عمر ابو عاقلة..حبابك يا صديقي كتر خيرك على المرور..
هل تصدق ، اكتب هذا الخيط والمطرة تهتف عندنا هنا في مدينة كالقري..مطرة سراية يا صديقي تطول الليل..! كائنات الرأسمال ، الدخلت امسودان مسخت علينا الدعاش..مرة اسم عطر ومرة اسم جبنة ومرة اسم شنو كده ما عارف..! ما شاء الله ذكراتك قوية ..عبير الأمكنة يا صاحب سرو باتع شديد..! العشب اليابس ، ياخي حتى الأشجار الميتة ، لم تطقها ريحة الدعاش والمطرة براهو بتخلق جو..! الأهم موية النقوع..تخت ليك قرعة والمطرة تنقط فيها..وتاني يوم تشرب..ياخي تحس انك داير تصارع الشجر ذاتو..زهو عجيب..! اهديك هذه اللمحة..واكيد ح تتذكر كتير..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة