|
Re: تراث البقارة .. روائع رقص المردوم، النقارة (Re: Biraima M Adam)
|
ول أبا كبر،
كتر خيرك علي الحضور .. كما عودتنا والله أوفيت في الشرح الدقيق .. هنا بعض ملاحظاتك .. وقد توقفت عندها .. بالذات أن هذا النوع من الرقص .. جديد .. والثاني هو الكم الهائل للراقصين في "نقعة" رقص واحدة .. وأنت أرجحت أن الجماعة تأثروا بمسألة التأصيل ..
Quote: المجموعة في فيديو المردوم ، هم اهلنا اولاد هيبان ..وهم في اقصى حدود المسيرية الزرق الغربانية..وهم اشرس المسيرية الزرق..ناس صعبين شديد..وكانوا اهلنا بيشكروهم وبيقول عليهم (عيال اب ضنب ، كن ده اوما ، داك ضرب)..يعني الدواس عندهم ساهل جدا ، لو واحد رفع عصايتو ساكت ، التاني بيخش شمال زي الترتيب..!! اولاد هيبيان ، فيهم اول عمدة متعلم في دار المسيرية الزرق ، وكان هو اخونا الأستاذ بشارة ، وكان معلم بالمدارس الإبتدائية في نواحي لقاوة..! التشكيلة بتاعة الرقصة جديدة ، واول مرة اشوف لي راقصين مردوم بهذا العدد الكبير.. |
.. من ناحية التجديد .. نعم البقارة يجددون في كل رقصاتهم .. قبل فترة شقيقي أرسل لي عن طهور أقامه لأبناءه .. ذكر لي رقصنا بقاري وحبشي .. قلت ترقصوا بقاري نعم .. لكن الحبشي لزومة شنوا؟ .. قال لي بقينا نرقصوا رقيص الحبش تقول قاعدين في أسمرا .. أستغربت وأنا هسي كلي أمل أن أجد كيف يوفق البقارة بين رقيصهم و رقص الحبش .. ولكن ليس مستغرب أنا أجد نفسي أتفاعل مع فيديوهات الحبش وأقارب أن أئتي بالرقصة كما يفعلها أصحابها ..
زمان كان لدينا عدة رقصات في المردوم .. واحدة أسمها "الكرفاية" وهى أن توازن في ضرب الأرض بكلتي رجليك .. وهناك "الكوري" .. في شكل دائرة وتكون البنات في النص .. وهناك "الرديف" .. أشبه الكرنق ونعتمد فيهو علي رجل واحدة كمركز للقوة .. وهناك رقصات أخري للمردوم .. وأظن التجديد يعيد حيوية الرقصة .. والله أنبهجت جداً بالقوة التي يهبط بها الشباب علي الأرض .. ولو لاحظت في أخر الفيديو يظهر ثلاثة أطفال بالزي الأسود .. لاحظ الجماعة ماشين مع الرتم بتاع الرقصة بصورة جيدة مثل الناس الكبار .. دا دليل أن الرقصة أخذت زمن في المنطقة.
والتحية لأهلنا أولاد هيبان .. زمان حيكت ليكم قصة أنى أشتريت بقر منهم وهرب البقر إلي ديارهم .. وذهبنا لهم وقضينا مع شقيقي حوالي أسبوعين قبل أن نجمع كل البهائم ونعد سالمين .. في تلك المدة والله غمرنا أهلنا أولاد هيبان .. لا أقول ليك ضيافة .. الضيافة شيئ طبيعي لدي البقارة (علماً حينما قمنا جرياً وراء البهائم في ليل بهيم كان في جيبي 25 قرش .. طلب فول ما بتجيبه .. قضين أسبوعين ورجعنا وال 25 قرش في جيبي ..والله) .. لكن الأهم الضيافة الأجتماعية .. الونسات حتى منتصف الليل مع الكبار والصغار .. والله يا ول أبا كبر تحس أنك ما عايز تغادرهم أبداً .. في ليلة من تلك الليالي أقاموا لنا رقص المردوم .. وطبعاً أنا راقص مردوم فنان في الزمن الذي سبق ذلك الوقت .. وتوقفت بسبب الجامعة .. لكن الجماعة جابوا لي كشاكيش .. وقالوا لي الأستاذ لازم ترقص المردوم .. أنت بقاري كيف لو لم تعرف ترقص المردوم .. وهم ما عارفين أنا أجيد الرقص .. رقصت معهم حتى أنتصف الليل .. والشبال رقد فوقي رج .. وأنا راجع محل منزلتي الروائح العطرة من (التربلول) .. العطور التي يضعنها فتيات البقارة علي شعرهن تعطر المكان .. أنا خليت شقيقي نايم، وحينما عدت أبق التربلول يعطر المكان .. شقيقي سألني .. يا زول هووي أعمل حسابك .. أنحنا غربا عند الناس ديل .. أنت مشيت وين؟ .. قلت له يا زول أستهدي بالله .. أنا برقص مع أهلنا المسيرية في المردوم .. طبعاً شقيقي برضو حكيت ليكم عنه .. لم يخرج من بئية الحوازمة أطلاقاً .. زول عاش وسط أهله .. فأصابته غربة رهيبة .. أما أنا "مدردر ديار" كنت مستمتع حتى الثمالة بالرحلة.
أهلنا البقارة جميلين في كل شيئ ..
سوف أعود ..
بريمة
|
|
|
|
|
|
|
العنوان |
الكاتب |
Date |
تراث البقارة .. روائع رقص المردوم، النقارة، والكاتم .. (فيديوهات) | Biraima M Adam | 08-26-17, 05:02 PM |
Re: تراث البقارة .. روائع رقص المردوم، النقارة | Biraima M Adam | 08-26-17, 05:20 PM |
Re: تراث البقارة .. روائع رقص المردوم، النقارة | Biraima M Adam | 08-26-17, 05:51 PM |
Re: تراث البقارة .. روائع رقص المردوم، النقارة | امتثال عبدالله | 08-26-17, 06:05 PM |
Re: تراث البقارة .. روائع رقص المردوم، النقارة | امتثال عبدالله | 08-26-17, 06:06 PM |
Re: تراث البقارة .. روائع رقص المردوم، النقارة | Kabar | 08-26-17, 08:14 PM |
Re: تراث البقارة .. روائع رقص المردوم، النقارة | Kabar | 08-26-17, 08:15 PM |
Re: تراث البقارة .. روائع رقص المردوم، النقارة | امتثال عبدالله | 08-26-17, 10:26 PM |
Re: تراث البقارة .. روائع رقص المردوم، النقارة | Biraima M Adam | 08-27-17, 04:16 PM |
Re: تراث البقارة .. روائع رقص المردوم، النقارة | علي عبدالوهاب عثمان | 08-27-17, 04:32 PM |
Re: تراث البقارة .. روائع رقص المردوم، النقارة | Biraima M Adam | 08-27-17, 04:59 PM |
Re: تراث البقارة .. روائع رقص المردوم، النقارة | Biraima M Adam | 08-27-17, 05:19 PM |
Re: تراث البقارة .. روائع رقص المردوم، النقارة | Biraima M Adam | 08-27-17, 05:32 PM |
Re: تراث البقارة .. روائع رقص المردوم، النقارة | Biraima M Adam | 08-27-17, 06:08 PM |
Re: تراث البقارة .. روائع رقص المردوم، النقارة | علي عبدالوهاب عثمان | 08-27-17, 06:21 PM |
Re: تراث البقارة .. روائع رقص المردوم، النقارة | Biraima M Adam | 08-27-17, 06:22 PM |
Re: تراث البقارة .. روائع رقص المردوم، النقارة | سيف اليزل سعد عمر | 08-27-17, 06:35 PM |
Re: تراث البقارة .. روائع رقص المردوم، النقارة | Hamid Elsawi | 08-27-17, 08:08 PM |
Re: تراث البقارة .. روائع رقص المردوم، النقارة | Biraima M Adam | 08-27-17, 07:48 PM |
Re: تراث البقارة .. روائع رقص المردوم، النقارة | Biraima M Adam | 08-27-17, 07:57 PM |
Re: تراث البقارة .. روائع رقص المردوم، النقارة | Biraima M Adam | 08-27-17, 08:14 PM |
Re: تراث البقارة .. روائع رقص المردوم، النقارة | Kabar | 08-28-17, 07:54 AM |
Re: تراث البقارة .. روائع رقص المردوم، النقارة | Kabar | 08-28-17, 07:56 AM |
Re: تراث البقارة .. روائع رقص المردوم، النقارة | Kabar | 08-28-17, 08:00 AM |
Re: تراث البقارة .. روائع رقص المردوم، النقارة | Kabar | 08-28-17, 08:05 AM |
Re: تراث البقارة .. روائع رقص المردوم، النقارة | Kabar | 08-28-17, 08:08 AM |
Re: تراث البقارة .. روائع رقص المردوم، النقارة | Kabar | 08-28-17, 08:22 AM |
Re: تراث البقارة .. روائع رقص المردوم، النقارة | Kabar | 08-28-17, 08:27 AM |
Re: تراث البقارة .. روائع رقص المردوم، النقارة | علي عبدالوهاب عثمان | 08-28-17, 08:36 AM |
Re: تراث البقارة .. روائع رقص المردوم، النقارة | امتثال عبدالله | 08-28-17, 08:26 AM |
Re: تراث البقارة .. روائع رقص المردوم، النقارة | فتحي عباس نقد | 08-28-17, 08:53 AM |
Re: تراث البقارة .. روائع رقص المردوم، النقارة | Kabar | 08-28-17, 09:56 AM |
Re: تراث البقارة .. روائع رقص المردوم، النقارة | Kabar | 08-28-17, 10:19 AM |
Re: تراث البقارة .. روائع رقص المردوم، النقارة | Biraima M Adam | 08-28-17, 11:18 AM |
Re: تراث البقارة .. روائع رقص المردوم، النقارة | Biraima M Adam | 08-28-17, 10:43 PM |
Re: تراث البقارة .. روائع رقص المردوم، النقارة | Biraima M Adam | 09-10-17, 11:48 PM |
Re: تراث البقارة .. روائع رقص المردوم، النقارة | Deng | 09-11-17, 05:10 AM |
Re: تراث البقارة .. روائع رقص المردوم، النقارة | Kabar | 09-11-17, 05:47 AM |
Re: تراث البقارة .. روائع رقص المردوم، النقارة | علي عبدالوهاب عثمان | 09-11-17, 06:55 AM |
|
|
|