كل الحب والتضامن مع اهلنا في بحر ابيض..الذين يعيشون في زمن الكوليرا..فنعجز نحن تن نكتب ولو خاطرة ساكت عن (الحب في زمن الكوليرا)..!! تحياتي للصديقات بنات ابا: اميرة السيد ، بسمات الشيخ..امتثال عبدالله.. يا امتثال ، لغاية حضور الصديقات الغائبات(الخلني في الصقيعة من غير يقولن لي نحن مشينا ياااااااااااااااااخ، تمشن على القمرة التعتر ليكن وتملاكن ضو بركة سيدي المهدي عليهو السلام...!!) ..لمحة من امسودان..لمحة صغنونة شديد..يعني نظام اثنوغرافيا صغيرة..!! الشباب ديل في حتة في امسودان اسمها الجزيرة ابا..!! السودانيين بيعرفوا الجزيرة ابا تاريخيا..لكن الجزيرة ابا بتاعة اليوم ، بتاعة التفاصيل التحت ..قليل من يعرف عنها.. (يا امتثال خليك قريب ، لأنك ح يهمك ما يقال من نقة تالية..!!).. اميرة ابوها انصاري..وح يفهم..زي ما بيفهم ول ابا كباشي الصافي عليه السلام..!! بسمات..ح تعرف حتة سمحة شديد من امسودان ، ما ح تلقاها في الكتب..!! انت يا امتثال (ذكريني حكاوينا عن اسم امتثال لمن كنا في الجامعة..ماتخافي..افت ليك اعمامك وعماتك زي الترتيب..لمن تدقي جرس وتقولي...نفسي الآقي الناس ديل..وهم عايشين يا امتثال..وحجابك تقولي في سرك: كبر تلات مرات..يفتحوا معاك لمن تقولي امسودان دي سرة الدنيا ياااااخ).. اخترت الحتة دي..الناس العادية في امسودان ، في الجزيرة ابا.. الناس يا الطيب البيعرفهم صاحبنا مناط الحديث..الأماكن الروح .. اللي لمن تزورها مرة بتبقى باقية معاك..وتتمنى تاني تزورها مرة.. نفس المكان ياالطيب ، الواقفين فيهو صحابنا ديل، ياما وقف فيهو صديقنا ايمانويل..ويا ما شكل ذكرى في جواهو ما بيقدر يفوتها ولو بي سنتمتر واحد..!! الله اكبر ولله الحمد..!! سيضحك ايمانويل لمن يقع على قفاهو..!! وسينبهت ول ابا الطيب رحمه قريمان..لمن يقول( يا سيدي المهدي الإمام تفزعنا يااااخ).. شرحو: الجزيرة ابا جاي منها الزول البيحكي عنو صديقنا الطيب.. ولو حبيبنا ود البشرى عرف الحقيقة..شوف عيني يدق راسو في الحيطة ويقول ليكم :دي كيف فاتت علي زي قون ميسي في وين كده ما عارف..!! (امتثال عبد الله.. تابعي ود البشرى..شفتي لو قال اخ تف..يعني بصق..شوفيهو باصق علي وين..الزول ده ود لذينا..وما اقل اولاد اللذنيا في هذا الزمن السوداني الوقــــــــح..!!..والله صحي..!!..اللمين البشاري مستهبل..لكن كن طار وكن ركا..ياهو برلومنا.. والغايظني فيهو..انو لسع فيهو باقي حرفنة عيال جامعة الخرطوم..مع انو بقاري من امطرق العراض..البعد ديار ناس كبر ولا شنو كده ماعارف..!!..شرحو يا امتثال: العيال ديل..اي حاجة يقولوها ما تاخديها على علاتها..احسبيها مليون مرة.. عشان تفهمي هم ماشين وين..!!..اطمنك..الإتنين كانوا وراي في الجامعة..ومعاهم عبد الواحد محمد نور..!!!..بس اخطي ابكر الطويل ، لأنو ده عايش في زمن مابيعرف تفاصيلو الإ كبر..وناس شوية كده..!!)..
المعايدة في الجزيرة ابا..!!
كل الحب لصاحبي وصديقي الحبوب الجميل ، عم ايمانويل (اينما كان وكيفما كان): من الجزيرة ابا..على حافة الجاسر (حتة مثقافتية امسودان ما بيعرفوها ، والغريبة انت بتعرفها يا حبوب..!!..)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست