابوسن | 12-13-17, 01:02 PM |
| Re: أبتبالغي يا وزيرة | عبدالحفيظ ابوسن | 12-13-17, 01:09 PM |
|
| |
فيس بوك
تويتر
انستقرام
يوتيوب
بنتيريست