الاعلام المصري روج لأهراماتنا وحضارتنا من حيث لا يدري .. فلنوقف الهرجة ونجير هذا الهجص لصالحنا ..!!

Quote: الأخ ناذر و الإخوة المتداخلين هي فعلا جات فرصة طيبة مش عشان المصريين يعرفوا تاريخنا و آثارنا؟ و لكن لينا نحن عشان نعرفها.لا موجودة في مناهجنا و لا مذكورة في كتبنا و المذكور منه حتى المتعلمين يجهلونه. دي بداية عشان نهتم نحن بتاريخنا و ندرسه و نعد متخصصين في الآثار و التاريخ من السودانيين. الاهرامات دي موجودة من آلاف السنين يا دوب نحن جايين نعرفها ؟خلي الناس البرة. آثار موجودة على بعد 180 كلم من الخرطوم و لكن منو المشى زاراها و لو كان عايز يزوره يمشي ليها كيف؟ بعدين الموضوع بتاع التاريخ ده ما هوجة زي انتصار الهلال و لا المريخ الموضوع مرتبط باثباتات و براهين علمية و عايز تأنّي. ما عايز لفخي و نحن عندنا و أنتو ما عندكم ..