يازول صورتك مفتشبة ومضروبة، وحتى لو اقتنعنا بها جدلا ، فالشعب مقتنع أنو شناة الوشي - ما مشكلة يعني حاتكون أشنا من البشير في شنو؟ على الأقل الركب سليمة ، والقوام والحبال الصوتية زي الفل وكمان البت دي إعلامية من طراز فريد، ومتحدثة لبقة وأكيد خطابها الأول حا يختلف تماما من بيان الكيزان الأول 28 سنة شابكننا فلترق من اادماء كل الدماء وفي النهاية قالوا الكلام ده حرام نحن هنا لا بنريق دماء ولا عندنا لحس كوع وقلع ضراع خطابنا كله جمال ، وحب، و رومانسية ، وشعر ،و نثر ، وليالي سمر وقمر البرلمان حايكون بقعة للاشعاع الثقافي والفني ، والقصر حايكون منتدى للفن والادب أو قلة الادب، أيهما الشعب يريد والشعب حايسرح ويمرح مع الموسيقى والرومانسية وحرية العبث و الشغب النبيل ، لافي شرطة بتجلد ولا نظام بعم والبلد حاتبقى رخية والشعب مفسبك والمواصلات فاضية وتاني مافي رفع دعم ولا شد حزام أي واحد يفك الحزام يفك ، وأي واحدة عايزة تتنقب أو تلبس حجاب أو تفكه مافي زول بسلها..
وبعدين منو القال ليك انها حا تظهر بدون مكياج ، لا والله ، وكمان مكياج رئاسي ستة وعشرين ساعة في اليوم خمسة يوم ويجينا ترامب وبوتن راكعين ساجدين طالبين ودنا وبتنا انت يازول مابتعرف سياسة والله شنو؟ كدي شوف الناس البتفهم في السياسة -ناس هيثم غالي- قالت شنو
Quote: غايتو انا بديها صوتي حفاظاً على نظافة شاشة التلفزيون من البصاق
أيوة النظافة مهمة ، والبتنضف -على وزن البتشبع- العين كدي أتامل الجمال الحقيقي هنا صورة وصوت ، وبدون فوتشوب أو مكياج وماتنسى تعمل شير ولايك وصوت انتخابي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر التاج
فيس بوك
تويتر
انستقرام
يوتيوب
بنتيريست