حاشاها من نقص العقل

مرحب يا فردوس والحمد لله إنك تنفستي الصعداء ولا أراك الله مكروهاًَ في تنفسك الحقيقي أو النفسي :)
تقولين : (أول تبادي قلت دراسة في ال CNN) ..
أولاً .. من وين عرفتي إنو الدراسة أجريت في الـCNN ؟؟ الكلام مكتوب وموضح منو الاجرى الدراسة لكن كالعادة تسوقك (عاطفة الجندر) نحو الخلاصة التي تريدينها ..
ولا يهمك يا ستي ده رابط الدراسة العلمية .. أخدي راحتك في القراية وأتمنى ما تستعجلي (كالعادة) ..
A review of the impact of pregnancy on memory function.
https://www.ncbi.nlm.nih.gov/pubmed/18030631

نجي للنقطة التانية .. إنتي قلتي : (ثم ثانياً نوع الدراسات الإتعملت و جيت فرحان بيها anecdotal or based on self-report إتمنى أنك تكون ملم بأُسس البحث العلمي عشان تعرف إنه ديل " بيش")
أنا ما عارف إنو قصة إني جيت (فرحان) بالدراسة دي جبتيها من وين ؟؟ عليك الله أديني أي حاجة تدل على الإستنتاجات المدهشة البتجيبيها دي ..
بعدين البيش ديل منو ؟؟ ما يكونوا Henry JD و Rendell PG ؟؟
كدي عليك الله شوفي كمية الدراسات العملوها (البيش) ديل عشان تعيدي نظرتك لي مصطلح (أسس البحث العلمي) :)
غايتو البيش الأول ده مقدم أكتر من 166 ورقة علمية والبيش التاني ده عامل زي 86 ورقة علمية .. نسأل الله السلامة

تقولين سيدتي الفاضلة : (و من أبجديات البحث العلمي يا أخي لو الدراسة ما reproducible لا يؤخذ بها!)
أقول وبالله التوفيق : منو القال ليك ما reproducible ؟؟؟ هل بحثتي في النشرات العلمية عشان توصلي للخلاصة المسوقة بعاطفة الجندر دي ؟؟
هاكي ده نموذج هدانا الله وإياك :
The effects of pregnancy on memory: Recall
is worse but recognition is not
وده الرابط PDF
http://www.mickeslab.com/wp-content/uploads/2014/08/Mickes_Wixted-et-al_2008JCEN.pdfhttp://www.mickeslab.com/wp-content/uploads/2014/08/Mickes_Wixted-et-al_2008JCEN.pdf

تقولين : (و أخيراً ربنا سبحانه و تعالى قال " والقواعد من النساء اللاتي لا يرجون نكاحا فليس عليهن جناح أن يضعن ثيابهن" طيب في أمر الذاكرة دي ما إستثنى القواعد و العاقرات و اللائي لا يحضن ليه ... كما حدث في الآية أعلاه....)
يا سيدتي معلوم أن كبر السن يؤثر على الذاكرة والموضوع ده ما عايز ليهو دراسات لكن لو مصرة بجيب ليك والله ..

تقولين : (ثم في الجاهلية ديك كيف شهادة المرأة تساوي شهادة الرجل !!!)
واضح الإستهتار بالإسلام لكن لتعلمي جيداً أن في ذلك الوقت كان (الإسلام) الذي محى (الجاهلية) وقد عادت الجاهلية أسوأ مما كانت .. واليوم في الدولة التي تعد الاولى في الإستنارة بحسب فهمك يجوز للرجل أن يتزوج الرجل وللمرأة أن تتزوج المرأة ثم يحدثونك عن الجاهلية !! الله المستعان

تقولين : (عليك الله زور بوست أخونا الصادق و شوف وزيرات دفاع العالم الأول و المرأة اليوم عشان تكون عايش معانا هههه)
تصدقي ما محتاج أزور البوست المعني وخليكي إنتي عايشة معانا فالدولة التي تعد الأقوى في العالم (الولايات المتحدة) والتي تعد الأولى فيما يسمى بالحريات والحضارة ومساواة الرجل بالمرأة لم ترأسها إمرأة منذ جورج واشنطن وحتى ترامب والدولة التي كانت أقوى في السابق وثاني أقوى دولة اليوم (الإتحاد السوفيتي - روسيا اليوم) وأيضاً تتشدق بالوهمات المذكورة سابقاً لم ترأسها إمرأة منذ فلاديمير لينين وحتى فلاديمير بوتين.. فاشنو عيشي الواقع