|
Re: فتوى ضد النوبة (Re: nour tawir)
|
هذا ليس اكتشاف الراكز خالد كودي هذه الفتوى لا زالت سارية والدليل الانتنوف الذي يقتل ولا يفرق بين طفل وكبير صغير حجر بشر بمسح وبكسح وما بجيبو حي.. الفتوى يحملها كل اسلاموي لقتل النوبة والقمز الانقسانوي والدارفوريين وكل اهل اليسار وكل من يقف في وجه مشروعهم التافه القاتل .. اذكر تم اعتقالنا في الدلنج وتم ترحيلنا الى كادوقلي شفنا الوجاءيع والهواءيل والمر ..ولكن اكثر ما اوجعني وسيظل اذكره في صحوي ومنامي ولن انساه ما حييت اتوا بي اتنين من ابناء جبال النوبة وعندما وجدونا تسالمنا وتقالدنا وضحكنا ولكن بعد لحظات تم فرزنا في زنزانات لن تسمح بتجمعنا وقبل ان يفرقونا واحد من اولاد الجبال لا زالت صورته مرتسمة في مخيلتي ودعنا بحرارة ومازحنا (انتوا يا جلابة بدوكم كم يوم وبفكوكم..بس نحن اشر على رقبته علامة الذبح). وفي منتصف الليل تم اقتيادهم ولم نر او نسمع عنهم وعندما تم ترحلينا الى كادوقلي لمدة شهر ومنها الى الخرطوم وجدت واحد من ناس الامن كان زول تحس بيه قرفان شغلو .سلم علي وسالتو على طول عن الشباب الاتنين والله والله فقعا بكية بصوت وقال لينا تم قتلهم ...صرخنا وهتفنا وكوركنا بحرقة وكان هتافنا مسموع لدرجة اربكت من هم في الوردية وبعدها تم تعذيبنا وكان حالنا صامدين ونهتف باسم الشباب الذين قتلوا بدم بارد .. آلام ومراءير ووجع صداه ليس على اخواننا في الجبال او في اي بقعة هامش صداه علينا جميعا .. عدونا واحد هؤلاء التافهون القتلة خلوا الهم واحد اوجاعكم اوجاعنا احلف لك بكل ما هو مقدس اعرف ومتواصل مع عدد كبير من السودانيين اسقطنا الجهة والجنس والجامع بيننا السودانيوية .. اعرف ما بداخلكم من آلام ولكن السبب واحد هم هؤلاء الارازل .. مودتي وتحيتي
|
|
|
|
|
|
|
العنوان |
الكاتب |
Date |
فتوى ضد النوبة | الطاهر كودى | 04-09-17, 02:20 PM |
Re: فتوى ضد النوبة | الطاهر كودى | 04-12-17, 05:06 PM |
Re: فتوى ضد النوبة | الطاهر كودى | 04-13-17, 02:56 PM |
Re: فتوى ضد النوبة | nour tawir | 04-13-17, 03:26 PM |
Re: فتوى ضد النوبة | الطاهر كودى | 04-13-17, 04:54 PM |
Re: فتوى ضد النوبة | nour tawir | 04-13-17, 11:10 PM |
Re: فتوى ضد النوبة | محمد كابيلا | 04-14-17, 08:21 AM |
Re: فتوى ضد النوبة | الطاهر كودى | 04-14-17, 02:40 PM |
Re: فتوى ضد النوبة | الطاهر كودى | 04-14-17, 02:35 PM |
Re: فتوى ضد النوبة | خالد حاكم | 04-15-17, 00:09 AM |
Re: فتوى ضد النوبة | الطاهر كودى | 04-15-17, 12:20 PM |
Re: فتوى ضد النوبة | nour tawir | 04-15-17, 01:27 PM |
Re: فتوى ضد النوبة | علي دفع الله | 04-15-17, 04:30 PM |
|
|
|