|
Re: بنات سنار..يا قبانى ومحمد المرتضى حامد..!! (Re: Kabar)
|
صديقي يحي.. غايتو انا حردان مع استاذنا ود المأمور ، فالملحمة كانت من بين الحاجات الخاطي عيني عليها (نصا ولحنا وغناءا) ، ولمن راجعت النص في مواجهة شغل استاذنا ابوبكر سيد احمد وانصاف واريج ، قمت زعلت..زعلت زعلة ، متأكد انو ود المأمور بيكون زعلها لمن سمع الشغل..لكن هو كتمها في بت ام روحو وقال: المال تلتو ولا كتلتو..!! فشنو ، جني وجن الفط يااااااااااااااااااااااخ..!! الأداء الموسيقي ، حتى لو بقيادة قامة مثل ابوبكر سيد احمد ، قام فط حاجة ، حاجة عادية للغاية..اللهم الإ كن الناس بقت راكبة ليها موجة تأصيل في السهلة (مع انو الكيزان زاغوا من التأصيل ، والدليل انو قنوات التلفزيون السودانية كانت بتملانا فقر وتنشر علينا لقاء فيهو الناس بتتغالط منو شاعر راجل المرأ حلو حلا..!!..يعني بقت على عبارة ود المأمور الجميلة العاملة مسمار نص للشغل كلو..؟؟؟!!!!).. كتر خيرك يا يحي، وشغل سارة النور (كما هي عادة الناشئة في امسودان ، بتبدى بالمغني أو المغنية وبتنسى الروح الكبرى..!!)..شغل كنت خاتيهو مساكة..!! بيعجبني استاذنا ، عثمان النو..وهو صاحب اللحن..!! اول مرة شفت الشغل ده ، استاذنا عثمان كان بيشتغل جيتار اكوسيتك..!! هل تصدق يا يحي ، لمن كنا في كلية القانون ، كنا دايرين نعمل كورال الكلية.. وعشان نحن ناس قانون وكده ، قلنا نجيه الشغل..فجبنا اساتذة المزيكا (استاذنا دكتور الفاتح حسين ، استاذنا عثمان النو ، استاذنا احمد باص..) وقمنا جبنا الناس (بنات واولاد ، بس بنات سنار زاغن..!!)..والشغلانة عجبتني وقلت..ادخل مع الناس..!! بتذكر الفاتح حسين قال لي: غني مقطع من أي غنية عارفها..! قلت ليهو: غزال البر..! قال: غني..! بديت اغني ، في قاعة الشهيد بابكر عبد الحفيظ بكلية القانون جامعة الخرتوم...! كنت مرتبك للغاية ، قام عثمان النو قال لي حاجة عجيبة وغريبة..قال لي: فك زراير القميص الأولى والتانية ، وقبل وشك على السبورة (نظام ادي ضهرك للجمهور)..! فكيت زراير القميص ، اديت وشي السبورة ، وضهري للحضور..!! قايل شنو يا يحي..؟!! اجازوا صوتي ، وهي ذكرى اعيش عليها حتى اللحظة..ياخي ما فضل لي الإ اركب الشارع زي خلق الله ..وليتني فعلتها..هسع كان اكون امتلك صالة تجوا تسوا فيها مؤتمر ناس سودانيز اونلاين ..ضواحي نورث امريكا..لكن ما بتدي حريف يا قريبي..!! ابوي فرح ود تكتوك..!!! يخرب مطنك ، صديقنا وحبيبنا الأمدرماني مكي المغربي..!! فهل رأيت يا يحي: ككيف مكي ، فحط بانبل عبارة قالها ابوي فرح ود تكتوك؟.. ثم.. وين بنات سنار..؟!! قول لود المأمور ، يا يحي ، بنات سنار ، واحدة منهن كانت عاملة لينا منخوليا..!! واحد من ناس هندسة ميكانيكا..كان خاتي عينو عليها..ياخي جنس مصايب (لو شافها صادق ميرغني ، كان قال لينا ياخي انتو ما قاعدين تبكوا ولا حاجة..!!).. لم ارى في حياتي رجل يدمع من اجل زولة مثلما رأيت في زولنا بتاع هندسة..!! وصاحبتنا كان معيارها عجيب..عجيب وغريب.. بتقول ليك: ليه ما بقدر الآقي في الأولاد من امسودان ناس زي مدثر وكبر..؟ مدثر ، من كوستي (كيتا في عبد الحفيظ اب سن)..وكبر ، كما تعرف..!!! فهل هذا وضوح اكتر من اللازم..؟.. زي التحية ، التي حكيت ليك عنها يا صاحب ذات تجلي ما ، حكاية التوب البيقع بالصدفة ويكشف الخصل الفوق..!!! وباقي الحكاية ، قبال المس كول والتكست مسيج والموبايل..!! ما عندك غير العين تشوف العين ، والحزن يلاقي الحزن..والخوف يلاقي الخوف.. والتردد يلاقي التردد..!! وتقول كده ، تقوم تعرف حاجاتها:صاحبتها ، اختها الصغيرة (امينة سر الغرام) ، اخوانها ، حيها..شوارع حيها..!! ياخي قربت ابقى بعثي يا يحي..وانا القمت في البعث وصديقات واصدقاء..!! لكنها اللحظة (المسمار) يا صاحب..اللحظة المسمار يا ود المأمور لو بتقرا هذا الخيط..!!! وعلي بالحلال يا يحي.. ما ح ابقى بعثي ، رغم (كرامات ناس البعث القابلتني في سكتي الحياة...!!!) هي مجرد ونسة ساكت ياااااااخ..! السر فيها يايحي ، كان ده مفروض يكون اخر بوست في سودانيز اونلاين..لكنو مرق بحاجتين: اسرار عثمان موسى ، وحكاوي احمد محمد عمر..!! احمد محمد عمر..كنت مفارق المنبر..لكن حكاويك..خلتني اخط خط رجعة..!! عبرك يا احمد..ناس كتيرة بتقرا حاجاتنا..بترفق بينا ، تنبهر بينا ، تقوم تفحط باكتشافاتنا وتنسى حتى تديك حق اللحظة الإكتشاف..!! هي امسودان هكذا..فهل لنا القدرة على خلق اللحظة الإكتشاف؟.. بالطبع يا صديقي يا احمد ، والدليل بشكتك هنا..وليتها تكون طريق لكشوفات اخرى..!! ولو تابعت يا احمد..ح نضيف اكتشاف جديد..وسينسى الناس بعد يوم يومين..فهل هذا مهم؟.. بالطبع لأ.. سنكتشف..ونكتشف..ومش مهم ناخد اعتبار..!! تابع ، احمد ، اللحظة القادمة..!! شكرا يا يحي ، بنات سنار ، بنات سنار كانن تلاتة ، زي بنات بص الروصيرص ، بعد سنوات الدراسة..ناغمتني اتنين منهن ، والتالتة زاغت..وانا عارف ليه زاغت..!! يعني الإ اجيب ليك تومات عبد اهلت محمد خير (صاحب يا اجمل الحلوين)..!! شكرا يا يحي..اهلك البقارة بيقولوا (الصراع بالفينات)..والصراع هو رياضة الصراع الواحدة دي..وهي رياضة مشهورة في مجتمعات النوبة والحوازمة (ناس بريمة)..!! وبنات سنار..!! ياخي الشوق/الشوف بالفينات..والكاين يكون..!!
كبر
.
|
|
|
|
|
|
|
العنوان |
الكاتب |
Date |
بنات سنار..يا قبانى ومحمد المرتضى حامد..!! | Kabar | 02-25-17, 12:06 PM |
Re: بنات سنار..يا قبانى ومحمد المرتضى حامد..!! | Kabar | 02-25-17, 12:08 PM |
Re: بنات سنار..يا قبانى ومحمد المرتضى حامد..!! | Kabar | 02-25-17, 12:10 PM |
Re: بنات سنار..يا قبانى ومحمد المرتضى حامد..!! | Osman Musa | 02-25-17, 12:18 PM |
Re: بنات سنار..يا قبانى ومحمد المرتضى حامد..!! | Kabar | 02-25-17, 12:19 PM |
Re: بنات سنار..يا قبانى ومحمد المرتضى حامد..!! | Kabar | 02-25-17, 12:35 PM |
Re: بنات سنار..يا قبانى ومحمد المرتضى حامد..!! | Kabar | 02-25-17, 12:51 PM |
Re: بنات سنار..يا قبانى ومحمد المرتضى حامد..!! | أحمد محمد عمر | 02-25-17, 01:09 PM |
Re: بنات سنار..يا قبانى ومحمد المرتضى حامد..!! | Osman Musa | 02-25-17, 01:22 PM |
Re: بنات سنار..يا قبانى ومحمد المرتضى حامد..!! | Kabar | 02-25-17, 01:37 PM |
Re: بنات سنار..يا قبانى ومحمد المرتضى حامد..!! | Kabar | 02-25-17, 01:39 PM |
Re: بنات سنار..يا قبانى ومحمد المرتضى حامد..!! | Kabar | 02-25-17, 01:55 PM |
Re: بنات سنار..يا قبانى ومحمد المرتضى حامد..!! | Kabar | 02-25-17, 02:16 PM |
Re: بنات سنار..يا قبانى ومحمد المرتضى حامد..!! | Kabar | 02-25-17, 02:31 PM |
Re: بنات سنار..يا قبانى ومحمد المرتضى حامد..!! | Kabar | 02-25-17, 02:44 PM |
Re: بنات سنار..يا قبانى ومحمد المرتضى حامد..!! | Kabar | 02-25-17, 02:52 PM |
Re: بنات سنار..يا قبانى ومحمد المرتضى حامد..!! | Kabar | 02-25-17, 03:05 PM |
Re: بنات سنار..يا قبانى ومحمد المرتضى حامد..!! | علي دفع الله | 02-25-17, 03:36 PM |
Re: بنات سنار..يا قبانى ومحمد المرتضى حامد..!! | Haytham Ghaly | 02-25-17, 03:39 PM |
Re: بنات سنار..يا قبانى ومحمد المرتضى حامد..!! | sadig mirghani | 02-25-17, 07:42 PM |
Re: بنات سنار..يا قبانى ومحمد المرتضى حامد..!! | محمد المرتضى حامد | 02-25-17, 10:50 PM |
Re: بنات سنار..يا قبانى ومحمد المرتضى حامد..!! | munswor almophtah | 02-26-17, 02:52 AM |
Re: بنات سنار..يا قبانى ومحمد المرتضى حامد..!! | munswor almophtah | 02-26-17, 02:57 AM |
Re: بنات سنار..يا قبانى ومحمد المرتضى حامد..!! | Kabar | 03-05-17, 02:12 AM |
Re: بنات سنار..يا قبانى ومحمد المرتضى حامد..!! | Kabar | 03-05-17, 02:29 AM |
Re: بنات سنار..يا قبانى ومحمد المرتضى حامد..!! | Kabar | 03-05-17, 02:33 AM |
Re: بنات سنار..يا قبانى ومحمد المرتضى حامد..!! | Kabar | 03-05-17, 02:34 AM |
Re: بنات سنار..يا قبانى ومحمد المرتضى حامد..!! | Kabar | 03-05-17, 02:36 AM |
Re: بنات سنار..يا قبانى ومحمد المرتضى حامد..!! | Kabar | 03-05-17, 02:40 AM |
Re: بنات سنار..يا قبانى ومحمد المرتضى حامد..!! | يحي قباني | 03-05-17, 03:23 AM |
Re: بنات سنار..يا قبانى ومحمد المرتضى حامد..!! | يحي قباني | 03-05-17, 03:48 AM |
Re: بنات سنار..يا قبانى ومحمد المرتضى حامد..!! | Kabar | 03-05-17, 06:21 AM |
Re: بنات سنار..يا قبانى ومحمد المرتضى حامد..!! | علي دفع الله | 03-05-17, 06:42 AM |
Re: بنات سنار..يا قبانى ومحمد المرتضى حامد..!! | Kabar | 03-05-17, 08:31 AM |
Re: بنات سنار..يا قبانى ومحمد المرتضى حامد..!! | Kabar | 03-05-17, 08:46 AM |
Re: بنات سنار..يا قبانى ومحمد المرتضى حامد..!! | ابراهيم ناصر | 03-07-17, 05:23 AM |
Re: بنات سنار..يا قبانى ومحمد المرتضى حامد..!! | درديري كباشي | 03-07-17, 06:14 AM |
Re: بنات سنار..يا قبانى ومحمد المرتضى حامد..!! | محمد المرتضى حامد | 03-07-17, 09:52 AM |
Re: بنات سنار..يا قبانى ومحمد المرتضى حامد..!! | Kabar | 03-11-17, 07:03 AM |
Re: بنات سنار..يا قبانى ومحمد المرتضى حامد..!! | Kabar | 03-11-17, 07:14 AM |
Re: بنات سنار..يا قبانى ومحمد المرتضى حامد..!! | Kabar | 03-11-17, 07:21 AM |
Re: بنات سنار..يا قبانى ومحمد المرتضى حامد..!! | Kabar | 03-11-17, 07:25 AM |
Re: بنات سنار..يا قبانى ومحمد المرتضى حامد..!! | أحمد محمد عمر | 03-11-17, 08:05 AM |
Re: بنات سنار..يا قبانى ومحمد المرتضى حامد..!! | Kabar | 03-12-17, 04:06 AM |
|
|
|