فجر المشارق || مؤمن الغالي (توجد تراجي مصطفى)

Quote: الاخ عرفات تخيل شفت منو ؟!! الليلة الزمن وداني لفندق كورال ( الهيلتون سابقا ) قاعد في الاستقبال اشوف ليك تراجي نازلة ماشة على البوفيه.. سألت واحد من الموظفين : الاستاذة المناضلة ليها كم هنا ؟ قال لي :ايييييييييييييك قبل ما نخش في التفاصيل.. لو سألتني ليه انا سألت من الأسعار.. حاقول ليك لأنه الشغل المشيت عشانه بحتم علي اسأل من أسعار الاقامة الغرفة في كورال ب 1400 ( مليون و400 جنيه ) مع الغرفة بدوك وجبة الفطور بس.. باقى الوجبات عليك الوجبة ( اللهي بوفيه مفتوح ) ب 255 جنيه فتشت متين وصلت تراجي للسودان لقيته بتاريخ 18 ديسمبر 2015 😕 تعال نحسبها بورقة وقلم : اقامة فى غرفة لشهر : 1400×30= 42000 ( اتنين واربعين مليون ) لو بتاكل وجبة واحدة بعد الفطور : 255×30= 7650 ( سبعة مليون وستمية وخمسين جنيه ) تعال نجمعها : 4200+ 7650 = 49650 ( تسعة واربعين مليون وستمية وخمسين جنيه ) وطبعا في جاكوزي وشاي المغرب وكيكة العصر ورصيد خلى عنك وكوافير ونزلة مع الجو المتغير دا .. ودا كلو برا الحساب الفوق وبتدفع براه دى اقامة لشهر واحد.. فبراك احسب تكلفة اقامتها من ما جات كم احتمال بتدفع اقامتها من جيبها ؟ ندعو ونرجو ذلك احتمال بتدفع من جيب خاص لزول بر ؟ ندعو ونرجو ذلك لكن حتكون مصيبة لو بتدفع من ميزانية الدولة اللهي جيب المواطن وياربي في كم زول زي تراجي ما قاعد في بيته وقاعد في فندق من الفنادق أم عشرمية نجمة دى ؟!