في المقابل..اهو هنا ناس بريمة يا السنوسي ، من غير شيوعية واتحاديين وناس الدين القاديننا بيها الكيزان ، ومن عجب انت برضك جاي.. Appealing to religious sect ولا شنو كده ما عارف..!!
اهو يا السنوسي ، من غير شيوعية وختمية وشنو كده ما عارف..ليه نموذج الغنا بتاع ناس بريمة فرض روحو على مشهد (هنا امدرمان) وعادي ممكن يفرض روحو على المشهد الدولي..!!
الكلام ده يا السنوسي..عشان نعرف ونفهم انو الشيوعية واليسارية والتجاوز الإنساني الخلاق ليس حكرا على منظومات بعينها..من ضمنها الحزب الشيوعي السوداني ووهم اللبيرالية بتاع الإتحاديين الذين يرددونه كشعارات دون ان يفمهموا قيمتها الحقيقية..!!
المثقف يا صديقي ، من الجنوب ، بتاع ناس بريمة ، عارف روحو بيسوي في شنو وما شي علي وين ، ومش محتاج براءة من يسار ولا شيوعيين ولا ختمية ولا اتحادي ديموقراطي ولا كيزان ولا حزب امة..ده كلو عشان سؤال ليه مثقفي البقارة ، يصنفون جزافا بانهم اقرب لنظام الجبهة الإسلامية الحاكم اليوم في امسودان او بالعدم ناس حزب امة..ياخي ديل سكة براها..ولا نخبة امسودان مستغربة كيف ناس تجي تشق طريقها الثالث المخالف لكل التوقعات..؟..
لماذا نعاير ونقايس ، نحن ناس الجنوب ، يا السنوسي يا صديقي ..بتعليبات الصوالين الجاهزة ، تحديدا تعليبات هنا ام درمان؟..
نعم سنقف ضد الحرب ، ونحن تيار فيه اطياف ، بعض ينشد وقف الحرب حمية الدفاع عن الوجود العربي في غرب السودان ، وبعض يقف ضد الحرب بحمية الإنسانية التي تسأل لماذا تدمر اقاليم غرب السودان بفعل الحرب..وبعض يقف ضد الحرب من باب فقه تقية ساكت لأجندة تخصه..وكلهم يقفون في خندق ضرورة وقف الحرب وبأي ثمن كان..!!..هل ده كلام ممكن يقوله اليسار السوداني العريض ، بمن فيهم ناس الحزب الشيوعي السوداني او الإتحادي الديموقراطي ، وكليهما يقتات من فتات سلطة الجبهة الإسلامية الحاكمة الآن في السودان..؟؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة