|
Re: ***** بـيـــن قــــطـــــــــاريـــــــــ� (Re: الهادي الشغيل)
|
كثيرا ما يتم تكليفنا ونحن صبيان يافعين بالذهاب لمحطة القطار منذ العاشرة صباحا لحجز المقاعد اذا كان السفر عبر قطار المخصوص يوم الخميس والذي يبدأ نقطة انطلاقه من عطبرة حوالي الساعة الثامنة مساء. ما أجمل قطارنا بالأمس ( مشترك كريمة – المحلي – المخصوص - إكسبريس حلفا - السيوبر واكسبريس بورتسودان ) وما أجمل الطاقم العامل داخل وخارج القطار ناظر المحطة و المحولجي والعطشقي والكمساري وعامل الدريسة ، ما أجمل تلك الأيام حيث تكتظ شنط الحديد والصفيح وتتراكم عند مداخل الأبواب والممرات (المجوز) ، تتلاقى سحنات مختلفة من شتى القبائل داخل العربة الواحدة يجتمعون ويتآلفون ويأكلون ويشربون وكثير منهم تمتد بهم المعرفة إلى ما بعد السفر إلى أن تصبح معرفة دائمة وصداقة قد تصل إلى الزواج والمصاهرة ، تسمع وأنت داخل عربة القطار( اتفضلوا يا جماعة قراصة تمر من خالتكم الشايقية جايباها من القرير .... كدي النضوقكم تمر البركاوي ده من نخلنا في منطقة أبو هشيم .... اتفضلوا عليكم الله) ، ظلام وزحمة جميلة وعفوية مبالغة ، في منتصف الليل والقطار يتهادي تسمع شخص يزمجر بصوت عال ( عفصتني يا زول قطعت اصبعي ... ياخ انت قاعد في الدرب مالك ؟ يا زول ما تزح شوية راقد في الممر كده زي تمساح الدميرة ... يا جماعة راسنا دار يتفرطق المحطات الخلوية دي ما فيها سجاير ... زح لي يايا با النقعد جنبك ... تقعد وين انت ماك شايف والله إلا أكان تقعد في حجري ... يا زول انت وقت مغترب ما تركب نوم رادم لينا الممشى بشنطك الكتار ديل ولا عايز تبوبر فوقنا ...) هي يا جماعة نحن وصلنا وين ؟ دي الزيداب ولا العالياب ؟
|
|
|
|
|
|
|
العنوان |
الكاتب |
Date |
***** بـيـــن قــــطـــــــــاريــــــــــــن ***** | الهادي الشغيل | 04-18-17, 12:10 PM |
Re: ***** بـيـــن قــــطـــــــــاريـــــــــ� | الهادي الشغيل | 04-18-17, 12:11 PM |
Re: ***** بـيـــن قــــطـــــــــاريـــــــــ� | الهادي الشغيل | 04-18-17, 12:12 PM |
Re: ***** بـيـــن قــــطـــــــــاريـــــــــ� | الهادي الشغيل | 04-18-17, 12:16 PM |
Re: ***** بـيـــن قــــطـــــــــاريـــــــــ� | الهادي الشغيل | 04-18-17, 12:18 PM |
Re: ***** بـيـــن قــــطـــــــــاريـــــــــ� | الهادي الشغيل | 04-18-17, 12:18 PM |
Re: ***** بـيـــن قــــطـــــــــاريـــــــــ� | ANWAR SAYED IBRAHIM | 04-18-17, 12:25 PM |
Re: ***** بـيـــن قــــطـــــــــاريـــــــــ� | الهادي الشغيل | 04-18-17, 02:59 PM |
Re: ***** بـيـــن قــــطـــــــــاريـــــــــ� | علي عبدالوهاب عثمان | 04-18-17, 05:38 PM |
Re: ***** بـيـــن قــــطـــــــــاريـــــــــ� | ANWAR SAYED IBRAHIM | 04-19-17, 07:10 AM |
Re: ***** بـيـــن قــــطـــــــــاريـــــــــ� | الهادي الشغيل | 04-19-17, 11:07 AM |
Re: ***** بـيـــن قــــطـــــــــاريـــــــــ� | ANWAR SAYED IBRAHIM | 04-19-17, 01:08 PM |
Re: ***** بـيـــن قــــطـــــــــاريـــــــــ� | الهادي الشغيل | 04-20-17, 07:10 AM |
Re: ***** بـيـــن قــــطـــــــــاريـــــــــ� | الهادي الشغيل | 04-20-17, 12:16 PM |
Re: ***** بـيـــن قــــطـــــــــاريـــــــــ� | عمار عبدالله عبدالرحمن | 04-20-17, 12:27 PM |
Re: ***** بـيـــن قــــطـــــــــاريـــــــــ� | الهادي الشغيل | 04-20-17, 12:44 PM |
|
|
|