|
|
 Re: وصف لي (Re: درديري كباشي)
|
أولاد أم زقدة
حقيقة أنا لا أعرف تحديدا ما هي هذه الزقدة في لهجتنا المحلية .. لكن المصطلح بصورة عامة يطلق على المتنطع المدعي عندما يقع في شر أعماله . وعاجبني جدا لأنه هذا النوع من البشر فعلا يستحق مصطلح خاص به .
قبل عدة سنوات كنت واقف في اشارة في أحد تقطاعات الرياض .. نورت أخضر عبرت بعربيتي عادي .. وأنا لافي ناحية اليسار .
أتفاجأ بجهة اليمين سيارة هايلوكس تايوتا قديمة مرت مسرعة ضربت سيارتي وطيرت المرايا بعيدا ..
بعد ما فقت من الصدمة ركنت سيارتي على جمب .
قائدي السيارة البوكس وقفوا بعيدا على بعد أكثر من مائة متر نزلوا منها أكتشفت أنهم شباب سودانيين .. ثلاثة واثنين منهم يلبسون أبرول أزرق يبدو أنهم مكيكانيكية أو فنيين في مصنع ..
المهم .
أول ما شاهدت سحنتهم السودانية من باب الدم يحن تعاطفت معهم ..بيني وبين نفسي قررت أن اسامحهم . لأنه المرايا مهما كان ثمنها لن يتجاوز المائة ريال .. احتمال لو تحول الأ مر لشرطة مرور وخلافه ربما عندهم مشاكل أخرى تتطور وتورطهم في مشكلة أكبر.على الأقل لا تكون بسببي أنا .. تجيهم من غيرنا ,,,
لكن
هم أول ما نزلوا من عربيتهم . عملوا فيها (شفوت ).
جو ما شين الثلاثة في خط متوازي واياديهم مشتحة مثل أبطال الفلم الكاوبوي .. تنقصهم المسدسات بالجنب ..مع تلك المشية ذات الإيقاع معاها نقزة كدا .
👮💪👷💪👮
فهمت اللعبة . هم عايزين يجوا يرفعوا صوتهم ويتنهروا ( يا زول أنت ما بتشوف . ومالك سارح وين؟؟ .حركات السودان ديك . يعني يطلعوني أنا غلطان .. وبعدين يعملوا فيها سامحوني بعد ما يحنسوا بعض ) أكيد قالوا الزول أبو كرفته دا ندقسوا ويمكن نطلع منه بحاجة كمان.. . قلتوا كدا ؟؟؟؟.. طيب انا بأدبكم يا أولاد أم زقدة ..
دخلت يدي في جيبي طلعت الموبايل ( مع العلم أن جوالي ما فيه رصيد ) عملت كأني اتصل بالشرطة ..
📱📱📱📱
بالله اشوف لك الكاوبويات نزلوا يديهم ومن نص المسافة جو علي جارين جري .. واحد فيهم خطف التلفون من يدي .
يلا بدو هم يحنسوا فيني : يا أخونا ما فيها حاجة . والله بسيطة .
- طيب أنتو ما بتعرفوا تسوقوا ؟؟ بديت أنهرهم .
- لكن يا عمنا الراجل عصر علينا .
- عصر عليكم تضربوني أنا ؟؟؟
- ما قلنا أنت زولنا وكدا ...
يلا جيبو المرايا ديك وأمشوا .. تاني أعملوا حسابكم .
مشوا منكسرين نحو عربيتهم .
أولاد أم زقدة .ديل ولا ما أولاد ام زقدة ؟؟؟؟؟؟
😂😂😂😂😂😂
|
|
 
|
|
|
|
|
| العنوان |
الكاتب |
Date |
| وصف لي | درديري كباشي | 05-14-17, 08:46 AM |
| Re: وصف لي | درديري كباشي | 05-14-17, 08:47 AM |
| Re: وصف لي | درديري كباشي | 05-14-17, 02:30 PM |
| Re: وصف لي | وضاحة | 05-14-17, 03:01 PM |
| Re: وصف لي | يحي قباني | 05-14-17, 03:10 PM |
| Re: وصف لي | عبدالعظيم عثمان | 05-14-17, 03:21 PM |
| Re: وصف لي | وضاحة | 05-14-17, 03:21 PM |
 Re: وصف لي | وضاحة | 05-14-17, 03:27 PM |
| Re: وصف لي | درديري كباشي | 05-14-17, 03:23 PM |
| Re: وصف لي | درديري كباشي | 05-14-17, 03:29 PM |
| Re: وصف لي | درديري كباشي | 05-14-17, 03:36 PM |
| Re: وصف لي | Ahmed Yassin | 05-14-17, 04:15 PM |
| Re: وصف لي | يحي قباني | 05-14-17, 04:46 PM |
| Re: وصف لي | درديري كباشي | 05-14-17, 04:52 PM |
| Re: وصف لي | عمر أبوعاقلة | 05-14-17, 06:16 PM |
 Re: وصف لي | درديري كباشي | 05-15-17, 05:54 AM |
| Re: وصف لي | درديري كباشي | 05-15-17, 07:22 AM |
| Re: وصف لي | درديري كباشي | 05-15-17, 09:37 AM |
| Re: وصف لي | درديري كباشي | 05-15-17, 05:28 PM |
|
| |
فيس بوك
تويتر
انستقرام
يوتيوب
بنتيريست