10:32 PM October, 21 2017 سودانيز اون لاين زهير عثمان حمد-السودان الخرطوم مكتبتى رابط مختصر بقول يا اساسي أنا ما فنان في الكتابة زيك بس بحاول أعبر عن نفسي ما هي النفس بعد مرات بتكون حداثة أكتر من أفصح لسان بتكون عندها لغة مميزة جدا وكمان بتقول حقايق عجيبة جدا تعرف لعنة زمن دا هي شنو أنو الامور متركزه عند ناس لا بعرف مشاعر ولا عايزين المشاعر الانسانية تسود تبقي القصة كلها ربح وخسارة انا واحد خسر عمر لكين ما خسر دينا عايش بأيمان قوي أنو أجمل لحظات العمر في قولة خير وكلام حنين وجبر خواطر مع علاقة أنسانية زي محنة أهلنا اللي بنعرفا وأتربينا عليها وكمان وفاء لاشياء كتيرة من معزة أمك لسلطة أبوك مهما كانت صعبه والباقي أواصر رحمة عبادة رب رحيم والسعي بين الناس بالخير أمكن تكون دي حالة أنسانية خيالية بالجد ما خيال أمكن دا حالي من سنين مع قسوة الترحال وخلافات الرفاق وجحود العشاق والمحبين وقلة الرزق وأنكسار الروح في صراعات الفكرو الانا ما القروش فارقت من بداية العمر ولكين كان الاخوان أكتر الناس اللي تموا الناقص وكان بالجد شيوخ قبايل بالكرم ومحبتم لاخ بكل المعايير هم وانت أعز الاخوة والرجال خلال نص قرن من الزمن عشتهم في الدينا الفانية دي ماعارف أنا بتكتب ليه أن جيت في المدخل والموضوع شيء من جنون الذات وبعض ذكريات الامس القريبه والبعيدة وصعبة حياة لازالت تصارع طواحين الهوا والنتيجة ما صفر كبير لكين أنصهار المعاناة هو سبب العذاب وقلق وعذاب مستمرتعال أحكي ليكم عن مسيرة شقاوة ريده ومشوار عمر زول بالريده مهوس ومجنون بالجميلات كان عرب ولا عجم ولا أفارقة يا ربي تعرف الجمال جزء أصيل من دينانا وكضب اللي بيقول أن لما يشوف جميلة بكون عادي وما بينزل عليهو فرح رباني كدا ما العين لما تشوف زول جميل بتحل عليها فرحة ما عادية وعشان الفرح يستمر بتكون عايزو يسكن فيك ما يغيب منك طوالي تقول للجميل نتعرف أو تحاول تتلعبس بس عشان العيون تشوف الجمال وتستمع بهيو في هنا كل الاحتمالات وأمكانيات الاستماع الممكنة نا موجوع جمال ومغرم بالحلوين ياربي أنا في الدينا ما عايز غير الجمال وأعبدك من خلالو ما هي قصة معادلة هنا هنا الجمال وما نبعد منا وعشان ما نغرق في عالم الملذات تبقي القصة أنت خلق الجمال يا ربي بس كيفما أعبدك من خلال الجمال هو جزء من أعجازك وعظمتك وكمان هنا بسوق المؤمن بطريقة منتهي البساطة هي ( هو خالق الجمال وأنت عاشق الجمال والعلاقة هنا أنا من خلال الجميل بقدسك وأنت ما أقل منو جمال ) وأقل شيء ممكن ينبغي تمجيد الخالق عند رؤية الجمالتعرفوا أنا ربيب تعلم كنسي من نعومة أظافري واسكن في حي أمدرماني فيهو كل أنماط البشر كان هنود ولا أقباط ولا أرمن وكمان شوية أسياطه وشوام بالاضافة لانو أيقاع الحياة الميلان حركة وعلاقات أجتماعية عميق جدا بين كل الناس ديل بدون أي تعقيد ولا مشاكل غير تعكير الدينا العادي وبعض الهذار التقيل اللي بسبب الزعل ما كانت حياة فيك يا أمدر بالجد رايعة جدا من هنا بدات أعرف الزول السمح دا شكو كيف أمكن الاوصاف العادية زي العيون الكبار والنخره المستقيمة والقوام الطول وكمان القعر والشعر بالاضافة لحلاوة الروح والانطلاق في الدنيا كدا بخفة روح ىبين الناس بلطافه كدا يا ربي دا زولي بعقد طوالي أعيش في حالة تامل فيهو تعرفوا بالجد الزول السمح عينك ما بتشبع منو تعرفوا الزول في بدات حياتو بكون عوير مركز في الصورةزي المصورتي تقعد فيها شمال ويمين المهم بيبقي الشكل الخارجي الفاتن دا قصتك كان بتعرف ولا عندك فكرة ولو مبسطة عن الجمال ما ضاعت السنين في قصة ديك جميلة وطويلة ودي حلوة ورقاصة وديك شعر وقعر وبت ناس فلان جميلة اللي قاتلنا فيها خفة روح تخلي الشيوخ يجروا وراها المهم بعد المرحلة دي اها كيف انت يا هالك تستمع بالجمال وتكون منبهرة بالشيء الاهم هو أنوثة الزولة الجميلة ومن هنا تنطلق في خط سير محصن بعين فاحصة و أنها أنثي جميلة بتعرف كيف تعرض هذا الجمال في الجميلات و تشوف الزولة الجميلة دي كيف هي بتحتفي بجمالا دا وكان طلعت مع المتواضعات في الفكر والتجربة سوف تعاني كثيرا في تعليم الجميلة كيف تكون أنتي ما تعبت وصلت درجة من الشرح والتعليم بقيت بس جني اكرر وبدايت من الالوان وبعدهاكيفية الحديث وكمان الرقص كان في الحفلات الاجتماعية ولا الخاصة أو الخاص جدا من التانجو الي الروك القديم الي الهبوب هيبوب الي رفيص الركبه أن للجمال عظمة ربي لا تحرمني من رؤية الجمال ربينواصل
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة