عن مديح الشاب مأمون سوار الذهب

Quote: اسي مامون دا قدركم ولا لحم سدركم !!! عشرة عشرين سنة تمشوا تخلوهو يغني بطريقة زمنكم .. يلقى جيلوا مشى حتات تانية في اساليب الغنا .. خلو الولد يغني لجيلو .. بى اسلوب زمنم .. بطلوا سوار الضهب الحايطنو بيهو دا .. الولد بضهب والله .. .................... يا نوستالجيين .. يا ذهبيين إنتو .. قال متنبؤكم :- يجيؤكم آخر الزمان صوت مامون على حنينكم ضنين على عاطفته ومود زمنه .. فهل تقدرون ان تصنعوا له حبيبة بتفاصيل الحقيبة !!؟ او بطعم زمانكم وملامحه !!؟ بطلوا تدوير الحقب دا .. مدورين لينا الحقيبة مية سنة .. من حق العسكرة تدور فينا 61 سنة الا فواصل قصيرة وتعود .. هي والحقيبة وفلاح .. و لا اخفيكم سرا "قدور" ما نحن بنعيد انتاج الحقب وبنتمرا ونرصها تاني !! ما حتتجرأ اجيالنا على الإتيان بفعل فني عصري وجديد !! لاننا نمارس السمع الطروبي من حيث طروبيته مقروءا مع ما هو موجود في وجداننا وذاكرتنا الجمالية .. ونتحفز وننظر بتحفظ ونعمل قياساتنا على انتاج الاجيال الجديدة .. ونجرهم جرا الى خدمة أهواء امزجتنا . نحن نحتاج لقوالب فنية وثقافية ونظريات ومدارس وتعريفات سودانية تحمل تصنيفا واضحا ومعايير قابلة للقياس والتطبيق لانتاجنا الثقافي بكل اشكاله واجياله ... كأن نستوعب ونؤطر ونعيد التفكير في اجتهادات نخبنا التي سبقتنا والتي يحمدون عليها .. مثل السودانوية .. الغابة والصحراء .. الواحد ... الحقيبة ..اغنية ام درمان .. وربطها بانتاج الاجيال وهذا ما عنيته في هذا المنشور ، فما معنى ان يأتي شابا في العام 2017 ليتبنى خط اعمال فنية أنتجت في ثلاثينات القرن الماضي بل وينغمس بكل عاطفته فيها .. الى متى ستستمر الدائرة !! ونستمرأ الجاهز من المنتجات ذات اللمعة الذهبية .. ونشجع المبدعين على الاتكاء تحت ظلال التاريخ .. يا ولدي يا مامون واخوانه .. كونوا نجوما لزمانكم فانكم خلقتم لزمان غير زماننا .. ملحوظة ..كلامي يشمل اسلوب الغناء والتطريب والقالب اللحني والمووود الفني ..