|
Re: هل الشعب السوداني شعب حاســد (زهير الســر (Re: عبدالعظيم عثمان)
|
مدخل جديد: الإختلاف الطبقي والتفاوت الكبير بين الناس أزاح الستار عن بعض الأمراض الإجتماعية وبدأت تتبدي بوضوح , في السابق كان المستوي المعيشي للسودانين يكاد يكون متقارب ولا يوجد هذا التفاوت الكبير , حتي أن الترطيبه لم تكن هدفا , بل كان الكثيرين يخافون منها , حيث (ولد الراحات )في المجتمع السوداني هو الولد المرخرخ غير المسؤول ( ولدوه وفي خشمه معلقة دهب) أتوقع دا مثل مصري إستلفه السودانيون وأسقطوه علي ثقافتهم الشعبيه , عشان كدا لفظ (ود الراحات ) إقترب أن يصبح مسبه أو منقصه ... مع صعوبة الحياة وضغوط المعيشة لم تصمد الشخصية السودانية في مواجهة هذه المتغيرات الصعبة , فهي شخصية إعتادت علي الدعة وسهولة العيش وفي أمثالنا نتحسر علي زمن مضي ونقول زمان ( زول واحد شغال وشايل البيت كله) وهسي البيت كله شغال وما قادرين يأكلوا ... في هذا المثل إحتفاء بالإتكاليه وتكريس للأنانية وإتكال البيت كله علي زوول واحد .. مع تغيير الوضع صعب الأمر علي الشخصية السودانيه
|
|
|
|
|
|