هو عليك الله يا جني الناس جات لقت خط سكة حديد كتشنر بدل ما تفهم أهميته قامت حطمته، الدول المحترمة حتى المواصلات الداخلية عندها قطارات قبل أسبوعين كنت بشاهد في قطارات يونيون باسيفيك العريقة وهالني قدراتها قطارات يا جني سرعاتها تفوق المية كيلومتر في الساعة، الواحد عندو أربعة راس قدام
قطارات الواحد يجر أكتر من مية عربية وكل واحدة اتنين كونتينر بطول أمريكا وعرضها عشان المواطن يصحى الصباح يلاقي الفاصوليا بتاعة كينيا والزهور من هولندا والشيكولاتا والزبدة من سويسرا وبلجيكا وشاشات بلازما من كوريا، بنفس أسعارها للسنة الفاتت أو زيادة شوية
إذا (القطر) البسيط وساهل دا ما قدروا عليهو ولا عرفوا أهميته هل ممكن عقولهم تتحمل ميناء بحري بكل تعقيداته؟
بعدين هو الخرب البلد شنو غير حملة الشهادات أصحاب العقول الخاوية ديل؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة