|
Re: أما عن الإختطاف : (Re: Munir)
|
صديقي العزيز منير. سلام كثير ياخي. طولت ما سمعت. ضحكتك العميقة في الهاتف. وصلتني هذه الرسالة المضحكة. عبر ال WhatsApp. ضحك في زمن الاختطاف. غايتو انا ضحكت لمن انحني ظهري الي الخلف . تعرف بيني و بين الضحك شعرة.
*** **** *****
الرسالة الواتسابية :-
امس كنت ماشي في شارع بيتنا حوالي الساعة عشرة ونص مساءا ظهرت لي مزة حلوة حلا وقفت قدامي وسلمت علي وقالت انت من الحلة دي قلت ليها اااي قالت لي بتعرف بيت نااااس سماح عثمان قلت ليها اااي قالت لي ممكن توصف لي وقمت وصفت ليها بس هي ما عرفت الوصف كويس .... وقالت لي ممكن تركب معاي توديني بيت سمااااح ... بقيت اتمتم واقول ليها ممممكممممممكن عايز اركب بس اتذكرت الاختتطاف وقفلت الباب وقلت ليها احسن اوصف ليكي ساااااي هسي اخوووووكي يشوفني راكب معااااكي يعمل لي سين وجيم ..... وبقت تضحك بصوت عاااالي وقالت لي اخواني كلهم برة السودان..... قالت لي اكيد خايف من الخطف....... قلت ليها عليك نور....... فكت ضحكة اقوي من الاولي..... وقالت لي انا شبه خاطفة..... قلت ليها لو بتخطفيني لي نفسك ما مشكلة اخطفيني ساي..... بس خطف وقطيع ما معانا.... وركبت معاها وهي بتضحك سااااي.... وقالت لي دقست يافارة......وتضحك هي وانا بقول ليها عليك الله ماتهظري اعصابي بايظة والله اتلب فيكي هسي اخنقك وفجأة مسكتا خنقتها ليكم شبكني ليك فك فك ي حيوان كان أفتح عيوني أشوف ليك الحافله كلو ماسك فيني فك الزول اتاريهو انا نومتا في الموصلات صباح السعاده #مستهبل.
،،،،،،
عزالدين عباس الفحل ابوظبي
|
|
|
|
|
|
|
العنوان |
الكاتب |
Date |
أما عن الإختطاف : | Munir | 07-19-17, 05:11 PM |
Re: أما عن الإختطاف : | محمد نور عودو | 07-19-17, 05:56 PM |
Re: أما عن الإختطاف : | كمال عباس | 07-19-17, 09:52 PM |
Re: أما عن الإختطاف : | Hafiz Bashir | 07-19-17, 11:43 PM |
Re: أما عن الإختطاف : | Munir | 07-20-17, 11:54 AM |
Re: أما عن الإختطاف : | Munir | 07-20-17, 11:36 AM |
Re: أما عن الإختطاف : | Munir | 07-20-17, 11:19 AM |
Re: أما عن الإختطاف : | محمد مجيدو | 07-20-17, 11:31 AM |
Re: أما عن الإختطاف : | احمد الشيخ | 07-20-17, 11:39 AM |
Re: أما عن الإختطاف : | Munir | 07-24-17, 11:31 AM |
Re: أما عن الإختطاف : | Munir | 07-20-17, 04:42 PM |
Re: أما عن الإختطاف : | عزالدين عباس الفحل | 07-20-17, 08:30 PM |
|
|
|