|
|
 Re: في حضرتك دكتور محمد ود بادي نشعر بالشعر وي (Re: الأمين عبد الرحمن عيسى)
|
الامين عبد الرحمن
اولا شكرا على انزالك لهذا الفيديو التحفة...اللقاء مع الشاعر ود بادي..
كنا دائما نلوم المسنوحة بسمات لانها كل يوم بتفتح لينا من اليوتوب قصائد
ود بادي وحتى حفظنا بعضها عن ظهر قلب..ولكن بعد مشاهدة هذا الفيديو
عرفنا ان لديها الف حق في الاستماع للشاعر المرهف والمبدع والرائع ود بادي
كل يوم وكل لحظة...فطريقة القاءه للقصيدة مبهرة وجاذبة. ..اضافة الى ان التعمق
في كلمات القصيدة سواء كانت حلمنتيشية او غير حلمنتيشية تجعلك تعشق السودان
وطبيعة السودان وجمال السودان وروعة السودان...
فشكرا لك يا ود بادي فانت تزرع الفرح وتزرع الحنين وتزرع البسمة والضحكة في نفوسنا
بس انا مستغربة كيف حكومة السودان تخلي واحد زي ود بادي يهاجر للبحث عن لقمة العيش
في دول الخليج...!!!! شاعر لا تمل من الاستماع اليه الف مرة في اليوم...
تصدق يا الامين من امس وحتى اليوم شاهدنا هذا الفيديو واستمعنا لروائعه اكثر من عشرة مرات
دون ملل وكلل....وعرفنا كيف ان بسمات كانت مرهفة الحس وتعشق حياة البداوة والريف وتعشق
وصف اهل الريف وهي تستمع وتستمتع يوميا بقصائد الشاعر الرائع ود بادي...
واول مرة اعرف ان الشاعر ود بادي في الاصل طبيب....وكمان اول مرة اعرف ان جامعة الخرطوم
كان بسموها الجميلة ومستحيلة... وصف جميل وبديع...يا ربي لهسع بسموها الجميلة ومستحيلة..
ومن هنا ايضا نود ان نزجي التحية والاعجاب بمقدمي البرنامج التجاني وشهد
وقد كانا رائعين في استضافة ود بادي ..وكانا حاضري البدبهة... واسئلتهما وتعليقهما
على روائع ود بادي كانت ذكية جدا وبديعة وغاية في الروعة...فشكرا لهما...
والله سودانا فيه كنوز وكنوز وروائع في كافة المجالات....
مع وافر الاحترام والتقدير والامتنان..
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست