|
|
 Re: البوست السنوي! (Re: فرح الطاهر ابو روضة)
|
حبيبنا البشاري .. مودتي ..
أثرت لدينا الذكريات الجميلة .. أيامنا مع الجيش الامريكي في حفر الباطن عام 1982م
يا سلام يا البشاري .. ليت الشباب يعود يوماً .. ما كنت سمعت من قبل بعيد الحب ( فالنتاين ) أبداً
مع أنني كنت معلم في ضواحي الدنيا من السبعينات ..
أول عيد أشوفوا كان في القاعدة العسكرية يحفر الباطن وكان سلاح المهندسين الامريكي مسئول عن بناء المدينة
أيام جميلة القاعدة ممنوع منها كل العرب ماعدا السودانيين المترجمين خاصة .. ( شوف اليوم بقينا كيف )
جاء إعلان في المكتب قبل يوم أن الغداء في ( المسبح ) وليس في Dinng hall او في PX
تعرف المسبح كمان صف طويل وحريم ورجال بالشورت ماعدا أنا فقط بالبنطلون ( إتفرج ويا سلام )
الدنيا كلها لون أحمر والجماعة ضاربين المويات كنت تجيهم بالكونتينرات ..
كان عندك صديق ودائماً كنا نصادق إخواننا من أصل أفريقي .. غايتو شويه كده في علبة الببسي لأنو كان ممنوع إعطاء الاخرين ( مسلم أو غير مسلم )
إلا تكون من السلاح مش شركة أو مقاول ..
الجماعة كل يومهم عناق ولعب وضحك بالمايوهات والشورتات ..
أنا لازم أمشي مع كل وجبة لأن ليس هناك مطاعم تجارية إلا هذا المطعم الرئيسي والأكل مجان
المهم اليوم ده كان خاص بالنسبة ليهم يهتموا بيه أكثر من كريسماس أو حتى يوم إستقلال أمريكا
على ما أعتقد كانوا عندهم حوالي 11 أو عشرة أيام إجازات في السنة ..
شكراً البشاري .. يا أخي ذكرتنا الايام الجميلة .. شباب وحيوية ..
بعد العز ده كلو بقينا إرهاربيين وممنوعين .. أمرنا لله ..
آسف للاطالة ولكن رغم زحمة العمل إستحضرنا أيام العز ..
مودتي حبيبنا البشاري ..
|
|
 
|
|
|
|
|
| العنوان |
الكاتب |
Date |
 البوست السنوي! | الامين موسى البشاري | 02-14-17, 07:06 PM |
| Re: البوست السنوي! | الامين موسى البشاري | 02-14-17, 07:13 PM |
| Re: البوست السنوي! | الامين موسى البشاري | 02-14-17, 07:26 PM |
| Re: البوست السنوي! | فيصل محمد خليل | 02-14-17, 08:22 PM |
| Re: البوست السنوي! | حيدر حسن ميرغني | 02-14-17, 08:26 PM |
| Re: البوست السنوي! | الامين موسى البشاري | 02-14-17, 08:57 PM |
| Re: البوست السنوي! | الامين موسى البشاري | 02-14-17, 08:49 PM |
| Re: البوست السنوي! | الامين موسى البشاري | 02-14-17, 09:40 PM |
| Re: البوست السنوي! | osama elkhawad | 02-15-17, 07:08 AM |
| Re: البوست السنوي! | الامين موسى البشاري | 02-15-17, 09:09 AM |
 Re: البوست السنوي! | فرح الطاهر ابو روضة | 02-15-17, 05:07 PM |
| Re: البوست السنوي! | علي عبدالوهاب عثمان | 02-15-17, 05:43 PM |
| Re: البوست السنوي! | الامين موسى البشاري | 02-17-17, 06:18 PM |
| Re: البوست السنوي! | الامين موسى البشاري | 02-15-17, 07:39 PM |
|
| |
علي عبدالوهاب عثمان
فيس بوك
تويتر
انستقرام
يوتيوب
بنتيريست