|
|
 Re: ومن يبتغ غير الاسلام دينا..عدنان الرفاعي (Re: عثمان احمد شرف الدين)
|
السلام عليكم الأخ عثمان...
قال تعالى : من اهتدى فإنما يهتدي لنفسه ومن ضل فإنما يضل عليها ولا تزر وازرة وزر أخرى وما كنا معذبين حتى نبعث رسولا...
الآية دي من الآيات الوعيتها لما كنا بنحفظ القرآن و نحن صغار في الخلوى ساي من غير فهم و ريحتني جداً...
سهلة في الفهم و مباشرة بالنسبة لي!
لو ركزنا معاها الدنيا دي حتتغير و ال كل حيعيش في سلام.
أسمع ليك فتاوي من شيوخ كباااار على حسب زعمهم يقول ليك آي زول ما مسلم حيدخل النار... كيف الكلام ده؟
زول عايش في تايوان في قرية نائية و ما متعلم قاعد هناك لحدي ما وافته المنية و ما سمع بإنه في حاجه إسمها إسلام ذاتو ...
ياخ أطفالنا ما بنعاقبهم كان ما فهمناهم أولاً و تانياً حذرناهم و تالتاً حذرناهم...
ربنا عدل و كريم وهذا ينتفى و زعمهم.
بالنسبة للردة...
كيف أتقصى ديانة الآخر ...
يعني لما آي زول يقفل بابه عليه ... ال بعرفنا شنو إنه الزول ده بيصلي لهبل و لا لي الله!
ثم نحرسهم و لا كيف؟ و ماذا عما تخفي الصدور!
ممكن من الخوف الزول يدعي إنه يدين بالديانة الفلانية و لما يخلي مع نفسه بيعمل الحاجة البمليها عليه هواهُ.
الحل ...
نخليهم لأنفسهم و لربهم..
من اهتدى فإنما يهتدي لنفسه ومن ضل فإنما يضل عليها.
تحياتي
|
|
 
|
|
|
|
|
| |
فردوس جامع
فيس بوك
تويتر
انستقرام
يوتيوب
بنتيريست