|
Re: الاختفاءات الغامضة في السودان خطر يهدد حي (Re: محمد نور عودو)
|
هذه الرسالة وصلتني توا . في ال WhatsApp
****
هام...... هام..... هام مساء الخير ،،، معليش بس لازم تقري محتوى البوست ده مهم شديد ،، زي ما عارفين اليومين ديل في ظواهر اجراميه ظهرت في العاصمه وللان ماف زول قدر يعرف هويتهم يعني هل هم جماعه مدعومه ولا افراد منفصلين ده ما مهم طالما ماف حاجه ثبتت بس بالجد الوضع بقى خطير شديد بالذات الايام دي الوضع ممكن يصل لي (تهديد الوضع الأمني للبلد) لانو حركة الافراد ديل ما طبيعيه ،،بدت بالبنت القطعوها في جبره ،والعريس اللقو بطنو فاضيه ،،والنسوان الهاجموهم بالسواطير وصاحب السوبر ماركت ال برضو هاجموهو وهو في حالة غيبوبه الان ، وغيرها من الحوادث يلا من المتوقع انو يزيد نشاطهم لانو بدو يتكشفو وفي الاغلب هي تجارة اعضاء لانو الضحايا معظمهم بكون في اعضاء مفقوده فيهم ، يلا عشان م اطول عليكم ،،علييييكم الله كل وحده سواء ام او اخت او صحبة تنبه اكبر عدد من الناس البتعرفهم وكل ام تنتبه على اولادها وما يطلعو براهم وتتطمن عليهم لمن يطلعو المدرسه ولمن يرجعو وياريت كل أم تحرص على انو تجيب ولدها او بنتها بنفسها لان. ماف ضمان والله الزمن بقى كعب شديد بقينا عايشين في غابة وسط ناس ما عندها رحمه وما تخلو اولادكم يطلعو براهم يعني اللعب في الشارع وجمب الباب زي زمان ما بنفع احرصو انو يكونو قدام عيونكم طول الوقت وما ترسلوهم براهم لأي شي وبالنسبه ل بنات الجامعه عليك الله وعليك الله وعليك الله خلي بالك من نفسك ما تتطلعي بعد المغرب واحرصي انك تكوني في البيت قبل المغرب وما تركبي هايس خاااالص حتى لو فيها ناس ولا ركشه ولا امجاد بس الحافلات الكبيره دي بس والبسي لبس طويل وواسع الناس نفوسا بقت كعبه حافظي على سلامة نفسك ولو عندك اخوان صغار انتبهي ليهم طوالي وكوني معاهم ما تخليهم يغفلو منك وكمان علييكم الله الاولاد الشباب كل اسره فيها اولاد شباب عاادي ممكن يجو متأخرين نبهووهم وحذروهم لانو خطر الحاجه دي زمان المجرمين بخطفو الاطفال بس لكن اسه بقى ماف حتى الشاب والراجل الكبير والمره الكبيره والبت وكلو عشان مسلحين وبكونو مجموعه ما واحد بالجد الزمن بقى كعب ،لي كل وحده في القروب نبهي ولدك او اخوك او خالك او اي ولد ليك بيهو صلة قرابه عشان يحافظ على حياتو يرجع البيت بدري والله موقف حصل لي صاحب اخوي راجع امبارح من لمة اصحاب الساعه 12 بالليل وماشي على البيت بي رجلينو وقفت هايس فيها اربعه راكبين قالو ليهو اركب نوصلك بس رفع رجلو الاولى داير يدخل راسو انتبه انو في زول جوه سوري زي المكتف طوالي جرا نزلو اتنين جرو وراهو بس انقذوهو بتاعين الدكان النايمين بره لمن قامو ديلك جرو مشو على الهايس ركبو وجرو،،، وفي مره مفقوده في ابو ادم ربنا يردها ي رب طولت عليكم بس بالجد الموضوع خطر خلو بالكم ونبهو بناتكم واولادكم واخوانكم واخواتكم واي زول بتعرفوهو ربنا يرفع البلاء مننا يا رب ويحفظنا ويغطينا ساعدوني بالنشر. ** انتهت الرسالة.
**** اللهم احفظ السودان . و أهل السودان من كل شر.
عزالدين عباس الفحل ابوظبي
|
|
|
|
|
|
|
العنوان |
الكاتب |
Date |
الاختفاءات الغامضة في السودان خطر يهدد حياة المواطنين. | محمد نور عودو | 07-14-17, 06:56 PM |
Re: الاختفاءات الغامضة في السودان خطر يهدد حي | محمد نور عودو | 07-14-17, 07:05 PM |
Re: الاختفاءات الغامضة في السودان خطر يهدد حي | عزالدين عباس الفحل | 07-14-17, 07:52 PM |
Re: الاختفاءات الغامضة في السودان خطر يهدد حي | محمد المرتضى حامد | 07-14-17, 08:04 PM |
Re: الاختفاءات الغامضة في السودان خطر يهدد حي | usama Babiker | 07-14-17, 09:30 PM |
Re: الاختفاءات الغامضة في السودان خطر يهدد حي | البرنس ود عطبرة | 07-15-17, 07:22 AM |
Re: الاختفاءات الغامضة في السودان خطر يهدد حي | محمد نور عودو | 07-17-17, 08:51 AM |
Re: الاختفاءات الغامضة في السودان خطر يهدد حي | محمد نور عودو | 07-18-17, 06:58 PM |
Re: الاختفاءات الغامضة في السودان خطر يهدد حي | محمد نور عودو | 07-19-17, 07:19 PM |
Re: الاختفاءات الغامضة في السودان خطر يهدد حي | محمد بشير عبادى | 07-19-17, 07:43 PM |
Re: الاختفاءات الغامضة في السودان خطر يهدد حي | محمد نور عودو | 07-20-17, 07:17 PM |
Re: الاختفاءات الغامضة في السودان خطر يهدد حي | محمد نور عودو | 07-21-17, 07:35 PM |
Re: الاختفاءات الغامضة في السودان خطر يهدد حي | ترهاقا | 07-21-17, 09:25 PM |
|
|
|