|
Re: كتابة الدكاترة (Re: عبدالحفيظ ابوسن)
|
السؤال ونحن في زمان شافع الابتدائي فيه شايل سمارت فون البخلينا نكتب باليد شنو ؟ ووين تاريخ المريض؟ هل يعقل الدكتور يعتمد على كلام المريض الما متخصص براهو بدون ما يشوف تشخيصات الأطباء المشى ليهم قبله! برنامج واحد لمستشفى يتعمل ويتعمم على كل المستشفيات والمستوصفات الخاصة والطبيب تاني يكتب على كمبيوتره ويضغط طباعة أو حتى ولا يطبع ذاتو .. يمشي المريض يقدم بطاقته للصيدلي والصيدلي يشيك على السيستم ويديهو الدواء بتاعه
الحركة الفوق دي تكلفتها كم ؟ * بحسب شوف عيني أي طبيب مشيت ليه في السنتين الأخيرات عندو كمبيوتر وطابعة في مكتبه ومعاهن لابتوب وآيباد كمان .. وما اعتقد كمبيوتر في الطوارئ يشكل عبء مادي على إدارة المستشفيات .. تذاكر زيارات المرضى لنصف يوم بتجيبو * برمجة النظام الفوق دة عملية سهلة جداً وما فيه أي خدع أو صعوبات 5 مبرمجين من البياخدو الملايين الكتيرة في مشروع الحكومة الالكترونية لو قعدوا ليه شهرين ممكن يظبطوهو من الصفر .. لاحظ أنا ما قلت يستعينوا ببرامج جاهزة لأنه دي قد تكلف قروش رغم إنها ما فايتة الـ 100 ألف دولار بس الموضوع بسيط ما بحتاج غير خريج كمبيوتر عندو شوية خبرة في البرمجة وديل قاعدين أكتر من الهم في القلب في برج الاتصالات وبياخدوا مرتبات مهولة وشغالين تنظير بس * تشغيل النظام واستضافته على سيرفر موحد عشان يشمل جميع مستشفيات السودان .. يعني كلها تكون مربوطة مع بعض والبكتبوا ليه علاج في ام برمبيطة يصرفوا في طوكر عادي .. شايفينها حركة كبيرة موش ؟ لكن هي أسهل من شراب الموية أي مبرمج صغيروني نفس البرنامج الفوق داك بإضافة كود بسيط ممكن يخلي البرنامج لعدد غير محدود من المستشفيات طيب قروش السيرفر وإدارته نظامها كيف ؟ المركز القومي للمعلومات عندو سيرفر حكومي جاهز وشغال مجاناً للمواقع الحكومية .. يعني الاستضافة ما بتكلف ولا مليم
الموضوع مادام بالبساطة دي ليه ناس وزارة الاتصالات والمعلومات ما فكروا فيه ! أسألني دبل أقسم بالله بعرف زملاء شغالين في الحكومة الالكترونية قعدت معاهم بدل المرة مية .. الناس دي نست البرمجة ذاتا .. شغالين تنظير وإدارة وبيع كلام وقعدات مع وزراء وولاة والذي منه .. ما بنتجوا أي حاجة لأنه خربانة من كبارها .. وأقسم بالله عندهم بدل العربية اتنين بغيروهن كل سنتين تلاتة والما بنى عمارته في الخرطوم شغال يبني هسة دة ما حسد ربنا يبارك ليهم في رزقهم ويزيدهم اكتر واكتر لكن داير اقول ليك إنه القوى العاملة موجودة بس ناقصة إدارة تقنية واعية
|
|
|
|
|
|
|
العنوان |
الكاتب |
Date |
كتابة الدكاترة | عبدالحفيظ ابوسن | 04-02-17, 07:20 AM |
Re: كتابة الدكاترة | عبدالحفيظ ابوسن | 04-02-17, 07:32 AM |
Re: كتابة الدكاترة | عبدالحفيظ ابوسن | 04-02-17, 08:09 AM |
Re: كتابة الدكاترة | أيمن الفاضل | 04-02-17, 02:51 PM |
Re: كتابة الدكاترة | معاوية الزبير | 04-02-17, 03:30 PM |
Re: كتابة الدكاترة | أحمد الشايقي | 04-02-17, 03:36 PM |
Re: كتابة الدكاترة | عمر التاج | 04-02-17, 03:45 PM |
Re: كتابة الدكاترة | عبدالحفيظ ابوسن | 04-02-17, 05:13 PM |
Re: كتابة الدكاترة | عبدالحفيظ ابوسن | 04-02-17, 05:21 PM |
Re: كتابة الدكاترة | Basamat Alsheikh | 04-02-17, 05:42 PM |
Re: كتابة الدكاترة | عبدالحفيظ ابوسن | 04-03-17, 06:04 AM |
Re: كتابة الدكاترة | أحمد محمد عمر | 04-03-17, 06:34 AM |
Re: كتابة الدكاترة | عثمان الأمام | 04-03-17, 08:44 AM |
Re: كتابة الدكاترة | أحمد محمد عمر | 04-05-17, 09:46 AM |
|
|
|