|
Re: الكشة الحاصلة في العاصمة المثلثة كشة غير (Re: Osman Musa)
|
Quote: هدم للمحلات التجارية بي صورة ابدا ما جميلة |
مش اللَّيام دى قالوا الحكومة عاوزة تعمل علاقات مع اسرائيل؟ خلاس ده يكون عربون محبة عشان يقولوا ليهم انتوا مابراكم البتهَدِّموا. إنت عارف ياعتمان الحكومة دى زى ناس المنبر العام بتاعنا ده الواحد يقرا ليهو كلمة فى بوست يجى يفتح بيها بوست ,,, ناس الحكومة الوزير يكون قاعد فى عزومة سُماية ولا بيت بكا يسمع الناس بتكَلَّموا فى موضوع يمشى الوزارة يعمل قرار مو عارف الناس الـ كانوا فى بيت السماية ديل بعبِّروا عن مصالح شخصية ضيقة وامنيات لايعود نفعها الا عليهم وحدهم. وبالمناسبة دى حصلت معاى أنا قبل كده ,, جاتنى واحدة من ناس الضرائب ومعاها مطالبة ضريبة جزافية ,, قلت ليها أنا ماعندى مانع أدفع الضريبة بس عاوزك تورينى الاسس اللى قدَّرتى بموجبها هذا المبلغ. قالت لى نحنا سمعنا إنو مكتبك بعمل قروش كتيرة وعندك قضايا كتيرة. قلت ليها سمعتى من وين؟ قالت كانت فى بيت المناسبة بتاعت ناس فلان ,, وسمعت انو مكتبى بعمل قروش كتيرة ,, قلت ليها خلاص انا ماحا ادفع ولا مليم وامشوا اشتكونى .
|
|
|
|
|
|