هي هكذا ، الدنيا بت اللذينا..ما تلقى غير كتف تتكئ عليهو وتنزف لحد الجوعارة..!! وانا بستقبل رمضان 1438..يا يحي.. مال لي غير ذكريات..ياخي حصل انك تسمع حوار مع ديمتري نيكولا ..ديمتري البازار الواحد ده..!!! وحكوة عبد الله الماحي ، اول من سجل اسطوانة..لمن ناس سرور زاغوا بالدو..!! كان يوم جميل يا يحي..بالجد جميل.. الجو فيهو النسيم العليل..والله صحي..!! هل تصدق لاقيت معاوية المدير..اي والله العريبي معاوية المدير..!! لمن غبيت ودقست..معاوية.. وراني صورة في تلفونو الذكي..صورة فاطنة وشهد (فاطنة بت معاوية وشهد بت كبر ولا منو كده ما عارف)..وصاحبنا بيحاول يدفر المدعو كبر عشان يشوف الصورة ويمشي يعمل زيها..!! رمضان السنة دي يايحي..وانا والعريبي معاوية المدير بنبكي السنين..بنحزن على عمرنا المهدر..وبنستقبل زمن الحقيقة.. بنيات زي الورد بيتخرجنا..!! اللعين معاوية عمل حاجة كنت بفكر فيها لحظات ولحظات..اتنازل من تذكرة الدخول في شان ضيوف اكتر من اجل فاطنة السمحة...!! في استقبال رمضان ، بتاع السنة دي يا يحي..كنا ، انا وصاحبي معاوية المدير..بنقدم للعالم البنيات شهد وفاطنة..غايتو معاوية ما عارف شعورو شنو..لكن انا انهزمت يا رجالة..!! وكل الصور لميتها وانا بفكر اهديها لصديقة المنبر دوما.. ياخي دوما دي دايرها تشوف صور الآنسة شروق كبر (شروق جنجويد) لأنو دوما اول من بشر بحضور شروق في هذا المنبر..!!! في استقبال رمضان ، يا ول ابا ، الزول الأصيل..زعلان يا يحي..زعلان..الفاتح ميرغني دقس لمن قدم للناس شادن محمد حسين (البيقول صديقنا عضو المنبر المجمر انو اول مرة يسمع بيها) ..وفوتناها للفاتح..من باب عنصرية غرابة ساكت..والله صحي..!! لكن ابت تنبلع لي يا يحي..حكاية صديقنا الشاعر الجميل عبد المنعم سيد احمد.. اشمعنا نحن كل ما نجيب سيرة غنا جمهورية مالي بنذكر صاحبنا الخلوق ثروت قاسم (عارف يايحي ندمت على حضور فعالية الجمهوريين في كالقري في يوم السبت الفات..لأني شفت فيها صورة النور حمد وثروت قاسم.. وثروت خطانا في خانة عيال الحرام الما منهم رجا..ياخي لم يسأل مننا ساكت.. ويا شماتة بيت الأشباح فينا يااااااااااااااااااااااخ..نلقاها من منو ولا منو يا عم..!!..واحمودي فرحان بانو واحدة بتغني (الزهور والوردي)..!!! وانا فرحان بديمتري بيحكي ويحكي..وان شاء اهاا شعوب امسودان ما تفهم ياعم..هم فارغين من ارسال المساكين كمرتزقة لحروب اليمن السعيد..يمن عبد الفتاح اسماعين ومنو كده ما عارف...!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست