|
Re: تيس يافلا (Re: سيف اليزل سعد عمر)
|
عزيزنا الحكّاء أبو السيوف ياخ والله استمتعت بقصة التيس ده أيما استمتاع، ووجدت فيها مفارقات عجيبة ومضحكة! مرات كده بجيني إحساس إنو الامريكان ديل " مارقين للربا والتلاف" ومرات بجيني إحساس إنهم ناس طيبين جداً. اتخيلت إنو صاحبنا الأمريكي ده الشفوت السويديين قالوا ليهو:" لازم نكرمك لأنك ضيفنا، ونخليك إنت تحرق التيس ، وده نوع من تقاليدنا في الإحتفالات بمقدم الكريسماس، وصاحبنا طبعاً ما صدق هذه الحفاوة السويدية المضروبة في ليلة شتاء قارس! بعدين الزول الاتنّكر في ملابس سانتا كلوس ورشق التيس بسهم ناري على طريقة وليم تيل، بصراحة خيالو واسع شديد! مسكين توم سكوت، الإعلامي البريطاني العمل تغطية اخبارية عن االتيس ورجع لندن ، كان ممكن يحقق أعظم خبطة اعلامية، لو انتظر ليهو كم ساعة كدة، لأنو بمجرد ما وصل هيثرو، بعد ساعتين سمع إنو التيس حرقوه. أخخخخخ ما بتدي حريف!
محبتي
|
|
|
|
|
|