|
Re: طرفة من أهلنا (Re: ولياب)
|
حبيبنا وليات .. أهلنا ناس ضواحي الدنيا ديل نوادرهم كثيرة .. خاصة بعد ظهور الازهريين وبعد داك ناس الدعوة ..
عمنا عبدالله حمدنتود الله يرحمه في الستينات رجع من مصر وتقاعد في البلد وحسب ثقافته الازهرية الصلاة في المسجد .. والناس ما كان يمشوا المساجد القرية ( المسيد ) إلا أيام رمضان .. وفي حالات العزاء .. فقط صلاة الجماعة كان يوم الجمعة في الجامع الكبير جنب قصر سيدي الحسن الادريسي .. عمنا عبدالله فرض على إخوانه الصلوات وخاصة صلاة العصر لأن باقي الاوقات في الساقية .. أصطف عمنا سعيد وبالقرب منه عمنا إبراهيم إحوان .. وفي السجود أطال عمنا عبدالله في السجدة .. الجماعة ترابلة وعندهم مهام كثيرة ما بين العصر والمغرب .. خرج سعيد من طوره وترك الصلاة وقال لأبراهيم ( عبدالله لمن يقوم قول ليه نحن عندنا بهايم في السهلة ما شاربين موية من الصباح ) ثم اضاف جملة رائعة جداً مازال أهلنا يتداولونها ( نحن ما نقدر نرفع مؤخرتنا فوق المدة دي كلها عشان نحن ناس بنأكل بليلة ..) سمع السيد الحسن الادريسي القصة وإستدعى عبدالله وطلب منه التخفيف شوية .. لأن أهلنا في ذلك الزمان ما يسمعوا غير كلام السيد الادريسي هو المفتي هو كل شيء ( طبعاً ماعارفين لا حكومة لا غيرو )
ولياب .. شكراً أن جعلتنا في هذه السياحة الجميلة .. ما راجعت الكلام عشان المكتب فيهو كاميرات ..
برجع بعدين ..
|
|
|
|
|
|
|
العنوان |
الكاتب |
Date |
طرفة من أهلنا | ولياب | 03-07-17, 07:12 AM |
Re: طرفة من أهلنا | علي عبدالوهاب عثمان | 03-07-17, 09:11 AM |
Re: طرفة من أهلنا | عبدالله ود البوش | 03-07-17, 09:26 AM |
Re: طرفة من أهلنا | عبدالحفيظ ابوسن | 03-07-17, 09:37 AM |
Re: طرفة من أهلنا | عبدالله ود البوش | 03-07-17, 09:42 AM |
Re: طرفة من أهلنا | الزبير بشير | 03-07-17, 09:46 AM |
Re: طرفة من أهلنا | عبد العزيز محمد عمر | 03-07-17, 11:08 AM |
Re: طرفة من أهلنا | علي عبدالوهاب عثمان | 03-07-17, 01:53 PM |
Re: طرفة من أهلنا | ولياب | 03-07-17, 02:30 PM |
Re: طرفة من أهلنا | علي عبدالوهاب عثمان | 03-07-17, 03:45 PM |
Re: طرفة من أهلنا | الزبير بشير | 03-08-17, 06:33 AM |
Re: طرفة من أهلنا | حسن محمد عمر | 03-08-17, 07:16 AM |
Re: طرفة من أهلنا | علي عبدالوهاب عثمان | 03-08-17, 06:05 PM |
Re: طرفة من أهلنا | ولياب | 03-09-17, 07:03 PM |
|
|
|