الكوليرا تفتك بأهلنا.. وتحتاج حملة عالمية للتصدي لها..

Quote: #في_شأن_الكوليرا الكلام الجاي دا مهم .. ومعمول بحب من ورشه علميه صغيرة عملتها لينا دكتورة لطيفه متخصصه في ال infection controls :-) 1/ لو في زول في البيت عندنا عندو اسهال مائي لمدة اكتر من 24 ساعه .. نعمل ليهو عزل .. يعني ملعقتو وصحنو وكبايتو براهو .. هدومو تتغسل براها في مويه فيها كلوركس .. الزول البيتعامل معاهو يكون لابس " جونتات" .. ويغسل يدينو قبل ما يدخل وبعد ما يدخل بالمويه والصابون .. من حسن الحظ انو انتقال المرض ما بالطريق المباشر .. لكن عن طريق سوائل الجسم او ادوات المريض .. الحته دي مهمه جدا نعرفها :-) 2/ المويه بتاعت الشراب عموما في السودان يا جماعه الافضل نعقمها قبل ما نشرب منها .. التعقيم ما عندو علاقه بتركيب " فلتر" طيب ؟ ممكن نعقم في البيت عادي لانو مويه الصحه مكلفه ماديا .. والتعقيم البيتي عندو طرقتين وساهلات ورخيصات واي زول ممكن يعملهم : #الاولى نسخن المويه في النار لحدي الغليان .. بعدين نصفيها بي قطعه قماش نضيفه .. ونختها في حاجه عندها غطا وتتقفل .. دي تكون مويه الشراب والطبخ :-) #الثانيه كل لترين بتاعت مويه .. ننقط فيهم نقطتين بتاعت كلوركس " الكلوركس الواحد دا ما بيعمل اي شي لو التزمت بالنسب دي" .. ونخليها مقفوله لمدة ساعتين بعدين نستعملها .. مع ملاحظه انو قعر المويه ما يتشرب .. بل يتكشح :-) مهم نحرص على انو المويه لو حاتتختا في برميل مثلا يكون عندو غطا ويغرف منو زول واحد مغسل يدينو بي مويه وصابون ويستعمل جك او كوز نضيف :-) 3/ علاج الكوليرا والاسهالات المائيه هو " اعادة الترويه" بس ! .. المريض لو حايموت فهو حايموت من الجفاف بس .. دور المضادات الحيويه محدود جدا .. والدراسات قالت انو نسبه الوفيات في الناس الاخدو مضادات حيويه او ما اخدو هو واحد ! .. ف ما نرهق نفسنا باستخدامها ساي .. الدكتور حايدي المريض دربات تعويضيه بالوريد .. وبعد كدا لو المريض ممكن ياخد بالفم عادي .. ممكن يمشي البيت وياخد محلول الترويه بالفم عادي .. في ظرف تلاته ايام بيكون استعاد صحتو ان شاء الله :-) 4/ مافي شي اسمو تطعيم ضد الكوليرا ! الا بالنسبه لي زول مسافر لي حته منتشر فيها الوباء .. لكن زول قاعد في حته الوباء دا ما عندو تطعيم .. ومافي زول يقول ليكم ابلعو مضادات حيويه والخ الخ دا كلام ما صحيح وما علمي وما منو اي فايدة .. بل بالعكس انت بتستهلك مضادات حيوية وبتربي في أشكال ميكروبات جديدة ! في نوع بتاع تطعيم اتعمل مخصوص لي " تاهيتي" .. اتعملت بيهو تجربه في الصين وفي السودان .. لكن فشلت فشلا ذريعا .. عشان كدا نشيل موضوع التطعيم دا من راسنا ووقايتنا المهمه غسيل اليدين بالمويه والصابون قبل وبعد اي شي :-) 5/غسيل اليدين بالمويه والصابون ...قبل الاكل وبعد الاكل .. قبل الطبخ وبعد الطبخ .. قبل الحمام وبعد الحمام .. قبل اي شي وبعد اي شي .. النقطه دي نفسي اكررها 60 مرة ورا بعض والله مهمه جدا جدا جدا جدا من هنا لي السنه الجايه جدا :-) وربنا يسلمكم ويعافيكم ان شاء الله وما تشوفو شر .. الشير بدون اذن :-) #شير